|
حوار بين اتنين مدرسين
السبت,حزيران 28, 2008 حوار بين اتنين مدرسين من مدونة ابحار لفهمي إبراهيم - عايز تاخد الكادر ## طبعا حد طايل ## - ليه طبعا ## عشان أعيش ## - ليه هو أنت مش عايش ## برضه الكادر بيدي الواحد هيبه ## - يابني الكادر ده مش فلوس وبس ## يعني إيه ## - يعني شغل وبحث وتطوير وإطلاع ## دا الواحد بيعمل البدع في الفصل عشان العيال تفهم ## - إن شاء الله الوزارة حتخليك تعمل أراجوز !.. وعجين الفلاحة كمان! ## دانا أعمل عجين الفلاحة .. ! والمتحضرة .. ! والهانم ..! وهيلاري كلينتون ..! وعجين أوباما كمان..!! بس وحياة أبوك بلاش كونداليزا رايس## - ليه ؟؟ ## عشان العيش مايتحرقش .. مش كفاية دم الواحد محروق خلقة ## - انت عارف لوحتسقط في الامتحان حيعملوا فيك إيه ؟؟ ## حيعملوا إيه يعني .. ما احنا ياما اتعمل فينا من الوزارة ومن الوزراء السابقين وإن شاء الله من اللاحقين برضُه ومن الطلبة و من أولياء الامور و من عم محمد البقال والجزار اللي ما بحبش أفتكر إسمه## - عارف ..اللي حيسقط في اللغة العربية , حيوقفوه في الطابور لبعد الفسحة تحت الصاري بتاع العلم ## عشان الطلبة تحييه ## - تحييه إيه يابني .. دا عشان الطلبة تتفرج عليه وتعرف إنه ما بيعرفش عربي ## يعني ما بيعرفش يتكلم .. قصدك ما بيعرفش يشرح .. طيب لو سقط في الكفاءة والتربوي ..حيعملوا فيه إيه ؟ ## - حايوقفوه في الطابور برضة لغاية الفسحة .. وبعدين حيلففوه أرض الطابور .. لحد مايقع مغشيا علية ومش حيجيبوا له الإسعاف ..!!عشان عدد المدرسين يقل..! ## يانهار أسود طيب لو سقط بالتلاتة..... قصدي في مادة تخصصه ؟ ## - ده بقي.. حيبقي عبرة العبر ## إزاي ؟؟ ## - الوزير يابني حيخليه مستريح .. وحيجيله لحده.. وفي مدرستة كمان !!! ## ده يبقي تكريم بقي ## - لأ.. ده حياخد عشرة من الطلبة اللي بيعيدو السنة.. إللي راسبين يعني.. ويدي كل واحد منهم خرزانة !!! وحينقوا الطلبة إللي راسبين للمرة التانية ## عشان إيه كل ده ## - عشان يمدوا المدرس الراسب علي رجلية قدام الطلبة..ومش كده وبس !! دا حيصوروه فيديو .. و يجيبوه عالهواء مباشرةً ..نقل مباشر زى الأهلي والزمالك كده ## يانهار أسود ..دي تبقي فضيحة بجلاجل ياجدعان ## - برضه كل دة بعد الفسحة ##قصدك يعني بعد مايقف زي اللي سقط في الكفاءة لحد الفسحة .. والطلبة تعرف انة سقط بالتلاتة ## - بالظبط 000 ## طب افرض المدرس ده عنده روماتيزم في رجليه .. أو عنده دوالي .. أو مابيقدرش يسند طوله .. لا قدَّر الله ؟؟ ## - ده بقي حياخد حقه بالتمام والكمال .. الحكاية ما فيهاش خيار وفقوس ! ## قصدك إيه ## - قصدي إن كل واحد حياخد حقه كامل برضو .. بس حياخده علي قفاه ..!! ##لا ياعم الوزير بتاعنا طيب وحيساعدنا .. وحيسد .. ويشيل عننا .. ده جمل يابني ! يعني حمَّال أسيه وممكن يعمل مش واخد باله .. عشان ننجح بنسبة 99% عشان الأكاديمية تمشى وتستمر.. والشغل اللي فيها يحلو.. وعشان إحنا مانتكلمش ... لازم حيراعينا ## - حيراعيك إيه يابني ده امتحان !! ## هو فيه اكبرمن الامتحان اللي احنا فيه ده.. ياخوفي ليكون عايز يعملها بجد ## - أُمَّال هزار ##علي كده العدد حيبقي محدود جدا .. لأن كله حيسقط وينكشف ويبان المستور يا عبد الستار ويبان المداري ياعبد الباري ## - طبعا !! انت بتفتكرها لعبة ## عموما أنا حاخد دروس خصوصية من دلوقتي عشان اجيب مجموع100% وعرفت كمان انهم حيعملوا مذكرات ## - طب والنبي تقولي حيبيعوها في أنهي مكتبة ؟؟؟ وبكام ؟؟؟ ## لا دي حتبقي دكاكيني عشان اللي حيظبطوه حيودوه محافظة غير محافظته ## - ده كان زمان يا حبيبي ## امال حيودوه فين ## - حايحبسوه في أوضة الفيران ## أوضة الفيران بتاعة مدرسته؟؟ ## - لأ .. اوضة الفيران بتاعة المدرسة اللي جنبهم ## ليه ## - لان الفيران بتاعة مدرسته واخدة عليه ومن باب العشرة والعيش والملح مش حتعمل معاه حاجة !!! Mr Fahmy الإسكندرية |
حوار مضحك
هل يستحق المدرس مربى الاجيال أن يكون سخريه لكل انسان |
مجرد اختبار المدرس ويكن واضع الاختبار تلميذ المدرس المختبر والمراقبين أيضاً كانوا فى يوم من الايام هو يراقب عليهم
فى أهانه بعد كده بكره ياما نشوف ده من علامات الساعه |
شر البلية مايضحك |
الله عليك تسلم ياأبنى وتسلم افكارك .كلامك كله حكم ومواعظ بس ياريت اخوانا المعلمين .يصحصحوا علشان ميتمدوش على رجليهم بس ومتوصلش لحد القفا .مش عارف ليه حاسس ان قفايا بيوجعنى من دلوقت .اللهم اجعله خير .ويجعله عامر والسلام
|
شكرا أستاذ خالد |
أخي alyali أنا في غاية الإحراج لربطك امتحان الكادر بعلامات الساعة مادخل هذا بذاك يا أخي أرجو أن نثبت للجميع كفاءتنا سواء امتحنونا أم لم يمتحونا وقد قلت رأي بخصوص الكادر و في هذا الموقع عدة مرات لقد تم فضح المعلم المصري في الكرة الأرضية من أجل زيادة راتبه وليس من أجل تطويره فالتطوير عملية مستمرة ومتواصلة ولا تتم بامتحان في ثلاث ساعات وأنا أول المنادين بتطوير المثلث التعليمي طبعا المعلم والمنهج والتلميذ أيضا وعشان ماتزعلش بتطوير ولي الأمر أيضا وعشان ماتفكرش في أي حاجة كده ولاّ كدة بتطوير الوزارة كلها حتي لو جابو نصها من الصين الشعبية تشجع ياأخي وادخل الامتحان وزي ماتيجي دا احنا كل حصة في امتحان حا تيجي علي ثلاث ساعات ربنا معانا جميعا قول يارب |
شكراً لك أخى mr fahmy العزيز على اهتمامك
لا تفهم انى مهموم وحدى أو أخشى شىء الا الله انا مستعد للاختبارات وان شاء الله أول الناجحين لانى مستعد له جيداً من قبل معرفتى لهذا المنتدى ولكن كيف تكون صورتى أمام ابنائى وتلاميذى اذا حدث غير النجاح كيف يكون موقف مدير المدرسه بعد الاختبار وهو لا يرى الكتابه امام عينيه الا بمكبر ماذا تقول ؟ |
بما انكم سهرانيين بقى تقروا من ابداعات الشاعر الكبير /أحمد فؤاد نجم
عليا الحرنكش ياريس مبارك فى عصر مزركش ملون بنارك لابايعك وابايع حكومة حمارك ملعون ابو اللى يقدر يقاطع قرارك نهاره مقندل وليله مبارك فهمبك وهجص وطلع فى ديننا اكيد هو طالع يشاهد جمالك جمالك مبارك سوزانك سوزاننا يامحلا حصارك لمصراللى جالنا نسيمها فى عصرك بيشوى فى بدننا اؤيد وابايع فخامة جلالتك وايد اى واحد بيمسح ريالتك ولانك سر باتع هاننسى هبالتك فاقعد ياريس ودلدل حمامتك حمامة السلام حمامتك ياريس سلامة الحمامة وسلامتك ياريس على تل مصر ياريتك تهيص خرابه فسيحة عليها تمتيس واامر تطاع فشعبك مفيص.... |
أخي alyali أشكرك علي ذوقك الرفيع وعلي اهتمامك بتطوير نفسك واستعدادك للامتحان وعايز أقولك إن قمة الإبداع أن تخرج من المأساة بابتسامة وشفت الكادر خلانا نتعرف ببعض إزاي ونعرف الناس الحلوين أخي العزيز تقدير ي البالغ ودعواتي بالتوفيق وربنا يوفقنا جميعا |
أخى العزيز mr fahmy
نعم يكفينا التعارف والدعاء أسأل الله العظيم أن يمنحك من النعمة تمامها ومن الرحمة شمولها ومن العافية دوامها ومن العيش أرغدة ومن العمر أسعده ومن الاحسان أتمه ومن الانعام أعمه ومن العمل أصلحه ومن العلم أنفعه ومن الرزق أوسعه آمين يا رب العالمين |
من أغرب الكائنات
لة راس لا يفكر بها وعين لا ينظر بها يدمع وما هوة بباكى يطول ويقصر وما هوة بعفريت يسخن ويبرد وما هوة بمريض يسمونة فى بلاد اليمامة بالحمامة لانة يرقد على بيضتين وفى بلاد العجم بالبجم الانة لا يتكلم وفى بلاد الفرنجة بالجنتل مان لانة يقف احتراما للنساء ويسمونه فى شبه الجزيرة بالخائن لانة يطعن من الخلف ، ولم يتحرك منذ علم بان فيه اختبار يوم 24 أغسطس 2008 هههههههههههههههههههههههههههههههههههههههههههههههههه ههههههههههههه |
اقتباس:
الاخ العزيز اعتقد انك لا تحب أن يقرأ احد من اسرتك هذا الكلام الماجن واطالب من مشرف المنتدى حذف هذا التعليق |
يا عم الاستاذ ياللي طلبت حذف المشاركة انا كاتبها اصلا لحذف الصفحة والموضوع من اساسه لان كل اللي في صفحات كادر المعلم ده باشراف الوزارة وتحت عينهم واللي ما بيجيش على هواهم بيتحذف واللي عايزينه بيسبوه وعن تجارب كتير معاهم مش تجربة واحدة ، يعني المشاركة اللي مش عاجبه سياتك دي بلونة اختبار واديني بكشفها قدامك علشان خاطرك وعلشان انت ما تزعلش وعموما ربنا هو العالم كل واحد منا في ضميره ايه ..............وسلام
|
الأخوة الزملاء الأحباب
رجاء خاص جدا أرجو عدم الخروج علي النص وأنا أول المعترضين علي اختبار الكادر ولكن أرجو أن يكون الأعتراض عن طريق القنوات الشرعية |
اقتباس:
|
بسم الله الرحمن الرحيم
الأخوة الأعزاء و الأخوات الفضليات تحية طيبة من عند الله مباركة وبعد أنا مدرس مثلي مثلكم أنعم بما تنعمون به و أشكو مما تشكون و لكن لا يجوز بأي حال من الأحول أن تكتب مثل هذه الكلمات على هذا الموقع الذي نفتخر به و نشعر أنه لنا متنفس نبث فيه همومنا و نفيد به أبنائنا فلا تنسوا أن كثير من الطلاب يطلعون على ما نكتب و تذكر قول الشاعر ( و ما من كاتب إلا سيفنى * و يبقي الدهر ما كتبت يداه / فلا تكتب بكفك غير سيء * يسرك في القيامة أن تراه ) ثم لما هذه الضجة الكبرى من امتحانات الكادر ؟ هب أنك مرشح لبعثة دراسية في دولة أوروبية أو أمريكا فأول شيء يفعلونه معك اختبار في اللغة الإنجليزية ثم شهادة من جهة معتمدة في الحاسب الآلي ثم اختبار تخصص. و لو أنك مرشح للعمل في دولة عربية سواء مدرسة حكومية أو خاصة اختبارات ال حصر و لم يشكو أحد من الأختبارات بل كل ما زادت الاختبارات زاد عدد المتقدمين و أتذكر من عام مضى أن دولة الكويت كانت تطلب عدد خمسة مدرسين لغة فرنسية تقدم خمسة آلاف معلم نجح في الاختبار التحريري خمسين و الباقي راسب ما تحدث في ذلك أحد . فاتقوا الله عباد الله و كونوا على ثقة بأنفسكم فالله خير حافظاً و هو أرحم الراحمين و السلام عليكم ورحمة الله و بركاته |
الأخوة و الأخوات / مشرفي الموقع
هب أن لك ابن أو ابنة اطلع على هذا الموقع و قرأ لغز الاستاذ مربي الأجيال عن كائن غريب و لم يسعفه ذكائه على معرفة الحل و سألك فبالله عليك ماذا أنت قائل له ؟ إشرافكم على الموقع مسئولية جسيمة لأنه موقع تعليمي يسمح كل أب و كل أم لأبنائه و بناته بزيارته فأرجوا من حضراتكم ألا تمرروا أي رد أو تعليق يخدش بالحياء و فقكم الله وسدد خطاكم |
احنا كده اختلفنا في اقل حقوقنا
فاكيد ليهم الحق يعملوا اكتر من كده |
أيها السندباد لم نختلف في حقوقنا وأنا أول من يطالب بها وهناك فرق ان أطالب بحقي أو أشتمك أو أسبك أو أُسئُ إليك وشهادة أمام الله والتاريخ لست من مشرفي هذا الموقع ولا أعرف أحدأً علي الإطلاق ممن يكتبون في هذا الموقع إلا من خلال إبداء رأيه أو موضوعاته ..أو إبداء رايي أنا شخصيا وكل من في هذا الموقع سواء زائرين أو مشرفين لم ألتقي بأي شخص منهم علي الإطلاق مع إحترامي وتقديري البالغين لكل مشرفي الموقع والقائمين عليه والذين يكتبون فيه أو يبدون آراءهم والذين جمعتهم عاصفة الكادر وليست نسائمه ولن أقول لك عن أصول التعبير و عن أسلوب الحوار علما بأنني قد قرأت لك بعض تعليقات قد أعجبتني والآن لقد قلتها بنفسك أنه بالون إختبار وسيادتك عارف من الذين يلعبون بالبالونات قل ماتشاء ولا تخدش حياء الناس وكن سندباداً فارساً و أمينا فالسندباد شخصية ساحرة تكتشف المجهول وتواجه العواصف وليس بالبالونات وأنما بشجاعة الفرسان..ونبل أخلاقهم فإن كنت مدرس فانت تتحمل مسئولية تربية جيل بأكمله وارجو أن تكون علي قدر هذة السئولية وإن كنت غير ذلك فلك الله |
آسف أخي السندباد
فما يخصك هم السطور الثلاثة الأولي فأرجوك..أرجوك بصدق أن تسامحني أما باقي التعليق فهو للأخ khgyu الذي استفذني تعليقه وأكرر أسفي للمرة المليون علي هذا التسرع والخلط ولن أستريح حتي تسامحني |
إستدراج وتصحيح واجب أيها السندباد لم نختلف في أي حق من حقوقنا وأنا أول من يطالب بها ولن أتنازل عن ذلك علما بأنني قد قرأت لك بعض تعليقات قد أعجبتني فالسندباد شخصية ساحرة تكتشف المجهول وتواجه العواصف بشجاعة الفرسان..ونبل أخلاقهم **** أما بالنسبة للاخkhgyu فهناك فرق بين أن أطالب بحقي أو أشتمك أو أسبك أو أُسئُ إليك وهناك فرق بين العبير عن الراي وخدش الحياء وشهادة أمام الله والتاريخ لست من مشرفي هذا الموقع ولا أعرف أحدأً علي الإطلاق ممن يكتبون في هذا الموقع أو من زائريه حتي هذه اللحظة إلا من خلال إبداء رأيه أو موضوعاته .. أو إبداء رايي أنا شخصيا وكل من في هذا الموقع سواء زائرين أو مشرفين لم ألتقي بأي شخص منهم علي الإطلاق علماً بانه يشرفني ذلك مع إحترامي وتقديري البالغين لكل مشرفي الموقع والقائمين عليه والزائرين له أو الذين يكتبون فيه أو يبدون آراءهم من خلاله والذين جمعتهم عاصفة الكادر وليست نسائمه و بدون الإساءة إلي أحد أوخدش حياء أحد ولن أقول لك عن أصول التعبير أو عن أسلوب الحوار والآن لقد قلتها بنفسك أيها ال khgyu أنه بالون إختبار وسيادتك عارف من الذين يلعبون بالبالونات قل ماتشاء ولا تخدش حياء الناس وكن أمينا مقْنِعا وشجاعاً مهذَّبا فإن كنت مدرس فانت تتحمل مسئولية تربية جيل بأكمله وارجو أن تكون علي قدر هذة السئولية وإن كنت غير ذلك فلك الله |
افيدونا بدل هذا
|
نرجو التركيز فى محنتنا هذه
|
بسم الله الرحمن الرحيم
الأخوة الأعزاء و الأخوات الفضليات تحية طيبة من عند الله مباركة وبعد أنا مدرس مثلي مثلكم أنعم بما تنعمون به و أشكو مما تشكون و لكن لا يجوز بأي حال من الأحول أن تكتب مثل هذه الكلمات على هذا الموقع الذي نفتخر به و نشعر أنه لنا متنفس نبث فيه همومنا و نفيد به أبنائنا فلا تنسوا أن كثير من الطلاب يطلعون على ما نكتب و تذكر قول الشاعر ( و ما من كاتب إلا سيفنى * و يبقي الدهر ما كتبت يداه / فلا تكتب بكفك غير سيء * يسرك في القيامة أن تراه ) ثم لما هذه الضجة الكبرى من امتحانات الكادر ؟ هب أنك مرشح لبعثة دراسية في دولة أوروبية أو أمريكا فأول شيء يفعلونه معك اختبار في اللغة الإنجليزية ثم شهادة من جهة معتمدة في الحاسب الآلي ثم اختبار تخصص. و لو أنك مرشح للعمل في دولة عربية سواء مدرسة حكومية أو خاصة اختبارات ال حصر و لم يشكو أحد من الأختبارات بل كل ما زادت الاختبارات زاد عدد المتقدمين و أتذكر من عام مضى أن دولة الكويت كانت تطلب عدد خمسة مدرسين لغة فرنسية تقدم خمسة آلاف معلم نجح في الاختبار التحريري خمسين و الباقي راسب ما تحدث في ذلك أحد . فاتقوا الله عباد الله و كونوا على ثقة بأنفسكم فالله خير حافظاً و هو أرحم الراحمين و السلام عليكم ورحمة الله و بركاته الأخوة و الأخوات / مشرفي الموقع هب أن لك ابن أو ابنة اطلع على هذا الموقع و قرأ لغز الاستاذ مربي الأجيال عن كائن غريب و لم يسعفه ذكائه على معرفة الحل و سألك فبالله عليك ماذا أنت قائل له ؟ إشرافكم على الموقع مسئولية جسيمة لأنه موقع تعليمي يسمح كل أب و كل أم لأبنائه و بناته بزيارته فأرجوا من حضراتكم ألا تمرروا أي رد أو تعليق يخدش بالحياء و فقكم الله وسدد خطاكم |
thanks mr fahmy
نت ن نتمني المزيددددددددددددددددددددددددددددددددددددددددددددد ددددددددددددددددددد |
thanks mr fahmy
نت ن نتمني المزيددددددددددددددددددددددددددددددددددددددددددددد ددددددددددددددددددد |
الاحترام واجب
[CENTER]الأخوة الأعزاء... السيدة المشرفة أرجو حذف أي مداخلة تبعدنا عن الأدب واللياقة وأن يكون أسلوبنا راقي ومحترم نطلب ما نطلب بكل احترام وناقش المسئولين وهم ان شاء الله سيحاولون رد مظالمنا وكلي أمل في ذلك .... أخيكم احمد سويلم مدير أول مدرسة جزيرة مطاوع ع[/CENTER]
|
أستاذ / أحمد سويلم أنت استاذ محترم أؤيدُك وأتفقُ معك |
|
| جميع الأوقات بتوقيت GMT +2. الساعة الآن 10:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.