للنقاش الهادف.. مطلوبات ونفقات الزواج

[222ahmed222]

بسم الله الرحمن الرحيم
انا كنت بدأت اقلل خالص من دخولي او مشاركاتي او عملي للمواضيع ف القسم في الفترة الماضيه لأنّ القسم مبقاش عاجبني بصراحه
بس في موضوع كدا اتطرح قدامي في الساحه وحبيت اشرككم فيه واخد رأيكم ونتناقش نقاش هادف
شايفين ايه الطلبات المثاليه ال ممكن تتطلب من عريس لما يروح يتقدم لواحده عشان يتجوزها؟؟
يعني مثلاً شبكه حوالي كام جرام دهب؟
طبعاً ف الإسلام الشبكه ليست إلا هدية العريس للعروسه يعني المفروض هو بيجيبها زي مايحب لأنّها هديه وطبيعي مفيش حد بيطلب من حد هديته
بس عرف المجتمع دلوقتي خلى الموضوع دا من مطلوبات الحياه
فلو هنتكلم في الواقع العريس لما يتطلب منه شبكه
شايفين الشبكه الكويسه في حدود كام جرام؟
لو مثلاً هنتكلم عن الدهب عيار 21
وهو النهارده سعره تقريباً 274 جنيه للجرام
وغير المصنعيه يعني تقريباً هيدخل ف 300 جنيه للجرام
فعلى السعر دا شايفين العريس المفروض يجيب كام جرام؟؟!!
واقولكم على مثال حصل قدامي وعايز رأيكم فيه هل دا كتير ولا قليل
واحد راح اتقدم لبنت اهلها قالوله عايزين منك 150 جرام دهب
فهو وافق وعملوا الخطوبه وكانت متحدد معاد الفرح بعد العيد على طول
جه بيزورهم السبوع ال فات ام العروسه قالتله احن عايزين نكتب القايمه
فقالها ماشي انا هكتب ف القايمه 120 جرام دهب وكدا كويس اوي
راحت هي قالتله لا بنتي مش هيتكتبلها اقل من 300 جرام دهب في الشبكه!!
المهم الولد مقدرش يوافق على القايمه دي
وراحوا سابوا بعض قبل الفرح بتلات اسابيع لأن الفرح كان هيبقى يوم 23 اغسطس الجاري
وبعد ما كانوا حاجزين القاعه والكوشه والكوافير وكل حاجه ودعوا الناس
اتفسخت خطوبتهم عشان الموضوع دا
مع العلم إن أسرة العروسه كانت في حاله ماديه جيده أما الآن ليست كذلك على الإطلاق ووالدها متوفي
وليست بالفتاة الفاتنه يعني
فإنتم شايفين اولاً 150 جرام شبكه دا كتير ولا قليل؟؟؟
ولو شايفينه عادي طب ايه رأيكم في موضوع انهم يكتبوا 300 جرام في القايمه؟؟؟؟!!!!
ياريت اشوف مشاركتكم ونتناقش نقاش هادف في الموضوع دا

[Aya Mn Allah ♥]

بصراحة يعنى انا ضد حكاية الدهب الكتير دى
وبجد الحاجة دى اوفر اوى خاصة عندنا ف الصعيد
يعنى طالما الواحد مؤدب ومحترم ومتدين ومعاه شهادة حلوة ومتوظف
ليه يعنى نتقل عليه ف مصاريف الدهب خاصة ان لسه وراه شقة وهيعمل فرح والحركات دى

والعيلتين اللى سابوا بعض عشان 300 جرام دول مش عارفة اقول ايه بصراحة؟
يعنى خلاص الفرح كان كمان زقة ويتعمل
المفروض كانوا يوصلوا لحل وسط بس هما شكلهم كده مش متمسكين ببعض
وف الاول وف الاخر الفلوس والحاجات دى مش بتنفع اهم حاجة يكونوا سعدا مع بعض


نايس توبيك بجد

[د/نداء الجنة المصرية]

هو المفروض ان الناس لاتكتر اوى ولاتتساهل اوى يعنى المثال اللى حضرتك قولته ده بيعكس ثقافة غريبة اوى عندنا فى مصر ايه الفايدة من ان القايمة تبقى عالية وعلى فكرة الموقف ده بيتكرر كتير فى مجتمعنا اما امر الشبكة فاعتقد فى المدن مش بيدقوا فى الامور دى لكن عندنا فى القرية اللى بيروحوا يحضروا خطوبة قبل مايقولوا مبروك بيقولوا جابت شبكة بكام فالموضوع بيبقى منظرة مش اكتر اما عن المطلوب فده برده على حسب العروسة واهلها يعنى فى ناس بتفرد فى الطلبات شوية ويقولوا بيت مايقلش عن 5 حجرات وشبكة ب80الف ومهر 90000 اما المؤخر فبيبقى اعلى حاجة كنوع من التامين يعنى يعنى بتاع100000ده بالنسبة للى بيتوسعوا اما المعدل العادى او ابسط حاجة واللى شايفاه منتشربيت 3حجرات وشبكة 40000ومهر 30000ومؤخر زى المهر برده30000وده بيزيد باستمرار يعنى من3سنين بس كان العادى شبكة 20000ومهر10000 بس الدهب بيغلى فطبيعى لازم الشبكة تعلى ولما بتعلى بتعلى معاها الحاجات التانية

[222ahmed222]

المشاركة الأصلية كتبت بواسطة aya mn allah ♥

بصراحة يعنى انا ضد حكاية الدهب الكتير دى
وبجد الحاجة دى اوفر اوى خاصة عندنا ف الصعيد
يعنى طالما الواحد مؤدب ومحترم ومتدين ومعاه شهادة حلوة ومتوظف
ليه يعنى نتقل عليه ف مصاريف الدهب خاصة ان لسه وراه شقة وهيعمل فرح والحركات دى

والعيلتين اللى سابوا بعض عشان 300 جرام دول مش عارفة اقول ايه بصراحة؟
يعنى خلاص الفرح كان كمان زقة ويتعمل
المفروض كانوا يوصلوا لحل وسط بس هما شكلهم كده مش متمسكين ببعض
وف الاول وف الاخر الفلوس والحاجات دى مش بتنفع اهم حاجة يكونوا سعدا مع بعض


نايس توبيك بجد

ايوووون عندك حق
المشكله كلها بتكمن عندنا ف الصعيد
ف وجه بحري الأهالي متفهمه إلى حد ما
طيب اولاً انتي شايفه 150 جرام دول كتار ولا قليلين؟؟

[222ahmed222]

المشاركة الأصلية كتبت بواسطة سارة ماكس

هو المفروض ان الناس لاتكتر اوى ولاتتساهل اوى يعنى المثال اللى حضرتك قولته ده بيعكس ثقافة غريبة اوى عندنا فى مصر ايه الفايدة من ان القايمة تبقى عالية وعلى فكرة الموقف ده بيتكرر كتير فى مجتمعنا اما امر الشبكة فاعتقد فى المدن مش بيدقوا فى الامور دى لكن عندنا فى القرية اللى بيروحوا يحضروا خطوبة قبل مايقولوا مبروك بيقولوا جابت شبكة بكام فالموضوع بيبقى منظرة مش اكتر اما عن المطلوب فده برده على حسب العروسة واهلها يعنى فى ناس بتفرد فى الطلبات شوية ويقولوا بيت مايقلش عن 5 حجرات وشبكة ب80الف ومهر 90000 اما المؤخر فبيبقى اعلى حاجة كنوع من التامين يعنى يعنى بتاع100000ده بالنسبة للى بيتوسعوا اما المعدل العادى او ابسط حاجة واللى شايفاه منتشربيت 3حجرات وشبكة 40000ومهر 30000ومؤخر زى المهر برده30000وده بيزيد باستمرار يعنى من3سنين بس كان العادى شبكة 20000ومهر10000 بس الدهب بيغلى فطبيعى لازم الشبكة تعلى ولما بتعلى بتعلى معاها الحاجات التانية

ماهو انتي كدا تقريباً متفقه مع اهل العروسه
يعني انتي شايفه الشبكه 40 ألف يعني اقل بشكل بسيط عن الشبكه ال أهل العروسه طلبوها
طيب وبالنسبه للقايمه؟؟!!

[د/نداء الجنة المصرية]

المشاركة الأصلية كتبت بواسطة aya mn allah ♥

بصراحة يعنى انا ضد حكاية الدهب الكتير دى
وبجد الحاجة دى اوفر اوى خاصة عندنا ف الصعيد
يعنى طالما الواحد مؤدب ومحترم ومتدين ومعاه شهادة حلوة ومتوظف
ليه يعنى نتقل عليه ف مصاريف الدهب خاصة ان لسه وراه شقة وهيعمل فرح والحركات دى

والعيلتين اللى سابوا بعض عشان 300 جرام دول مش عارفة اقول ايه بصراحة؟
يعنى خلاص الفرح كان كمان زقة ويتعمل
المفروض كانوا يوصلوا لحل وسط بس هما شكلهم كده مش متمسكين ببعض
وف الاول وف الاخر الفلوس والحاجات دى مش بتنفع اهم حاجة يكونوا سعدا مع بعض


نايس توبيك بجد

هو الدهب مالوش اهمية لكن من حق اهل البنت انهم يضمنوا ليها حياة كريمة بانهم يطلبوا شقة كويسة وحد كمان يكون مرتبة كويس ولازم من وجهة نظرى يكون المؤخر عالى هو الدهب بس اللى شايفة ان الناس لازم تقلل فيه شوية

[د/نداء الجنة المصرية]

المشاركة الأصلية كتبت بواسطة 222ahmed222

ماهو انتي كدا تقريباً متفقه مع اهل العروسه
يعني انتي شايفه الشبكه 40 ألف يعني اقل بشكل بسيط عن الشبكه ال أهل العروسه طلبوها
طيب وبالنسبه للقايمه؟؟!!

بصراحة انا مش فاهمة القايمة دى بتكون عبارة عن ايه لكن انا بقول اللى بسمعه اقل شبكة حاليا بتكون40000ومتهيالى كمان بتكون حاجات بسيطة مش كتير وياريتهم اصلا يخلوا الشبكة دى زى زمان كده 3000 ولاحاجة بس يمكن عشان عندنا قرية والناس بتفكر الدهب الكتير حاجة حلوة بيرفعوا فيه على اد مايقدروا ده فى ناس كمان بتجيب 80000 وحاجات كده بس اهل العروسة بيشاركوا بمبلغ ولو هى معاها دهب بتشارك بيه برده يعنى مش بيكون كله على العريس

[222ahmed222]

لا بس هو مش معنى إنّهم يضمنولها حياه كريمه انهم يعجزوه ف الطلبات
انتي شايفه الحاله الماديه ال فيها اغلب الشباب
والبطاله
وال شغال بيقبض بالكتير 1000 جنيه ولو حتى 1500 او 2000 مش هيخلوه يقدر ينفذ الطلبات دي
فأخرتها كله بينصب عليكم انتم في العنوسه
والأهل مش حاسين بكدا انهم بالشكل دا بيضروا بنتهم وممكن تعنس ف الآخر من اخرة الطلبات السخيفه دي

[د/نداء الجنة المصرية]

المشاركة الأصلية كتبت بواسطة 222ahmed222

ايوووون عندك حق
المشكله كلها بتكمن عندنا ف الصعيد
ف وجه بحري الأهالي متفهمه إلى حد ما
طيب اولاً انتي شايفه 150 جرام دول كتار ولا قليلين؟؟

متفهمين لكن برده فى ناس بتبص لبعضها يعنى من سنة كان فى شبكة عبارة عن قران بس مافيش دهب الاهل موافقين عادى الناس قعدوا يقولوا ايه البخل ده مش قادرين يجيبوا شوية دهب وكله يتكلم بقى وشغل النميمة ده بس فى الاخر على فكرة مابيبقاش الاختلاف كبير قليل اوى لما يحصل زى ماحضرتك قولت ان ام العروسة تقول كده العريس غالبا هو اللى بيحب يجيب بزيادة عشان المنظر

[Aya Mn Allah ♥]

انا بصراحة مش عارفة 150 كتير ولا قليل عشان مش بفهم ف الدهب
بس انا شايفة ان الدهب الاوفر مش ليه لزمة وربنا
هما فعلا يا سارة لازم يركزوا مع الشقة لانها هتكون مملكتها لكن الدهب مش يأفوروا

[د/نداء الجنة المصرية]

المشاركة الأصلية كتبت بواسطة 222ahmed222

لا بس هو مش معنى إنّهم يضمنولها حياه كريمه انهم يعجزوه ف الطلبات
انتي شايفه الحاله الماديه ال فيها اغلب الشباب
والبطاله
وال شغال بيقبض بالكتير 1000 جنيه ولو حتى 1500 او 2000 مش هيخلوه يقدر ينفذ الطلبات دي
فأخرتها كله بينصب عليكم انتم في العنوسه
والأهل مش حاسين بكدا انهم بالشكل دا بيضروا بنتهم وممكن تعنس ف الآخر من اخرة الطلبات السخيفه دي

هو مش بيدفع لوحده احنا عندنا هنا اهله اللى بيبقوا مجهزين البيت والشبكة والحاجات دى كل قرايبنا عملوا كده وهو بيبقى عليه المرتب بس وعلى فكرة 2000 جنيه كويس وبعدين مش كل الناس بتتشدد اوى ومافيش عنوسة ولاحاجة احنا عندنا مابيوافقوش على طول حتى لو اتاخروا شوية بس يلاقوا الناس المناسبة اما الناس اللى مابتتشددش فدول بيوافقوا حتى لو بنتهم فى الكلية هم نظامهم كده

[د/نداء الجنة المصرية]

المشاركة الأصلية كتبت بواسطة aya mn allah ♥

انا بصراحة مش عارفة 150 كتير ولا قليل عشان مش بفهم ف الدهب
بس انا شايفة ان الدهب الاوفر مش ليه لزمة وربنا
هما فعلا يا سارة لازم يركزوا مع الشقة لانها هتكون مملكتها لكن الدهب مش يأفوروا

استنى يابنتى وانا احسبهم معاكى هو اقل حاجة بتكون 3غوايش الواحدةبتاع 14 جرام و3 خواتم الواحد حوالى 6 جرام وسلسلة 18جرام يعنى كله بتاع 80 جرام ماهم دول اللى بيبقوا ب40الف لا بصراحة 150 جرام دول افترا اوى ليه يعنى؟

[222ahmed222]

المشاركة الأصلية كتبت بواسطة سارة ماكس

متفهمين لكن برده فى ناس بتبص لبعضها يعنى من سنة كان فى شبكة عبارة عن قران بس مافيش دهب الاهل موافقين عادى الناس قعدوا يقولوا ايه البخل ده مش قادرين يجيبوا شوية دهب وكله يتكلم بقى وشغل النميمة ده بس فى الاخر على فكرة مابيبقاش الاختلاف كبير قليل اوى لما يحصل زى ماحضرتك قولت ان ام العروسة تقول كده العريس غالبا هو اللى بيحب يجيب بزيادة عشان المنظر

انا غلطان انا ماقصدش بحري عندكم اقصد المكان ال بدرس فيه وعارف فيه إلى حد ما تقاليد الناس ال هو القاهره

[222ahmed222]

المشاركة الأصلية كتبت بواسطة سارة ماكس

استنى يابنتى وانا احسبهم معاكى هو اقل حاجة بتكون 3غوايش الواحدةبتاع 14 جرام و3 خواتم الواحد حوالى 6 جرام وسلسلة 18جرام يعنى كله بتاع 80 جرام ماهم دول اللى بيبقوا ب40الف لا بصراحة 150 جرام دول افترا اوى ليه يعنى؟

ازاي 80 جرام ب 40 ألف يعني؟؟!!
ال انتي قولتيهم دول ماشي 80 جرام بس ب 24 ألف مش ب 40 ألف
دا حتى لو كان دهب عيار 24 ال هو اعلى حاجه
الجرام منه ب 312.5 وبالمصنعيه نقول 350 مثلا يعني ال 80 جرام هيبقوا ب 28 ألف بس بردو

[د/نداء الجنة المصرية]

المشاركة الأصلية كتبت بواسطة 222ahmed222

انا غلطان انا ماقصدش بحري عندكم اقصد المكان ال بدرس فيه وعارف فيه إلى حد ما تقاليد الناس ال هو القاهره

اه صح فعلا فى القاهرة ماحدش بيدور على الحاجات الصغيرة دى لان الناس كل واحد فى حاله مش زى عندنا وكمان هناك لان الناس ماتعرفش بعض فبيكون صعب ان البنت يجيلها عريس فمش بيتشددوا زى عندنا غير ان هناك الاسعار غالية فلازم يراعوا الظروف كمان يعنى احنا هنا مابيبقاش فى افترا فى الاسعار زى هناك