|
هام لطلبه الصف الثالث الثانوى
ازيكو ياجماعه اخباركو ايه ان شاء الله كلكو تكون فى احسن الاحوال ان شاء الله وكل واحد يحقق امله
المهم ندخل ى الموضوع بقه مش عاوزين رغى كتيير كنت عاوزه اعرف رايكو فى نماذج الاجابه الموضوع ده مدايقنى جدااا يعنى الاجابات اللى ليها اجابتين يعدوا يسكتونا ويقوللنا هتتحسب الاتنين طب بدل اساسا فيها شك بيحطوها ليه مش عارفين السنه دى اساسا بتعدى علينا ازاى من سهر ومزاكره ودروس وكفايه الضغط النفسى اللى بنكون فييه والمشكله بردوه ان بعض المصححين فعلا بيمشوها الاتنين فى بعض القطاعات وفى البعض الاخر لا والتنسيق فى الاخر علينا واحد طب فين بقه تكافؤ الفرص وازاى اساسا مستقبلنا كله يتوقف على اللى واضع النموذج انا بحس ان اللى واضع النموذج ده بيحطه على اساس وجهة نظره هو انا بصراحه فيه حاجات كتير اوى مجننانى فى النماذج زى مثلا نموذج العربى بتاعت التمكن ولا القوه المدرسين نفسهام اختلفوا فيها احنا ياطلبه بقه موقفنا فيها ايه والانجليزى بردوه اول سؤال فى القصه ده حاسه انه جه غامض وممكن اى حد يفهمه بطريقه غير التانى ولا both none والله كله بيقول الاتنين بينفعوا والاحياء بتاع سؤال الغدد الصماء ده لو جبت اى حد بتهيالى هيفهم من السؤال انه عاوز تعريف الغدد الصماء تيجى فى النموذج بشكل غريب نفسى حد يفهمنى ايه يعنى المشيميه غده صماء عشان بتفرز الريلاكسين والبروجسترون بس هو ده السبب اللى خلاها غده صماء ولا شرايين الذراع والكليتين ده حاجه تجنن والله ياريت كلنا ياجماعه نتناقش فى الموضوع ده |
اتفق معاكى تماما .... بس احنا بقى ( الادبى ) نعمل ايه ؟؟!!! انتى لو شفتى نموذج اجابة الجيولوجيا مش هتقدرى تمسكى نفسك من الضحك ... احنا عندنا بقى مش سؤال واحد اللى فيه شك .... لا ده فى كل سؤال من الــ 6 اسئلة سؤال فيه شك هههههههههههههههههه .... والمستشارة تطلع تقول التزموا بالنموذج !!! وبعدين انا سمعت ان مدرسين الاحياء هما اللى هيصححوا الجيولوجيا وهما اكيد مش متعمقين اوى فى المنهج يعنى هيحسبوا على النموذج بس ... حتى لو الطالب كاتب اجابة صح بس مش فى النموذج !! طب ده يرضى مين ... كل اللى بقوله فى الاخر ان شاء كل واحد ياخد حقه وربنا مش هيضيع تعب حد ابدا
وشكرا على الموضوع |
اقتباس:
موضوع اختلاف التصحيح ده ظلم فعلاً ما علينا بتاعت both اختلف معاك اي حد عارف ان none صح بس لازم تسبق ب but "ودي خدناها السنادي والسنه الي فاتت كمان وموجوده عندي نصاً في المذكره" بتاعت الغدد الصماء انا شايف انه استهبل صحيح لازم تذكر الهرمونات بس هو موضحش هيا صماء اصلا ليه؟! وده غباء منه بجد انا عملتها صح وزودت كمان حته ليه هيا صماء بتاعت الدراع جت معايا صح حادي بادي كرنب زبادي والله الحمد لله |
اقتباس:
حته مدرسين الاحياء دي هبل وربنا تخيل يجيبوا مدرس عربي يودوه تصحيح الفيزيا عشان الطالب كاتب العربي انا علوم بس شايف ان ده هبل معظم مدرسينا مش عارفين ف الجيولوجيا حاجه |
انا مش عارف امتحانكوا الاحياء كان عامل ازاي
بس عامة ان الله لا يضيع اجر من احسن عملا والامتحان بيبقي علي الكل يعني الدرجات علي الكل والتنسيق بردو علي الكل بالنسبة لحتة المشيمية غدد صماء...هي بتقوم وظيفة الغدد الصماء انما هي مش غدة صماء والله اعلم........... بالنسبة للشرايين عندنا ان ضغط الدم في الرجل اعلي من الايدي ب 15 وضغط اليد اليمني اعلي من اليسري ب 5 والكلية بتاخد ربع ال بيطلعه القلب من الدم يعني تقريبا لتر وربع ددم بس مش معناه ان الضغط عالي فيها فانا لو هختار هختار الرجل بصراحة والله اعلم........... وبالتوفيق ان شاء الله |
اقتباس:
ونماذج الاجابة مختصرة لا توضح شىء نموذج العربى كمثال التمكن والقوة النموذج كاتبها القوة على راى ووجه نظر الى كتبه انا عملتها التمكن لان فى نفس القطعة قال قلبه مفطور تبقى قوة ازاى مش عارف انما التمكن لانه مش بكى وصبر نفسه بعكس المره الاولى الطفلة وفى نفس امتحان العربى والوحدة العضوية سواء احمد شوقى او غيره ده سؤال بلاغه بيعتمد على الذوق دى مجموعة ابيات من قصيدة ممكن يكون فيها وحدة عضوية يلا منه لله يقول هناخد بنموذج اجابة 1995 سؤال القصة بعتبره عادى مع انه غامض بس مفهوم و both دى مفيهاش شك ومتنفعيش none لان كان فى are لكنا الغباء كان فى سؤال should و will و will be والاحياء سهلة بتاع الغدد الصماء ومشهورة والكليتين والشرايين ناس بتقول حلتها فى ملخصات ومتعوده عليها اقتباس:
|
سؤال Will - Should ده .. مفروغ منه لانه Should
بيقولك لو انت مش قادر تتكيف مع اوضاعك لازم تتفاوض مع نفسك .. و بالتالى جاى بصورة إلازم او نصح و هى Should !! |
اقتباس:
|
اقتباس:
اقتباس:
|
شكرا ياجماعه على الرد وتفاعلكم معايا بس انا بس صعبان عليا التعب اللى بنتعبه ده ويروح فى حاجات تافهه وبعكمان بنكون دين عاملينها صح بس للاسف فى وجهه نظر اللى حاطط النموذج مش صح يبقى ذنبنا ايه يعنى واقصد بردوه ان فيه ناس بتحسبها صح وناس متحسبهاش يبقى كده فى ظلم كبييييييييييييييييير والله وحكايه انهم يجيبوا مدرسين غير مدرسين الماده يصححوا ده اكبر ظلم عشان خاصه فى الاسئله المقاليه ممكن نكون كاتبين المضمون صح بس مش زى النموذج احنا بقه اللى بنروح فيها يلا ربنا معانا كلنا ويحقق لكل واحد امله
|
ربنا يستر بجد أحسن كل مدرس بيقول كلام في المرجعات غير التاني خالص !
|
ربنـــــــــــــــــــــــــــا يستــــــــــــــــــــــــــــــــــــــــر
|
كلامك كله صح طبعا
بس ياترى مين يسمع هما بيعملوا الى بمزاجهم ربنا يستر ان شاء الله |
peaaaaaaaaaace
|
الكلام دة كله صح
اول مادة العربى ودى اكتر مادة هنزل فيها معظم الاختيارات مش واضحة وكمان الوحدة العضوية لكن اللى سمعته ان فى لجان تصحيح التزموا بنموذج الاجابة وقالوا لم تتحقق ولجان تانية مشوها الاتنين ............وكدة مش يبقى فيه تكافؤ فرص الانجليزى سؤال القصة مش واضح لكن بصراحة باقى الامتحان سهل ومعظمه من ال workbook الاحياء سؤال الغدة الصماء تقريبا سهل ومتدربين عليه قبل كدة |
محدش جاب سيرة الفيزياء يعنى
انا بس عايزة اتناقش معاكو فى حاجة مسالة الحرارة انا عايزة اعرف ليه مش حول فى نموذج الاجابة من pa الى pascal او نيوتن/ متر مربع |
هو الامتحانات اصلا كانت هايفة موووز ,, فبالتالي ,, الغباء جه في الاجابات و التصحيح ,,, و ربنا يستر ع التنسيق اللي هيجي هاي ان ذا سكاي !!!
|
الامتحانات كانت سهلة
لكن الاحياء كانت اصعبها بس يا ريت التنسيق يكون فى مصلحتنا |
محدش رد عليا يعنى !!!!!!!
انتو فيييييييييييييييييييييييييييييييييين |
لان pa تعنى بسكال
وهى وحدة دولية ومفيش تحويل هنا! |
ازاى pa تساوى باسكال
1 pa تساوى 1.013× 100000باسكال |
لأ يعنى زى ما كل حاجة ليها اختصار
وفى النموذج اجابة المسألة2.33 |
pa يعنى ضغط جوى (atom يعنى) بس مش اختصار
وعلى فكرة انا شفت نموذج الاجابة وهيه فعلا مكتوبة 2.33 |
ياجماعة هو في الاحياء في السؤال بتاع الزراع و الكليتين مشوها اية
اصل انا شوفتها في نموزج الاجابة الزراع بس واحدة زميلتي قالتلي ان المدرس بتاعها بيقول مشوها الكليتين الرجاء حد يرد عليا |
اقتباس:
يا راجل pa = atm طيب atm دي وحده زي المتر وكده لكن pa ده رمز للatomic pressure يعني كأنك بتقولي مثلاً المساحه = 100 متر مربع المساحه هنا = pa يعني قيمه الضغط الجو في حد ذاتها متر مربع دي وحده القياس الي هيا بمثابه atm اتفهمت ؟ بجد معرفش ازاي فكرتوا فيها كضغط جوي ! |
ايه يا جماعه ما حدش بيرد عليا ليه
وحقه بتاعة باسكال و الضغط الجوي اتحسبت الاثنين صح ياريت حد يرد بقى |
اقتباس:
|
http://www.youm7.com/News.asp?NewsID=438022
بدء تصحيح الفيزياء.. والمصححون يعترضون على جزئية من نموذج الإجابة بدأت لجان تصحيح امتحانات الثانوية العامة، صباح اليوم، الأحد، فى تقدير درجات طلاب المرحلة الثانية فى مادة الفيزياء، التى خاض اختبارها أمس 158 ألف طالب وطالبة. وعلم "اليوم السابع" أن مصححى مادة الفيزياء اعترضوا على جزئية واحد بنموذج الإجابة المطروح من جانب الوزارة، حيث اعتبروا أن واضع الامتحان وقع فى خطأ بالجزئية "ج" من السؤال الرابع، حينما ذكر لفظ "pa" قاصدًا بها وحدة الباسكال، رغم أن الطلاب اعتادوا عليها باعتبارها وحدة ضغط جوى، فيما ورد هذا اللفظ فى نموذج الإجابة باعتباره وحدة باسكال، الأمر الذى دفع المصححين للاعتراض على هذه الجزئية ومطالبة مشرفى التصحيح باعتماد الإجابتين صحيحتين دون التقيد بما ورد فى النموذج، وهو ما تمت الموافقة عليه من قبل لجان التصحيح، وباستثناء هذه الجزئية أجمع المصححون على عدم وجود أى أخطاء فى نموذج الإجابة. فى السياق نفسه ينتهى مصححو اللغة الإنجليزية من تقدير درجات طلاب المرحلة الثانية فى المادة اليوم، الأحد، علمًا بأنهم بدأوا التصحيح يوم الأربعاء الماضى، ومن المقرر أن يبدأ غدًا تصحيح أوراق إجابات نفس المادة بالمرحلة الأولى من الثانوية، فيما يتوقع مصدر بوزارة التعليم أن تعلن الوزارة اليوم نتيجة العينة العشوائية لمادة اللغة الأجنبية الثانية للمرحلة الأولى. |
اقتباس:
مين قال ان الpa زى المتر انتة ممكن تقول انه زى السنتيمتر بس طبعا مش زى المتر وحدة قياس الضغط اللى زى المتر هيه النيوتن/متر مربع والوحدة دى تساوى الباسكال وعلى فكرة فى كل المسائل اللى فى اى كتاب بيكون محولها دايما انا اللى مش عارفة انتو مش حولتوها ليه!!!!!!!!!!!!!!!!!!!! |
اقتباس:
وهيا مشكلتك انه زي السنتي انا بضرب مثال عملي وانتي شقلبتي علي فكره انا اقصد ان رمز pa يناظر ما يقاس وليس وحده يعني كأني بقول المساحه= 100 متر مربع المساحه هيا الي بتتقاس "pa" والوحده متر مربع"بسكال-atm-نيوتن/متر2" مفيش حاجه اسمها ان pa وحده دي منيييييييين دي دا رمز للضغط الجوي وافكرك لو ناسيه pgas=pa+h ليه مقلناس + cm.Hg مستني اجابتك |
اقتباس:
انا قصدى ان المتر مش بيتحول فى المسالة اما السنتيمتر لازم يتحول وبعدين مين قال ان atom تساوى pascal 1 atom يساوى1.013×100000 باسكال ودى موجودة فى كتاب المدرسة وفى اى كتاب خارجى برضه وبعدين المعادلة pgas=pa+h pa هنا يعنى الضغط الجوى وممكن تفتح كتاب الامتحان فى الفيزياء وتراجع المسائل اللى من النوع دة هتلاقى محول من pa ل pascal |
اقتباس:
انتي مش فاهماني ليه انا بتكلم هو لو كان قالك 10 اس 5 atm كنتي تحولي هو "حسب ما انتي حلتيها" كانه بيقول المساحه=10 اس خمسه مساحه هيا مساحه وحده عشان تتحول ؟! Pa مش وحده عشان تتحول هتحولي ما يقاس لوحده؟! طيب افرضي انه قصده 10 اس 5 *pa "بما انه لازقهم في بعض" فييييييييييييييين الوحده بتاعت القياس بقي بخ؟! |
السوال كان واضح الراجل قال ضغطه يساوي pa لو كان قال بقي يعادل pa كنا هنحول وبعدين مش هنخشر حاجه
لو عملنا دي ودي انت ليك تعمل الحل اكتر من 5 مرات بس متهيقلي الراجل غبي برضك وممكن يراعوا الطالب |
اقتباس:
شوف كتاب المدرسة صفحة 90 هتلاقى كل اللى انا بقوله مكتوب فى النص التانى من الصفحة |
| جميع الأوقات بتوقيت GMT +2. الساعة الآن 01:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.