|
تغير المسمي الوظيفي ابتدائي الي اعدادي
قدمت بحث وكل الورق من سنتين وطلعلي امر نقل بس اظل بحسين سد العجز
وذهبت الي الاكاديمية بطنطا وقالولي هاتي الورق مرة تانية والبحث تاني علشان شهادة الصلاحية انا مش فاهم حاجة .........حد يفهمني ايه شهادة الصلاحية دي ولو حد طلعله ...يعرضه لانني اجننت من الاكادمية ...عايزييين الورق تاني..بالله عليكوا ردو عليا |
يعنى هيتغير الوظيفة فى الصحئيفة الاكترونية من معلم ابتدائى الى معلم اعدادى
|
انتي لما قدمتي الطلبات بعد كده خدتي كشف فيه اسمك بعد التعديل ؟ ولا مش استلمتيه اصلا ؟ لو كان اسمك قد تم التغيير له من المرحله الابتدائية الي الاعدادية فيجب ان تذهبي الي التوجيه لكي يقوم بوضعك علي الاعدادي وتوزعي علي مدرسة اعدادي ولكن لو في عجز فمن حقك التسكين علي المرحله الاعدادية وتندبي الي المرحله الابتدائية لحين سد العجز ولكم الشكر
|
ايوا طلع اسمي في قرار نقل من معلم ابتدائي الي اعدائي مع بقائي في الابتدائي لسد العجز هل هو ده شهادة الصلاحية ؟
|
ايوة هو ده ووزعوكي علي مدرسة اعدادي ؟ ولا لالاء
|
أنا نفس الموضوع وانتقلت لمدرسة إعدادي من سنتين والمفاجأة مازالت علي قوة الأبتدائي
:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3::av4056bb7jp3::av4056bb7jp3::a v4056bb7jp3::av4056bb7jp3::av4056bb7jp3: |
لالالالالالالالا ...محدش وزعني انا لسة في الابتدائي
لالالالالالالالا ...محدش وزعني انا لسة في الابتدائي
|
عندنا فى اداره الرحمانيه ( محافظه البحيره ) لم يكن هناك عجز فى الابتدائى بل العجز فى الاعدادى ونقلت الى مدرسه اعدادى وغيرت صحيفه الاحوال من الاداره لمعلم اعدادى وبالنسبه للاكاديميه لم اذهب اليها ابدا لانى بعد نقلى الاعدادى اخذت اجازه الوضع ولم اتقدم باى ابحاث .. وبالمناسبه رغم اعتراض التعليم الابتدائى فى الاداره ومدير المدرسه لاننا كنا 4 مدرسين الا ان الحل كان عند التوجيه
|
انا نفس النظام بالظبط غيرت المسمى من ابتدائى الى اعدادى وغيرت صحيفة الاحوال الى مدرس اعدادى لكن المشكلة جاى فى قرار تغيير المسمى .. لحين سد العجز .. مع انى رحت للموجه العام ووزعنى على مدرسة اعدادى لكن التعليم الابتدائى رافض ينقلنى بحجة سد العجز .. اللى عمره ما هيتسد .. مش عارف اعمل ايه يقالى سنتين مغير المسمى الوظيفى ومش عارف انقل .. ياريت حد يدلنى اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
|
حد يقوللى ... أعمل ايه !
|
شكوى للمديرية
المفروض تروح مكتب تنسيق الخدمات فى المديرية و تقدم شكوى - لو اسمك طلع فى القرار, المفروض المديرية تعمل بيه أمر تنفيذى ليه رقم و تاريخ و عليه ختم مثلث - تطلع بيه عالتوجية يشوفلك مدرسة اعدادى يسكنك عليها و ينتدبك ابتدائى لحين سد العجز و تخلى من تنسيق الأبتدائى و تستلم فى تنسيق الاعدادى فى الادارة (بموجب الأمر التنفيذى) - و عاوز أقولك كمان ان نقلك للإعدادى غير مقيد بالعجز و الزياده, لاااااازم ينقلوك بس ممكن يشترطوا الندب مؤقتاً و ده برضه مش حقهم (فى قانون الندب لا يصح الندب الى مرحله أدنى و لكن لمرحله أعلى) بس دى بتمشى ودّى علشان بكرة هتحتاج الموجه الأول فلازم تريحه علشان ميرميكش فى مدرسه بنت كلب زى اللى أنا فيها, و ساعتها لما تقف على راسك مش هتعرف تطلع منها غير بموافقته. كمان عاوز أقولك ان الشكوى للمديرية هتكون بسبب (امتناعهم عن تنفيذ الأمر التنفيذى و تجاوز مده الـ 60 يوم للإستشكال من تاريخ صدورة), بس دى عاوزاك تأخد صورة من الأمر التنفيذى و القرار اللى علية اسمك و تبقى عارف رقمه و تاريخه قبل متتكلم. |
متشكر جدا يا مستر واضح ان حضرتك فاهم فى مثل هذه الموضوعات وعندك خبرة كبيرة وعاوز أقول لحضرتك على حاجة : 1- انا فعلا رحت على الموجه العام وسكنى على مدرسة اعدادى وأخذت نشرة الموجه العام ورحت ع المديرية وأعطونى جواب من المديرية بالتنفيذ وأخذت الجواب من المديرية ورحت ع الادارة علشان تعطينى جواب للمدرسة الاعدادى وجواب للمدرسة الابتدائى ولكن مدير الادارة رفض لأنه يريد موافقة التعليم الابتدائى والتعليم الابتدائى رافض بحجة سد العجز الموجودة فى قرار تغيير المسمى الوظيفى 2- إن قرار المسمى الوظيفى عبارة عن قرار به اسماء الذين تم لهم تغيير المسمى الوظيفى وانا من ضمنهم ولكن هذا القرار به 4 مواد من ضمن هذه المود مادة تقول : تمت الموافقة على تغيير المسمى الوظيفى ولكن مع أخذ اقرار عليهم بعدم ترك المرحلة الا بعد سد العجز والكلام ده حوالى من سنتين 2- اما بخصوص الشكوى تكون صيغتها عاملة ازاى ؟ وهل مكتب تنسيق الخدمات موجود فى المديرية نفسها ؟ ارجو الرد من حضرتك علشان انا تعبت من الموضوع ده وكمان ماعنديش خبرة ولا عندى واسطة .. وأتمنى ماكنش بزعج حضرتك .. انا آسف ع الاطالة
|
رجاء ايها الاخوة نفس المشكلة يالضبط ....الرجاء الرد
|
احنا بقى تم تغيير المسمى الوظيفى لكل مراكز المحافظة ما عدا بندر بنى سويف اللى مصممين ان اللغة العربية لا يتم نقلها بحجة ان فى عجز 180 واحد فى ابتدائى وان لما بتم تعيين ناس جديدة مش هيتم نقل اى حد الا لما يكون فيه زيادة فى ابتدائى وان اعدادى مليان وعشان كدا نفذوا فى الارياف الا توجيه اللغة العربية مش راضى ابدا يغير المسمى الوظيفى انقذونا بالله عليكم
|
الاخوة الاعزاء :
الموضوع مختلف فى الغربية قليلا باختصار القرار الصادر من المديرية بتغيير المسمى الوظيفى يلغى حال عدم الحصول على شهادة الصلاحية وسأفصل لحضراتكم : الان صدر قرار من المديرية لتغيير المسمى الوظيفى وليكن برقم 1 مثلا عليك وبسرعة اعادة عمل الاوراق جميعها بالاضافة الى البحث المطلوب من الاكاديمية وتسليم الورق مجمع الى الاكاديمية وبعدها ترسل الاكاديمية الى المديريات الاسماء لتعيد اصدار قرار وليكن قرار 2 به من حصلوا على شهادة الصلاحية تمام انتهى الاجراء الورقى وسأحاول رفع صور بعض القرارات لحضراتكم |
سيبك من الأكاديمية لابد من عمل الأتى قبل موضوع الأكاديمية
1- تتنقلى من المرحلة الإبتدائية إلى الإعدادية وده بيكون مع التوجية 2- بعد النقل للمرحلة الإعدادية تخدى إقرار القيام بالعمل فى المدرسة الجديدة الإعدادى وصورة القرار من لجنة شئون العاملين وتذهبى لقسم الإحصاء فى إدارتك التعليمية والموظف يغييرك بيناتك وبعد التغيير أدخلى على صفحتك من برقم السرى والكود الخاص بسياتك وشوفى اتغيير ولا لآ 3- بعد ذلك تذهبى للأكاديمية وتشوفى طلباتهم أنا طلبوا من 1- صورة طبق الأصل المؤهل الجامعى 2- موافقة التوجية 3- صورة طبق الأصل من قرار لجنة شئون العاملين مختومة من الإدارة 4- بحثان فى التخصص 5- صحيفة أحوال مختومة |
اقتباس:
|
انا غيرت المسمى الوظيفى فعلا من سنتين ومش عارف اخلع من التعليم الابتدائى ...... اعمل ايه ............... ويعنى ايه شهادة الصلاحية ؟
|
السلام عليكم بالنسبه للى اصلا تعليم اساسى واتسكن معلم ابتدائى ولكن حاليا تم ندبه كليا لمدرسة اعدادى هل يمكن تغيير المسمى الوظيفى الى مدرس اعدادى ؟ وايه الشروط؟؟؟
|
اقتباس:
بالنسبة للحاصلين على تعليم أساسي فلا يمكن تغيير المسمى الوظيفي للمرحلة الاعدادية حتى و لو تم ندبه لمدرسة اعدادية فيمكن ان يستمر منتدبا بها و لا يتم تثبيت ندبه او نقله |
غيرت المسمي ولا اشتغلت بالتخصص ولا غيرت المدرسة علما بان تخصصي الجديد ف زيادة
والتوجيه خايف يصعدني اعدادى بحجه موافقه التعليم الابتدائي وايه حكايه البحث وشهادة الصلاحية دى توضيح لو سمحتو |
اقتباس:
اما موضوع حضرتك ...فهو تعير المرحله المقيد عليها بصفه اصليه ويلزمها موافقه التعليم الابتدائى على اخلاؤك بصفه دائمه وموافقه التعليم الاعدادى ثم موافقه التوجيه ....وشهاده الصلاحيه ليست ورقيه كما يعتقد البعض وانما هى حفظ للبيانات التى تم تعديلها من الاحصاء بالاداره التعليميه يعنى لوحضرتك عدلتى من الاحصاء سيتم تغير البيانات فى صحفه الاحوال الالكترونيه غير انه لو لم يتم حفظ التعديل من الاكاديميه فى خلال ثلاثه شهور يسقط التعديل وتعود البيانات الى حالتها الاولى كان التعديل لم يكن وبالتوفيق للجميع |
|
انا كنت معلم فصل وغيرت لا خصائي اجتماعي ف 22/9/2014
التوجيه رفض ندبي اعدادي وسكني ف نفس المدرسه وفيها زيادة بحجه الاقرار اني استمر لحين انتهاء السنه الدراسيه وقالي من اول 30/6/2015 هاخضع لتوجيه الخدمة الاجتماعيه ويتنيل يندبي اعدادى بس انا شاكه فيه عامل حساب للتعليم الابتدائي وقالي صعب اغير المرحله وانقل للتعدادي غير بعد مرور 3سنين كاخصائيه حد عنده توضيح اكتر؟ |
انا اصلا تعليم اساسى ولكن تم الموافقه على نقلى لمدرسه اعدادى ونقلت فعلا بس لسه المسمى الوظيفى معلم ابتدائى اغيره ازاى لو سمحتوا ؟؟ يعنى هو تغيير المرحله فقط وليس التخصص
|
انا اصلا تعليم اساسى ونقلت لمدرسة اعدادى فعلا بس لسه المسنى الوظيفى معلم ابتدائى وعايزه اغيره اعدادى
|
| جميع الأوقات بتوقيت GMT +2. الساعة الآن 09:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.