ال50% اكمالا لموضوع الاخ احمد ابو رية
 

يا جماعة انا ذهبت اليوم للادارة للاستفسار عن هذا الموضوع ( موضوع ثبات نسبة ال50% مرحلة اولى للكادر التى اضيفت لمرتباتنا العام الماضى) واجابتنى الموظفة عن المرتبات ان ال50% ثابتة وتعامل معاملة علاوة خاصة لا اكثر ولن تتغير وستظل بنفس المبلغ حتى نخرج معاش وكذلك بشرتنى بان المرحلة التانية للكادر سيتم معاملتها بنفس المعاملة تحسب مرة واحدة فقط وستظل كما هى اى ان ال50% حوافز للعاملين بالمجالس المحلية احسن من كادر المعلم ميت مرة وحسبنا الله ونعم الوكيل فى دى وزارة!!!!
انا اضطريت اكتب الرد فى موضوع جديد لفشلى فى اى اضافة هناك فى موضوع الاخ احمد ابو رية فأرجو المعذرة (ويارريت الادارة تحل المشكلة دى) المهم لو دى الحقيقة يا جماعة هيكون ايه الحل لأن الاكتر من كده اللى منتظرنا باقى الكادر المزعوم واللى برضه هيكون مبلغ ثابت فماذا أنتم فاعلون؟؟؟

بقولك ايه

سيبك م الحسنات دي ونشتغل دروس احسن

مفيش جديد
هى ده وزارتنا من زمااااااااااااااااااااااااان وهى بتقرف فينا ومضيعة حقوقنا

الدروس الخصوصية هي وسيلتنا لمحاربة الغلاء والفساد التي سببته الحكومة النظيفة 00 ولنا الله ولكن يجب أن نضع أسس إرشادية لحيتان الدروس كما يقولون حتى تكون سمعة المعلمين جيدة فهم أخواننا ضد الغلاء ولهم مستواهم المعيشي الذي يجب أن يكونوا فيه اشمعا كبار رجال الدولة سارحين زي الدود في إقتصاد مصر

نسبة 50%
 

هذا ماحدث فى كل المحافظات ولكن ما حدث بالبحيرة اول مرة اسمعه

أشمعني البحيرة اللي حصل فيها كده هي مش تبع الوزارة الرشيدة بتاعتنا ولا ايها حد واصل شوية

لسه ادارة كفر الدوار لم تغير الاساسى على اساسى2006

في ادارة حلوان ثبتوا ال 50% في اول شهر وهو شهر 7 ثم عدلوها الى الاساسي الجديد في شهر8 واخذنا فرق شهر 7 باثر رجعي

اصحاب فكرة الدروس
يعمل ايه اللي مادته ليس لها علاقة بالدروس

يا جماعة ال 50% للمرحلة الأولى سف تحسب سنويا على الأساسى السابق للسنة كما حدث فى الأسكندرية تم حسابها على أساس 30 / 6/ 2007
أى أنه فى العام القادم إن شاء الله تحسب على أساسى 30/ 6/2008
المهم أيه أخبار المرحلة الثاني والنتائج للكادر المزعوم ( وهذة هى القضية)

الف شكر للكل الزملاء الذين تفضلوا بالمرور الكريم ولكنا للان اغلب الادارات تعمل بمبدأ ثبات النسبة وانها مجرد علاوة خاصة ولم نسمع بتعديلها حتى الان الا بحلوان والبحيرة طيب وباقى جمهورية مصر العربية ؟ والغالبية العظمى منا؟ والاستاذ شريف الدروس اللى بنديها ماهى من وقتنا وصحتنا وف النهاية بنتحمل نتيجة الطلبة وكأننا اللى بنجاوب مش هم؟ اعتقد مش هو ده الحل وشكرا لمرورك الكريم

اختى الفاضلة نونا الكادر بالمزعوم صدقينى اخباره لو بنفس ال50% اللى قبله ماعادتش تهم خلاص !! هتفيد بايه شوية جنيهات تفضل على حالها ما تتغيرش ولا ليها لازمة ويا ريتنى مادخلت هذا الامتحان وشكرا لمرورك الكريم

شكرا جزيلا للابلة هدى على فتحها الموضوع من جديد وليت احد يقترح علينا نعمل اية علشان ناخذ الفرق

فى الدقهلية تحسب على الاساسى
كلما زاد الاساسى زادت نسبة ال 50%

المفروض نشكرك انت يا استاذ احمد لأنه موضوع يهمنا كلنا وبدلا من الجرى وراء السراب يجب ان نصحح هذا الوضع بكل قوة وحسم والان اخر المشاركات من الاستاذ احمد34 بيقول مشكور ان فى الدقهلية ايضا متغيرة وليست ثابتة يعنى للان حلوان والبحيرة والدقهلية متغيرة وده كويس وياريت الادارات الباقية التى يتم تعديلها ايضا يتكرم السادة المدرسين فيها و يذكروها لنا حتى نتمكن من اتخاذ خطوات ايجابية

المعلمين بيتكلموا في ملاليم والناس الثانية مثل .................. بكلموا في ملايين

شكرا استاذة منى لتعقيبك ولكن تلك معلومة جديدة جدا فى محافظات وجه قبلى تحسب على اساسى كل سنة !!!! واضح اننا تبع وزارة جومبونجو كل واحد بيعمل اللى هو عاوزه !!!!!!!!

اللهم امين يارب العالمين

والله انتو ناس عسل وفتحتوا عنينا على حاجات كتير

برده النسبة ثابتة عندنا فى محافظة الشرقية لم تتغير حتى الآن

نسبة 50% ليست ثابتة وعدلت بزيادة الاساسي وهذا ما حدث في القاهرة بس الناس لم تشعر بالفرق لان الاساسي صغير شوية عموما اسالي المختص بالمرتبات في مدرستك

انت فى مصر ياعم مش جديد يعنى......

في المنوفية أتغيرت من شهر 7

نعم فى محافظة قنـــــــــــــــــــا تم التعديل على الاساسى الجديد وصرفنا جميع مستحقاتنا كاملة

اتصدق اول مره اعرف منك دي حقيقه بس مشعارف عاملين تتكلم ومفيش حد فينا رفع قضيه حتي لنفسه قدام مجلس الدوله يطالب بحقه

الحقيقة وبعد طول انتظار بشرتنا الادارية المختصة بالمرتبات فى المدرسة انهم عدلوا ال50% وهنقبض فرق عن الشهور السابقة فالحمد لله ولكن بعض الزملاء أفادوا أنهم يقبضوها على أساسى هذا العام بينما هى ستحسبها على اساسى العام السابق فما هو الفيصل؟؟ هل 50% من أساسى العام السابق أم العام الحالى؟؟؟؟

نحن في محافظة حلوان نصرفها على أساسي العام الماضي يا أبلة هدى

هي دي سياسة الدولة انها تلهيكم في اي مشكلة مرة في الكادر ومرة في الدروس الخصوصية ومرة في نظام الثانوية المهم تبعد عن سياسة الدولة

مفيش جديد
مفيش جديد

أشكرك يا أخت أريج جزاك الله خيرا لكن أفادت احدى الـأخوات من الصعيد أنهم يقبضونها على أساسى العام الحالى ؟؟؟ فهل من افادة أفادكم الله؟؟

وايه الجديد فعلا احنا في مصر

و تقبل وافر احترامى وتقديرى وبالفعل بدأت المدرسة عندنا تعديل ال50% ولكن على أساسى العام الماضى بينما أفادتنى احدى الزميلات من الصعيد انها عندهم تحتسب على أساسى هذا العام

وعليكم السلام ورحمة الله وبركاته
هذا الكلام على لسان زميلة ربما كان صحيحا
وعامة أفادكم الله استاذ طارق
نجوت من القوم الظالمين

يا استاذه هدى انا من الصعيد ولم اصرفها حتى الان
لامن شهر سبع اللى فات السنه الماضيه ولا من شهر سبعه السنه ديه
وفيه اشاعه بتقول ان احنا هانصرفها من ثمانيه اشهر كمعلمين ومن عشره اشهر للاداريين

ودا كلام بنسمعه الله اعلم الحقيقه فين

واهو كلام

نسبة 50% ليست ثابته كما حدث فى القاهره وأغلب المحافطات
وأدعو كل الأخوه الزملاء بحمد الله وأن يبارك فيما أعطى ونكون أكثر تفاؤل
وهذاا رزق لايمنعه مانع وفقنا الله إلى كل خير

استاذة شمس يبدو أنه حدث لبس أنا أتكلم عن ال50% الأولى للكادر بدل المعلم وليس ال50% الاضافية على حافز الاثابة
تقبل تحياتى

الحمد لله كما يحب ربى ويرضى
الحمد لله حتى يرضى
الحمد لله عدد ما كان وما يكون وعدد الحركات وعدد السكون
ولكن يا سيدى ماضاع حق وراؤه مطالب وبفضل الله أثمرت مطالبنا وبدأوا فى تعديلها
وندعو الله أن يبارك لنا ... اللهم امين

الحمد لله استاذ أشرف وربنا يبارك يارب

ما شاء الله ....ما شاء الله .
جزاكم الله خيرا يا ابلة/هدى .
حضرتك استغليتى ذكائك باعادة فتح موضوع مجدى ومثمر جدا فى النقاش .
....................تقديرى واحترامى ...................

بارك الله فيك أستاذ ممدوح

لكنى الحقيقة لم أفتح الموضوع بل وجدت تعقيب من أحد الزملاء فرديت عليه
فشكرا له ولك ولكل من مر على هذا الموضوع
وأبشرك أن المياة الراكدة قد تحركت بفضل الله وبدأوا فى تعديل النسبة حتى تكون متغيرة كل عام وليست ثابتة بفضل الله ونعمته
والحمد لله رب العالمين
تقبل تحياتى

اذهب للادارة استاذ وليم وطالبهم بالتعديل أسوة بباقى المحافظات وستعدل باذن الله
تحياتى

صدقت يا استاذ مصطفى