|
لكل طالب فى ثانويه عامه قاعد زعلان من الإمتحان
بسم الله الرحمن الرحيم السلام عليكم ورحمه الله وبركاته بصراحه أنا مش عارف إن كان من حقى إنى أكتب الموضوع ده ولا لاء خصوصاً إنى مش ثانويه عامه السنه دى أنا خلصت ثانويه من 2 سنه بس بصراحه حال الطلبه واللى بقرأه كل يوم فى المواضيع اللى بتتكلم عن صعوبه الإمتحان وحاله اليأس اللى تملكت من معظم طلابنا هى اللى خلتنى أكتب الموضوع ده فإسمحو لى "قدر الله وما شاء فعل" لأنّ المؤمن الحقيقي إما شاكرًا أو صابرًا، والشاكر والصابر في الجنة والخير لنا دائمًا في الصبر على الشدائد قال تعالى: {لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ} [إبراهيم: 7]. إن الله " يمهل ولا يهمل " كما أنه " لا يضيع أجر من أحسن عملاً " لو إنت عملت اللى عليك وذاكرت طول السنه وتعبت وذاكرت فعلاً ياترى ده كان عشان تجيب الدرجه النهائيه ؟! ولا كل ده كان إبتغاءً فى مرضاه الله عز وجل أكيد طبعاً إبتغاءً فى مرضاه الله عز وجل طب ما إنت بتقول أنا عملت اللى عليا وذاكرت ورضيت ضميرى قدام ربنا سبحانه وتعالى يبقى ليه بقه شاغل بالك إن الإمتحان جه صعب ولا سهل ولا من خارج المنهج حتى أنا خلاص اللى أنا بعمل كل ده عشان أتقرب منه شايفنى وحاسس بيا يبقى عاوز إيه تانى من الدنيا عاوز أكون فى مكانه كويسه عاوز أدخل كليه كويسه عاوز أكون مشهور قال النبي صلى الله عليه وسلم : { لو توكلتم على الله حق توكله لرزقكم , كما يرزق الطير , تغدو خماصا , وتروح بطانا } يعنى مسأله الرزق دى حاجه فى إيد ربنا سبحانه وتعالى منشغلش بالنا بيها ونركز فى اللى جاى ونعتمد على ربنا سبحانه وتعالى ونخلى ثقتنا بعدل العادل كبيره ونعرف إن أكيد صوت الحق هو الأعلى دائما مهما طال الإنتظار ونبطل بقى نبكى على اللى فات ونندب على حظنا ونقول ياريت اللى جرى ما كان وأصل وفصل والحكايه والروايه اللى حصل حصل وخلاص إنتهينا ركزو فى اللى جاى هتفضلو لحد إمته عايش فى مود الإمتحانات ده لحد ما تحطم نفسك بنفسك وتخلى اليأس يسيطر عليك وعلى ما تبدأ تفوق يكون كل شىء ضاع من إيدك يا جماعه بجد إنتو بحالتكم اللى إنتو فيها دى صعبنين عليا جداً مش عارف أقولكم إيه بس بجد اللى إنتو بتعملوه ده خطاً كبييييييييييييييييييييييييييييييييييييييييير وبعدين أكيد اللى بيحصل لنا ده بسبب اللى الذنوب اللى إحنا بنعملها قال رسول الله " تركت فيكم ما إن تمسكتم به لن تضلو بعدى أبداً كتاب الله وسنتى " هل إحنا فعلاً متمسكين بده يبقى الحل بإدينا إحنا " لا يغير الله ما بقوم حتى يغيرو ما بأنفسهم " و متقلقوش من رحمه الله بسم الله الرحمن الرحيم " قل يا عبادى الذين أسرفو على أنفسهم لا تقنطو من رحمه الله إن الله يغفر الذنوب جميعاً إنه هو الغفور الرحيم " صدق الله العظيم هنتوب إمته مستنين إيه الملك صبر علينا كتير وسترنا كتير وسامحنا كتير وسابنا كتير ويسرلنا كتير وجددلنا كتير وأمهلنا كتير بس لما يأخذ إن أخذه أليم شديد ملحوظه أنا ليا رأى فى الطلبه المصريين مش عارف ده بينطبق على الكل ولا لاء بس يا جماعه لو خدتو بالكم هتلاقو إن المنهج اللى إنتو بتدرسوه منهج المدرس اللى إنت بتاخد عنده درس الكتاب الخارجى اللى إنت شاريه يعنى كل مدرس بيمسك كتاب الوزاره يلخصه ويعمله مذكره الله وأعل بقه هو لخص إيه ولا كتب إيه ولا عمل إيه المهم إن كتاب الوزاره ده محدش بيفتحه مع العلم إنى متأكد إن أى حد لو قرأ كتاب الوزاره واللى نازل فيه مقرر مش ماى وراء مذكره المدرس الخصوصى ولا السلاح اللى شاريه كان حل ده مجرد رأى ممكن يكون صح أو خطأ على العموم ربنا يعنكو ويصبركو ويخرجو من المحنه دى على خير |
موضوع جامد اوي يا محمد وانا عن نفسي شايفة ان دة الحل الوحيييييييييد ..
ننفض ونتوكل على الله وان شاء الله ربنا هيكرمنا وربنا مع بتوع 3 ثانوي ... وانا عن نفسي خلااااااااص شيلت كللللللللللللل حاجة من دماغي الي اتكتب اتكتب هفضل اضايق في نفسي واعمل فيها خلاص .. يبقى مش هخلص وانا اصلا فيا الي مكفيني مش ناقصة تفكير في حاجة تانية وعلى كل حال حسبي الله ونعم الوكيل فيهم كلهم وثاااااااااااااااااااااااااانكس يا محمد توبيك جامد |
عندك حق والله
خلاص اللى ربنا عايزه هو اللى هيكون شكرا على الموضوع |
بجد بارك الله فيك كلامك جميل و مؤثر جدا .
كل واحد عمل اللي عليه المفروض يسيبها على ربنا . انا الحمد لله كنت برجع بعد اي امتحان كان صعب و لا سهل حتى لو كنت خارج فاقد الامل زي التفاضل و الفيزيا كنت بروح اصلي صلاة شكر لربنا . و كل اللي يجيبه ربنا اكيد خير حتى لو مش اللي احنا عايزينه . ووالله العظيم يا جماعة انا كنت الاول مخنوق جدا و خايف بس في كل صلاة كنت بحمد ربنا و اقوله انا عملت اللي عليا و كل اللي تجيبه خير دلوقتي حاسس بتفاؤل غير عادي و مبسوط جدا لدرجة اني بتمنى النتيجة تكون بكرة عشان حاسس انها حلوة ان شاء الله و جزاك الله خيرا يا محمد |
عندك حق في كل حاجة غير اخير حتة ديه ::: علشان بجد انا و ناس كتير اعرفهم ::: بنذاكر من كتاب الوزارة مش من الملزمة :::
زي الفيزياء انا حليت كل اسئلة الكتاب و تقريبا قرأت فيه كتير :::و مجاش منه ولا مسألة :::: و لا في حاجة من الالومبياد و برده في الرياضيات نفس الكلام ::::: ::: شكرااا لك |
موضوع حلو اوى يا محمد باشا
و دى خطوة رائعة منك انك مهتم و متواصل و حاسس بالناس اللى حواليك و ده عشان قلبك طيب و شخص راقى و كلامه موزون و موضوعى ربنا يكتر من أمثالك يا باشا |
بس الواحد حاسس بقهر وظلم عمره ماحسه
لما تتعب طول السنة مبين دروس ومزاكرة وسهر وفى الاخر تلاقى نفسك مش حليت حاجة ويادوب هتنجح يبقى نحس باية؟؟ طبعا الواحد عنده يقين ان الى ربنا عاوزه هيكون مهما حصل بس هما لية بيعملوا كدة عاوزين اية يعنى مش لقين حاجة ينكدوا بيها علينا قالوا يجيبوا الامتحانات بالمنظر دة بصراحة الواحد جاله احباط وكل الى كنت حاطة عينى عليه حاسة انه بيبعد عنى وكل طموحاتى حاسة انها ضاعت |
اقتباس:
لقد أسعدنى مرورك الجميل جداااً ويايرت فعلاً أكون قدرت أوصلكم انا عاوز أقول إيه |
العفو يا محمد
انتا الي توبيكاتك جامدة وبكون سعيدة وانا بشوفها |
اقتباس:
وإن شاء الله خير خلو ثقتكم بالرحمن كبيره شويه " اللهم إنى لا أسألك رد القضاء ولكنى أسألك اللطف بى " |
اقتباس:
بجد بارك الله فيك ياريت فعلاً الكل يفكر زيك وملناش غيره هو بس اللى نقدر نلجأله فى مثل هذه الظروف هو الله جل جلاله |
اقتباس:
أنا قولتلك فى كلامى غن ده مجرد رأى شخصى يحتمل الصواب أو لخطأ على العموم قدر الله وما شاء فعل |
اقتباس:
لقد أخجلتم تواضعنا |
اقتباس:
دائماً ترقب عند كل إبتلاء بمصيبه فرج من الله |
اقتباس:
|
والله
كلام جميل جداً يا ابوحميد والطالبة محتاجة فى الوقت دا وربنا كبير شكراً ياا محمد دمتم بخير |
اقتباس:
والله الواحد سلم امره لربنا ماهى البلد دية محدش هيعرف يمشى فيها لوحده ربنا يستر بجد عالى جاى |
انت عندك حق وانت حاسس بينا كانك كنت بتمتحن معانا بس مقدمناش نعمل حاجه غير ندعي ونقل يااااااااااااااااااااااااااااااااااااا رب وحسبنا الله ونعم والوكيل وبصراحه مواضيعك كلها حلوه ومميزه ومختلفه ويا رب كده دايما
|
يا جماعه اهدوا كده وسيبوها على الله
ووانا اريد وانت تريد وربك يفعل مايريد وخالى امالكوا فى ربنا كبير ان الله يمهل ولا يهمل ومنهم لله ولا حول ولا قوه الا بالله موضوع جامد يا محمد |
اقتباس:
منور يا جميل |
شكرا يا محمد .. موضوع في الجون
|
اقتباس:
|
اقتباس:
وبقلبك بجد بجد الى عملوه مش هين كفاية حالتنا النفسية وكفاية قلبنا الى اتحرق وكفاية كل دمعة نزلت منا على المهزلة الى حصلت فعلا كانت مجزرة منهم لله والله بجد بجد بدعي عليهم من قلبى وان شاء الله مش قعدين ليهم فى البلد دية بلد ظالمة ومتعرفش الحق فين |
يانسمه ياحببتى هدى نفسك
انت كده هتخليهم يفرحوا فيكى لما دمرو نفسيتك عشان امتحان فى الدنيا امال هنعمل ايه فى امتحانات ربنا سبحانه وتعالى هما عايزين يدمروا الشباب ويرجعوا يقولوا شباب فاسد مش متعلم وهما اللى بيكرهونا فى التعليم ربنا معاكوا ويوفقكوا وحسبى الله ونعم الوكيل ولا حول ولا قوه الا بالله ر |
لا تبكي علي اللبن المكسوب..................... هو بس الزعل عشان المجهود والحلم والفرحه ضاعت ...................صعب حد يشوف كل ده قدامه ويسكت ............................ حسبي الله نعم الوكيل حسبي الله ونعم الوكيل في نار جنهم اجمعين
|
بجد جزاك الله كل خير على الكلام الجميل ده
وصح والله المفروض الواحد يفوض امره لله كلها امور دنيويه وشكرا ليك |
اقتباس:
ربنا يعينكم على ما إبتلاكم إن شاء الله |
اقتباس:
جزاك الله خيراً على المرور |
اقتباس:
|
اقتباس:
لو كل واحد قابلته مشكله قال أنا هسيب البلد تبقى البلد يلا السلام خلى إيمانك بالله كبير وإعرفى أن الله سبحانه وتعالى يمهل ولا يهمل و عندما يأخذ إن أخذه أليم شديد |
جزاكم الله خيرا
دائما تذكرونا بالله نصبر ونحتسب غن شاء الله فأنا أتأكد أن الله سيكرمنا ليس بالطريقة التى نريد ولكن بالطريقة الذى هو يريدها لنا ونحن لا نعلم من أن يأتى الخير لا تنسونا الدعاء وقال تعالى ( إن مع العسر يسر) |
اقتباس:
|
اقتباس:
إن مع العسر يسر وإن شاء الله فرجه قريب |
اقتباس:
|
اقتباس:
على الرد الجميل ده وإن شاء الله ربنا معاكم ويقدركم على ما بلاكم |
الله عليك يا محمد والله بجد موضوعك جميل أوي وكلامك رائع كأنك حاسس بينا وباللي بيحصلنا ربنا يبارك فيك
وعندك حق في كل اللي قولته مادام ربنا قال ( إن الله لا يضيع أجر من أحسن عملا ) يبقا ان شاء الله تعبنا لا يمكن يضيع حتى لو ( لا قدر الله ) مجموعنا كان مش زي ما احنا عايزين ... أكيد ربنا مقدر لينا الخير في شئ آخر لأنه هوا اللي عارف الأحسن لينا ايه وأنا عندي أمثلة كتيييييييييييرة تثبت كلامي بس مش عايزة اطول في ردي بس لو عاوزين عشان قلبكوا يرتاح هقولكم على طول المهم دلوقتي نسيبها على الله وزي ما قولت يا محمد نتوكل عليه وهو القادر على كل شئ وميرسي مرة تانية على موضوعك بجد مش عارفة اقوللك ايه جزاك ربي كل خير |
اسمح لي حضرتك أضع كلمات عن فوائد الصبر والاحتساب في هذا الموضوع الرائع
1 / دليل كمال الإيمان وحسن الإسلام .. 2 / الفوز بالجنة والنجاة من النار.. 3 / حصول السعادة في الدارين الإحتساب في الطاعات يجعلها خالصة لوجه الله تعالى وليس لها جزاء إلا الجنة .. الإحتساب في المكاره يضاعف أجر الصبر عليها .. الإحتساب يبعد صاحبه عن شبهة الرياء ويزيد في ثقته بربه .. الإحتساب في المكاره يدفع الحزن ويجلب السرور ويحول ما يظنه الإنسان نقمة إلى نعمة .. الإحتساب في الطاعات يجعل صاحبه قرير العين مسرور الفؤاد بما يدخره عند ربه فيتضاعف رصيده الإيماني وتقوى روحه المعنوية.. الإحتساب دليل الرضا بقضاء الله وقدره ودليل على حسن الظن بالله تعالى وهذه علامة على صلاح العبد واستقامته إتباع للرسول الكريم صلى الله عليه وسلم |
اقتباس:
ولو الأخ محسش بإخواته أمال هيحس بمين وإن شاء الله ربنا معاكم وبعدين بلاش كلمه ما أطولش عليكم دى إتكلمى براحتك لأن فعلاً كلنا محتاجين نتكلم وكلنا محتاجين نسمع بعض ونخاف على بعض |
اقتباس:
وجعله الله لكى فى ميزان حسناتك إن شاء رب العالمين |
ازيك يا محمد باشا
موضوعك رائع يا محمد وانا عاوز اضيف حاجة صغيرة حتى لو ربنا مكتبش ليك انك تدخل الكلية الى انت عاوزها فلازم تعرف كويس ان دى اقدار وان نصيبك كدة ومتبعش القضية بئة وتقول مستقبلى ضاع والحوارات دى بل بالعكس لازم تبدا من جديد فى المجال الى انت بقيت فية وتحاول تكون متفوق فية وان دى ارادة ربنا وانك كان ممكن تدخل الكلية الى انت عاوزها ومتعرفش تتفوق فيها فانتو يا جماعة سيبو كل حاجة على ربنا وربنا مش هيضيعكوا ومش ناهية الدنيا انك متدخلش الكلية الى بتحلم بيها وانا عشت عمرى كلة على انى هدخل كلية معينة وبعد ما دخلتها عملت استخارة عليها وحولت منها بعد ما دخلتها لكليتى الى انا فيها دلوقتى ممكن تندهشو لما تعرفو انى حولت لحقوق وانا سعيد جدا بكدة شفتو الدنيا بتتغير فى لحظة ازاى زى ما قلت دى اقدار ومحدش عارف الخير فين |
شكراااا اوى يامحمد على تواصلك معانا وانا دايما بحب كلامك ومواضيعك
لانها فعلا بتأثر فينا وانا معاك فى رأيك انا الحمد لله عملت اللى عليا والتوفيق ده بتاع ربنا " إن الله لا يضيع اجر من احسن عملا " وبعدين محدش يعرف الخير فين وانا مش مضايقه من الامتحانات لانها قربتنا من ربنا اوووى ويمكن لو كانت الامتحانات حلوه مكناش قربنا كده من ربنا وتوكلنا عليه وسلمنا امرنا لله فعلينا ان نحتسب امرنا عند الله (فهو خير وكيل ) وحسبنا الله ونعم الوكيل . |
جزاك الله الف خير على هذا الموضوع الرائع ونعم بالله فهو نعم المولى ونعم النصير ودعائى للجميع بالتوفيق والنجاح
|
ربنا يهدينا ويهديهم
|
والله لا زعل ولا حاجة
كدا تمام اوى |
اكيد فرحان فينا يا محمد بيه
|
اقتباس:
على المرور يا جمال |
اقتباس:
حق الإمتحانات خلتنا قريبين من ربنا أكتر خلتنا لجأنا للحى القيوم خلتنا عرفنا ربنا خلتنا حطينا رجلنا على أول سلمه فى طريق الفلاح ربنا يعينكم إن شاء الله |
اقتباس:
|
اقتباس:
|
اقتباس:
على حسن ظنك فيا :mad: |
| جميع الأوقات بتوقيت GMT +2. الساعة الآن 05:44 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.