تغير المسمي الوظيفي ابتدائي الي اعدادي

[apokerba]

قدمت بحث وكل الورق من سنتين وطلعلي امر نقل بس اظل بحسين سد العجز
وذهبت الي الاكاديمية بطنطا وقالولي هاتي الورق مرة تانية والبحث تاني علشان شهادة الصلاحية
انا مش فاهم حاجة .........حد يفهمني ايه شهادة الصلاحية دي
ولو حد طلعله ...يعرضه لانني اجننت من الاكادمية ...عايزييين الورق تاني..بالله عليكوا ردو عليا

[هنا نبيل]

يعنى هيتغير الوظيفة فى الصحئيفة الاكترونية من معلم ابتدائى الى معلم اعدادى

[waleedganah]

انتي لما قدمتي الطلبات بعد كده خدتي كشف فيه اسمك بعد التعديل ؟ ولا مش استلمتيه اصلا ؟ لو كان اسمك قد تم التغيير له من المرحله الابتدائية الي الاعدادية فيجب ان تذهبي الي التوجيه لكي يقوم بوضعك علي الاعدادي وتوزعي علي مدرسة اعدادي ولكن لو في عجز فمن حقك التسكين علي المرحله الاعدادية وتندبي الي المرحله الابتدائية لحين سد العجز ولكم الشكر

[apokerba]

ايوا طلع اسمي في قرار نقل من معلم ابتدائي الي اعدائي مع بقائي في الابتدائي لسد العجز هل هو ده شهادة الصلاحية ؟

[waleedganah]

ايوة هو ده ووزعوكي علي مدرسة اعدادي ؟ ولا لالاء

[Ahmed987]

أنا نفس الموضوع وانتقلت لمدرسة إعدادي من سنتين والمفاجأة مازالت علي قوة الأبتدائي
:av4056b b7jp3::a v4056bb7jp3:

[apokerba]

لالالالالالالالا ...محدش وزعني انا لسة في الابتدائي

[دمنهوريه]

عندنا فى اداره الرحمانيه ( محافظه البحيره ) لم يكن هناك عجز فى الابتدائى بل العجز فى الاعدادى ونقلت الى مدرسه اعدادى وغيرت صحيفه الاحوال من الاداره لمعلم اعدادى وبالنسبه للاكاديميه لم اذهب اليها ابدا لانى بعد نقلى الاعدادى اخذت اجازه الوضع ولم اتقدم باى ابحاث .. وبالمناسبه رغم اعتراض التعليم الابتدائى فى الاداره ومدير المدرسه لاننا كنا 4 مدرسين الا ان الحل كان عند التوجيه

[صالح أحمد حمضى]

انا نفس النظام بالظبط غيرت المسمى من ابتدائى الى اعدادى وغيرت صحيفة الاحوال الى مدرس اعدادى لكن المشكلة جاى فى قرار تغيير المسمى .. لحين سد العجز .. مع انى رحت للموجه العام ووزعنى على مدرسة اعدادى لكن التعليم الابتدائى رافض ينقلنى بحجة سد العجز .. اللى عمره ما هيتسد .. مش عارف اعمل ايه يقالى سنتين مغير المسمى الوظيفى ومش عارف انقل .. ياريت حد يدلنى اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟

[be happy85]

المشاركة الأصلية كتبت بواسطة waleedganah

انتي لما قدمتي الطلبات بعد كده خدتي كشف فيه اسمك بعد التعديل ؟ ولا مش استلمتيه اصلا ؟ لو كان اسمك قد تم التغيير له من المرحله الابتدائية الي الاعدادية فيجب ان تذهبي الي التوجيه لكي يقوم بوضعك علي الاعدادي وتوزعي علي مدرسة اعدادي ولكن لو في عجز فمن حقك التسكين علي المرحله الاعدادية وتندبي الي المرحله الابتدائية لحين سد العجز ولكم الشكر

تمام كددددددددددددده ودا اللى انا عملته بس انا بقا الموجه اللى رخم معايا وقالى هاتى موافقه من مدير المدرسة اللى انتى فيها يقول فيها انه مش محتاجنى مع ان كان فى عجز بس المدير ساعتها قدر ظروف تعبى فى المدرسة عشان المسافة وكده ...وجبتله الموافقه فعلالالا وحطيته ادام الامر الواقع وكل الكلام دا كان كمان مش على طووول لان المديرية كانت ممضيانى على سد عجز ةقعدت سنه كمان فى نفس المدرسة ولما رحتله اتلككلى بحتة الموافقه من المدير وبعد ماجبتهاله برضووووووووووو كان موافق بس ينقلنى ابتدائى مدرسة اقرب مش اعدادى وانا مش عايزة اقولك انا اتسحلت فى موضوع تغيير المسمى وهما بيتلككولنا من تحت الارض باى حاجه...والحمدلله الموضوع عدى بعد معاناة والله ونقلت اعدادى نقل نهائى وحولت كل حاجه ليهااااااا بالمرتب بكللللللللله

[صالح أحمد حمضى]

حد يقوللى ... أعمل ايه !

[Mr.Zing0]

شكوى للمديرية
المفروض تروح مكتب تنسيق الخدمات فى المديرية و تقدم شكوى
- لو اسمك طلع فى القرار, المفروض المديرية تعمل بيه أمر تنفيذى ليه رقم و تاريخ و عليه ختم مثلث
- تطلع بيه عالتوجية يشوفلك مدرسة اعدادى يسكنك عليها و ينتدبك ابتدائى لحين سد العجز
و تخلى من تنسيق الأبتدائى و تستلم فى تنسيق الاعدادى فى الادارة (بموجب الأمر التنفيذى)
- و عاوز أقولك كمان ان نقلك للإعدادى غير مقيد بالعجز و الزياده, لاااااازم ينقلوك بس ممكن يشترطوا الندب مؤقتاً و ده برضه مش حقهم (فى قانون الندب لا يصح الندب الى مرحله أدنى و لكن لمرحله أعلى) بس دى بتمشى ودّى علشان بكرة هتحتاج الموجه الأول فلازم تريحه علشان ميرميكش فى مدرسه بنت كلب زى اللى أنا فيها, و ساعتها لما تقف على راسك مش هتعرف تطلع منها غير بموافقته.

كمان عاوز أقولك ان الشكوى للمديرية هتكون بسبب (امتناعهم عن تنفيذ الأمر التنفيذى و تجاوز مده الـ 60 يوم للإستشكال من تاريخ صدورة), بس دى عاوزاك تأخد صورة من الأمر التنفيذى و القرار اللى علية اسمك و تبقى عارف رقمه و تاريخه قبل متتكلم.

[صالح أحمد حمضى]

متشكر جدا يا مستر واضح ان حضرتك فاهم فى مثل هذه الموضوعات وعندك خبرة كبيرة وعاوز أقول لحضرتك على حاجة : 1- انا فعلا رحت على الموجه العام وسكنى على مدرسة اعدادى وأخذت نشرة الموجه العام ورحت ع المديرية وأعطونى جواب من المديرية بالتنفيذ وأخذت الجواب من المديرية ورحت ع الادارة علشان تعطينى جواب للمدرسة الاعدادى وجواب للمدرسة الابتدائى ولكن مدير الادارة رفض لأنه يريد موافقة التعليم الابتدائى والتعليم الابتدائى رافض بحجة سد العجز الموجودة فى قرار تغيير المسمى الوظيفى 2- إن قرار المسمى الوظيفى عبارة عن قرار به اسماء الذين تم لهم تغيير المسمى الوظيفى وانا من ضمنهم ولكن هذا القرار به 4 مواد من ضمن هذه المود مادة تقول : تمت الموافقة على تغيير المسمى الوظيفى ولكن مع أخذ اقرار عليهم بعدم ترك المرحلة الا بعد سد العجز والكلام ده حوالى من سنتين 2- اما بخصوص الشكوى تكون صيغتها عاملة ازاى ؟ وهل مكتب تنسيق الخدمات موجود فى المديرية نفسها ؟ ارجو الرد من حضرتك علشان انا تعبت من الموضوع ده وكمان ماعنديش خبرة ولا عندى واسطة .. وأتمنى ماكنش بزعج حضرتك .. انا آسف ع الاطالة

[a.algohry]

رجاء ايها الاخوة نفس المشكلة يالضبط ....الرجاء الرد

[mhmanmisry]

احنا بقى تم تغيير المسمى الوظيفى لكل مراكز المحافظة ما عدا بندر بنى سويف اللى مصممين ان اللغة العربية لا يتم نقلها بحجة ان فى عجز 180 واحد فى ابتدائى وان لما بتم تعيين ناس جديدة مش هيتم نقل اى حد الا لما يكون فيه زيادة فى ابتدائى وان اعدادى مليان وعشان كدا نفذوا فى الارياف الا توجيه اللغة العربية مش راضى ابدا يغير المسمى الوظيفى انقذونا بالله عليكم