ال50% اكمالا لموضوع الاخ احمد ابو رية

[الأستاذة هدى]

يا جماعة انا ذهبت اليوم للادارة للاستفسار عن هذا الموضوع ( موضوع ثبات نسبة ال50% مرحلة اولى للكادر التى اضيفت لمرتباتنا العام الماضى) واجابتنى الموظفة عن المرتبات ان ال50% ثابتة وتعامل معاملة علاوة خاصة لا اكثر ولن تتغير وستظل بنفس المبلغ حتى نخرج معاش وكذلك بشرتنى بان المرحلة التانية للكادر سيتم معاملتها بنفس المعاملة تحسب مرة واحدة فقط وستظل كما هى اى ان ال50% حوافز للعاملين بالمجالس المحلية احسن من كادر المعلم ميت مرة وحسبنا الله ونعم الوكيل فى دى وزارة!!!!
انا اضطريت اكتب الرد فى موضوع جديد لفشلى فى اى اضافة هناك فى موضوع الاخ احمد ابو رية فأرجو المعذرة (ويارريت الادارة تحل المشكلة دى) المهم لو دى الحقيقة يا جماعة هيكون ايه الحل لأن الاكتر من كده اللى منتظرنا باقى الكادر المزعوم واللى برضه هيكون مبلغ ثابت فماذا أنتم فاعلون؟؟؟

[M.Sherif]

بقولك ايه

سيبك م الحسنات دي ونشتغل دروس احسن

[Mr_ibrahim Mustafa]

مفيش جديد
هى ده وزارتنا من زمااااااااااااااااااااااااان وهى بتقرف فينا ومضيعة حقوقنا

[إيهاب خميس إدريس]

الدروس الخصوصية هي وسيلتنا لمحاربة الغلاء والفساد التي سببته الحكومة النظيفة 00 ولنا الله ولكن يجب أن نضع أسس إرشادية لحيتان الدروس كما يقولون حتى تكون سمعة المعلمين جيدة فهم أخواننا ضد الغلاء ولهم مستواهم المعيشي الذي يجب أن يكونوا فيه اشمعا كبار رجال الدولة سارحين زي الدود في إقتصاد مصر

[مصفي شوقي]

نسبة 50% تم تعديله مع مرتبات شهر سبتمبر حسب الاساسي في 30/6/2008 وصرفاها وذلك بادارة كوم حمادة ومحافظة البحيرة

[السندباد المصري]

المشاركة الأصلية كتبت بواسطة مصفي شوقي

نسبة 50% تم تعديله مع مرتبات شهر سبتمبر حسب الاساسي في 30/6/2008 وصرفاها وذلك بادارة كوم حمادة ومحافظة البحيرة

أشمعني البحيرة اللي حصل فيها كده هي مش تبع الوزارة الرشيدة بتاعتنا ولا ايها حد واصل شوية

[ماجد يوسف]

المشاركة الأصلية كتبت بواسطة مصفي شوقي

نسبة 50% تم تعديله مع مرتبات شهر سبتمبر حسب الاساسي في 30/6/2008 وصرفاها وذلك بادارة كوم حمادة ومحافظة البحيرة

لسه ادارة كفر الدوار لم تغير الاساسى على اساسى2006

[رأفت وليم]

المشاركة الأصلية كتبت بواسطة مصفي شوقي

نسبة 50% تم تعديله مع مرتبات شهر سبتمبر حسب الاساسي في 30/6/2008 وصرفاها وذلك بادارة كوم حمادة ومحافظة البحيرة

اشمعنا التعديل اللى بتقول عليه تم فى كوم حمادة وباقى المحافظات لا هيا مش تبع مصر ولا ايه

[bahaa23973]

المشاركة الأصلية كتبت بواسطة مصفي شوقي

نسبة 50% تم تعديله مع مرتبات شهر سبتمبر حسب الاساسي في 30/6/2008 وصرفاها وذلك بادارة كوم حمادة ومحافظة البحيرة

دة حصل فى المنوفية و قبضنا الزيادة مع مرتب شهر 7

[سامى الجنانى]

هذا ماحدث فى كل المحافظات ولكن ما حدث بالبحيرة اول مرة اسمعه

[البدري الفارس]

في ادارة حلوان ثبتوا ال 50% في اول شهر وهو شهر 7 ثم عدلوها الى الاساسي الجديد في شهر8 واخذنا فرق شهر 7 باثر رجعي

[سيف سالم]

اصحاب فكرة الدروس
يعمل ايه اللي مادته ليس لها علاقة بالدروس

[نونة أخت توتة]

يا جماعة ال 50% للمرحلة الأولى سف تحسب سنويا على الأساسى السابق للسنة كما حدث فى الأسكندرية تم حسابها على أساس 30 / 6/ 2007
أى أنه فى العام القادم إن شاء الله تحسب على أساسى 30/ 6/2008
المهم أيه أخبار المرحلة الثاني والنتائج للكادر المزعوم ( وهذة هى القضية)

[خالد صابر]

مشكلة الوزارة دى ان كل ادارة ماشية بمزاجها دون قانون موحد تعمل تحت مظلته احنا فى الفيوم ال50 فى المية زادت وسلملى على البحيرة وعلى العقد

[الأستاذة هدى]

المشاركة الأصلية كتبت بواسطة خالد صابر

مشكلة الوزارة دى ان كل ادارة ماشية بمزاجها دون قانون موحد تعمل تحت مظلته احنا فى الفيوم ال50 فى المية زادت وسلملى على البحيرة وعلى العقد

عندك حق ... كل الحق
بس أعتقد اننا من الان وصاعد ستكون لنا وقفات لنيل حقوقنا خاصة بعد أن أصبحنا منظومة لها هدف واحد ونستطيع أن نفيد بعضنا البعض باذن الله