للنقاش الهادف.. مطلوبات ونفقات الزواج
 

هو المفروض ان الناس لاتكتر اوى ولاتتساهل اوى يعنى المثال اللى حضرتك قولته ده بيعكس ثقافة غريبة اوى عندنا فى مصر ايه الفايدة من ان القايمة تبقى عالية وعلى فكرة الموقف ده بيتكرر كتير فى مجتمعنا اما امر الشبكة فاعتقد فى المدن مش بيدقوا فى الامور دى لكن عندنا فى القرية اللى بيروحوا يحضروا خطوبة قبل مايقولوا مبروك بيقولوا جابت شبكة بكام فالموضوع بيبقى منظرة مش اكتر اما عن المطلوب فده برده على حسب العروسة واهلها يعنى فى ناس بتفرد فى الطلبات شوية ويقولوا بيت مايقلش عن 5 حجرات وشبكة ب80الف ومهر 90000 اما المؤخر فبيبقى اعلى حاجة كنوع من التامين يعنى يعنى بتاع100000ده بالنسبة للى بيتوسعوا اما المعدل العادى او ابسط حاجة واللى شايفاه منتشربيت 3حجرات وشبكة 40000ومهر 30000ومؤخر زى المهر برده30000وده بيزيد باستمرار يعنى من3سنين بس كان العادى شبكة 20000ومهر10000 بس الدهب بيغلى فطبيعى لازم الشبكة تعلى ولما بتعلى بتعلى معاها الحاجات التانية

ايوووون عندك حق
المشكله كلها بتكمن عندنا ف الصعيد
ف وجه بحري الأهالي متفهمه إلى حد ما
طيب اولاً انتي شايفه 150 جرام دول كتار ولا قليلين؟؟

ماهو انتي كدا تقريباً متفقه مع اهل العروسه
يعني انتي شايفه الشبكه 40 ألف يعني اقل بشكل بسيط عن الشبكه ال أهل العروسه طلبوها
طيب وبالنسبه للقايمه؟؟!!

هو الدهب مالوش اهمية لكن من حق اهل البنت انهم يضمنوا ليها حياة كريمة بانهم يطلبوا شقة كويسة وحد كمان يكون مرتبة كويس ولازم من وجهة نظرى يكون المؤخر عالى هو الدهب بس اللى شايفة ان الناس لازم تقلل فيه شوية

بصراحة انا مش فاهمة القايمة دى بتكون عبارة عن ايه لكن انا بقول اللى بسمعه اقل شبكة حاليا بتكون40000ومتهيالى كمان بتكون حاجات بسيطة مش كتير وياريتهم اصلا يخلوا الشبكة دى زى زمان كده 3000 ولاحاجة بس يمكن عشان عندنا قرية والناس بتفكر الدهب الكتير حاجة حلوة بيرفعوا فيه على اد مايقدروا ده فى ناس كمان بتجيب 80000 وحاجات كده بس اهل العروسة بيشاركوا بمبلغ ولو هى معاها دهب بتشارك بيه برده يعنى مش بيكون كله على العريس

لا بس هو مش معنى إنّهم يضمنولها حياه كريمه انهم يعجزوه ف الطلبات
انتي شايفه الحاله الماديه ال فيها اغلب الشباب
والبطاله
وال شغال بيقبض بالكتير 1000 جنيه ولو حتى 1500 او 2000 مش هيخلوه يقدر ينفذ الطلبات دي
فأخرتها كله بينصب عليكم انتم في العنوسه
والأهل مش حاسين بكدا انهم بالشكل دا بيضروا بنتهم وممكن تعنس ف الآخر من اخرة الطلبات السخيفه دي

متفهمين لكن برده فى ناس بتبص لبعضها يعنى من سنة كان فى شبكة عبارة عن قران بس مافيش دهب الاهل موافقين عادى الناس قعدوا يقولوا ايه البخل ده مش قادرين يجيبوا شوية دهب وكله يتكلم بقى وشغل النميمة ده بس فى الاخر على فكرة مابيبقاش الاختلاف كبير قليل اوى لما يحصل زى ماحضرتك قولت ان ام العروسة تقول كده العريس غالبا هو اللى بيحب يجيب بزيادة عشان المنظر

هو مش بيدفع لوحده احنا عندنا هنا اهله اللى بيبقوا مجهزين البيت والشبكة والحاجات دى كل قرايبنا عملوا كده وهو بيبقى عليه المرتب بس وعلى فكرة 2000 جنيه كويس وبعدين مش كل الناس بتتشدد اوى ومافيش عنوسة ولاحاجة احنا عندنا مابيوافقوش على طول حتى لو اتاخروا شوية بس يلاقوا الناس المناسبة اما الناس اللى مابتتشددش فدول بيوافقوا حتى لو بنتهم فى الكلية هم نظامهم كده

استنى يابنتى وانا احسبهم معاكى هو اقل حاجة بتكون 3غوايش الواحدةبتاع 14 جرام و3 خواتم الواحد حوالى 6 جرام وسلسلة 18جرام يعنى كله بتاع 80 جرام ماهم دول اللى بيبقوا ب40الف لا بصراحة 150 جرام دول افترا اوى ليه يعنى؟

انا غلطان انا ماقصدش بحري عندكم اقصد المكان ال بدرس فيه وعارف فيه إلى حد ما تقاليد الناس ال هو القاهره

ازاي 80 جرام ب 40 ألف يعني؟؟!!
ال انتي قولتيهم دول ماشي 80 جرام بس ب 24 ألف مش ب 40 ألف
دا حتى لو كان دهب عيار 24 ال هو اعلى حاجه
الجرام منه ب 312.5 وبالمصنعيه نقول 350 مثلا يعني ال 80 جرام هيبقوا ب 28 ألف بس بردو

اه صح فعلا فى القاهرة ماحدش بيدور على الحاجات الصغيرة دى لان الناس كل واحد فى حاله مش زى عندنا وكمان هناك لان الناس ماتعرفش بعض فبيكون صعب ان البنت يجيلها عريس فمش بيتشددوا زى عندنا غير ان هناك الاسعار غالية فلازم يراعوا الظروف كمان يعنى احنا هنا مابيبقاش فى افترا فى الاسعار زى هناك

يبقى اللى جايبين ب40000 دول مش جايبين كده لانهم جايبينه 21 هم تقريبا فعلا معظم الناس بتجيب الحاجات اللى انا قولت عليها فبتكون من 24 ل28 الف زى ماحضرتك قولت هم ممكن يكونوا كتير لكن هنا الاسر بتساعد الشباب فى الشبكة وكمان العروسة بتساعد باللى معاها يعنى حوالى 3 او4 الاف كده هى اصلا الشبكة دى زى مابيقولوا كده عندنا مناظر كدابة

وجهة نظر تحترم بردو
ويمكن كمان لأنّ هناك العاصمه بسبب الإرهاق ومش هقدر اتكلم ف شيء زي دا
نسبة البنات اعلى كتير من الأولاد
غير في الأقاليم يعني ممكن تكون نسبة البنات أعلى بس مش بنفس الشكل ف الأقاليم
فأهل القاهره بيحطوا ف بالهم إنّه مهما كان جمال بنتهم ممكن متتجوزش لأنّ عدد البنات كتير اوي

ماهو ب 40 ألف دا يعني تقريبا حوالي من 120 جرام ل 130 او 140 مثلا
او هي طالعه معايا بحساب ان الجرام ب 300 أنها 133 جرام

انا بعتقد ان حكاية الدهب دى مش مهمة
هى بس الام مش عايزة بنتها تكون اقل من اى حد وعايزة تكون مطمنة عليها عشان برده زى ما انت عارف نسبة الطلاق زادت جامد
فهو دا بيبقى خوف مش اكتر
انا معرفش الشبكة بتيجى بكام ولا الكلام دا احنا عندنا العريس بيجيب حاجة والام والاب بتبقى ليهم هديتهم لبنتهم فى الفرح يعنى ممكن الاب يجيب اسورة اى عقد او اى حاجة لبنته هدية

انا متفق معاكِ شكلاً وموضوعاً طبعاً
ثم انتي داخله بالأكونت دا لييييييييه؟؟ :d:d:d
بصي هو طبيعي أصلاً الموضوع بيتوقف على الحاله الماديه للأسرتين
بس اانا بتكلم بالنسبة للطبقة الوسطى ال بتضم عامة الشعب

ماهو الجملتين مش متداخلتين اصلا
يعني موضوع ان القسم مش عاجبني دا موضوع
ودخولي اني احط الموضوع والنقاش دا شيء تاني خالص
مفيش تكامل ولا تداخل بين الجملتين يعني

عفوا ...فى حاجه غلط ده الاكونت بتاعى من زمان أكيد حضرتك غلطت فى حد تانى

وبالنسبه لل150 جرام دهب طبعا غير مناسبة وغالية جدا

السلام عليكم .. طيب هما ليه يكتبوا 300 ؟؟ يعني ليه يكتبوا اكتر من الحقيقي؟؟ مش فاهمة .. هي دي حاجة ليها فايدة؟
للأسف انا مش بفهم يعني ايه قايمة و لا جواز و لا دهب ؟ .. و الـ 150 جم هيختلفوا من شخص لشخص .. بالنسبة لي ممكن يكونوا كتير . و الراجل ممكن يحس انه مخنوق من رقبته و اقلهم مهرا أكثرهم بركة .. . بس أختي كتبوا ف القايمة كل ما تحويه الشقة اللي احنا جبناه و اللي مجبنوش و الشقة ع طوبها لزوجها و مؤخر 200 الف بس مخدتش مهر و قولنا لبابا حرااااااام 200 الف لييييييييه؟؟ .. و هو أصلا ليه يتدخلوا بين الـ2 ؟ ما براحتهم ..هما لو شباب كويسين يتفقوا صح و كفاية دبلة للعروسة و الشبكة و كل حاجة ضرورية تيجي بعدين بس طبعا الاهالي المصريين ملهمش ف كدا و يقولوا حق بتنا و كلام مش فاهماه .. فينك يا عهد الصالحين..حسبنا الله و نعم الوكيل .. حاسة ردي مش مفهوم عشان مش بعرف اتكلم ف المواضيع دي اصلا ..

طب سؤال بسيط يعني
هو مش انتي بردو نفس الشخصية مناجاة المناجاة؟؟؟؟؟ :d:d:d

ده كتير اوى واستهبال .. مالها الاجنبيه اتجوزها بدبله ومن غير محبس :d


وبيسالوا ليه الشباب مش عايزين يتجوزوا ؟؟؟؟؟؟؟؟؟؟؟؟؟؟؟؟؟؟؟؟

انتة لسة موجودة فى القسم ياريت تتفضلى تخرجى من القسم

مناجاة اختنا وحتفضل معانا ومش حيجى ابدا عضو بتاع انهاردة وامبارح يطرد ها
مش الاغراب حيطردو اصحاب البيت

اعوذ بالله

eeh yagama3a za3laneen mn b3d leeh ento e5wa maynf3sh tz3lo b3d wm3lsh bktb keda 3shan ellab 3la marra w5ayfa ast5dm shift 3shan mayfslsh

دانا بحب المنتديات عشان مفهاش فرانكو .... ليه بس يا سارة كده !!

خلاص انا غيرتها اصلا مش عارفة اكتب بس كنت خايفة استخدم شفت واغير عربى لان اللاب امبارح فصل منى من غير سبب فخفت يعلق تانى لكن الحمد لله ماعلقش

ولا يهمك أصل المشكلة اني بكره الفرانكو ده كره العمى :d

حكاية الطمع دى مستبعدة من وجهة نظرى لانهم مش بياخدوا حاجة من الطلبات دى لكن السبب بيكون اما خوف وعايزين يامنوا بنتهم او منظرة عشان الناس يققولوا بنتهم جالها كذا وكذا وساعات فى بنات مفترية شوية بيفضلوا يطلبوا طلبات مش معقولة وده اللى طمع فعلا اما حكاية الحب دى فمبقاش حد بيحب اساسا يعنى الشباب نفسهم غالبا لما بيدوروا على عروسة بيكونوا عايزنها بتشتغل عشان تساعد فى المعيشة او بنت ناس اغنيا عشان يستفيدوا من الورث والبنات كل واحدة عايزة تقول انها عايشة احسن من غيرها وبقوا اول حاجة يسالوا عنها الماديات ويمكن قبل اهلهم كمان

هههههههه اه والله
مالهم بنات اليورو
قال بدبله قال :p

القسم ليس ملكا لاحد عشان يمشي منه حد بمزاجه
والانسه مناجاه من افضل الشخصيات ال ف القسم اصلا
ومحدش له الحق يقولها امشي
المنتدى ملك للجميع

انت كل ماتكتب حب تحط بعده ايموشن مبتسم ليه :d:d:d:d
دا ايه الجواز ال زي الفل دا ياعم 15000 مين يابلاش والله :d:d

شكرا لحضرتك نورتي باول مشاركه ف المنتدى :)