ايه رأيكم في الفكرة دي نألف امثال علي مزاجنا
اللي عاجبة الموضوع ياريت يحط لنا مثل علي مزاجة
أبدأ أنا


يا مأمنة للرجال يا مأمنة للقرد في السنغال

لما القدرة عدلوها طلعت البت لأبوها


شكراُ اتمنى ان الموضوع يعجبكم

كل اللي عندة مثل يقوله من فضلكم

دفعة تانية منى
1- من طلب العلا يتفضل فى كابينه (4‏)

2- اللى بيته من‏ إزاز ميغيرش هدومه فى الصالون

‏3- فاقد الشىء يدور عليه

‏4- اقلب‏ القدره على فومها الفول يقع منها

‏5- تأتى الرياح محمله بالأتربة

‏6- ياخبرالنهارده بفلوس بكره ينزل عليه أوكازيون

‏7- اللى معاه قرش محيره يجيب‏ حمام ويحمره

‏8- جت الحزينه تفرح شغلت شريط حكيم وقعدت ترقص

‏9- قال‏ يامحشحشين يكفيكوا شر الكمين

‏10- اللى ياكل لوحده يشبع

‏11- لاتبكى‏ على اللبن فى البسكوت

‏12- اقطع عرق و حته بتلو

‏13- اطبخى ياجاريه‏ الأنبوبه فاضيه يا سيدى

‏14- لو حبيبك عسل ما تحطلوش طحينة

‏15- اللى‏ يتلسع من الشوربه يتصل بالمطافى

‏16- وبكره ترجع ريما من عند خالتها فى‏ مارينا

‏17- يا داخل بين البصله وقشرتها حط قطرة علشان هادمع من‏ ريحتها

‏18- اصوم اصوم وافطر على المدفع

‏19- القرش الأبيض بيعوم فى‏ البحر الأحمر

‏20- ضربوا الأعور على عينه قالهم كسرتوا النضاره

‏21- اللى ميشفش من الغربال يكشف نظر

‏22- المال السايب يعلم الطلبه

‏23- نام وارتاح وكل عسل نحل التمساح

‏24- من خرج من داره مينساش يأخد المفتاح‏ معاه

‏25- الباب اللى يجيجلك منه الريح شيله وركب قبنورى

‏26- المضطر‏ يركب التاكسى

‏27- رب صدفة خير من ألف ليلة و ليلة

‏28- اللى يخاف من‏ العفريت يعمل عبيط

‏29- حجه البليد بصرف فلوسى على الوييد

‏30- المركب اللى فيها رايسين يلعبوا طاولة

‏31- اللى خدتوا الأرعه تخدو ام‏ الخلول

‏33- أكل العيش يحب الطعميه

‏34- العين عليها‏ lenses

35- قالوا للحرامى أحلف قالهم وحياة قلبى وأفراحوا

حلوة طبعا بس متكرر من العضو alexboy
وشكرا ليك .

يا نغم البحر الفكرة موجودة قبل كدا لكن دى امثال جديدة وامثال تانية

يا كريم والله الامثال موجودة بالنص ممكن تراجع صفحات المنتدى هتلاقيها ف موضوع بعنوان ( امثال

بسمودرن شويا ) ولو فى امثال تانية غيرها نزلهات عشان بجد الامثال دى دمها خفيف جدا ومضحكة

واديك شايف حال المنتدى الايام دى ملبش كلو زعلان من كلو واللى طفشان والا زهقان .

وشكرا لردك يا كريم .

انا عن نفسي يا نغم اول مره اشوفه هنا في المنتدي
وهدور عليه في بالقي الصفحات
ونشوف رد بقيه الاعضاء
لو الاغلبيه شافته يتنقل للمواضيع المقرر
لو الاغلبيه ما شافتوش نسيبه
وزي ما قولتي المنتدي مقلوب حاله

ربنا يهدى النفوس ويصلح الاحوال.

يا نغم البحر و يا اسماء انا كدا هعيط هو الموضوع قلب دراما كدا لية

هو اه الموضوع مكرر بس مفيهاش حاجة ابدا يا جماعة


اهدوا كدة


و شكرا ليك برده يا كريم

شكرا لك يا حابى وان شاء الله هجيب امثال حلوة اوى

يا عم سيبك انت

الامثال دى حلوة اوى


ايه جماعة انتوا هتعيطوا ولا ايه

يا جماعة حد يجيب مناديل عشان المناديل الى معايا خلصت قطعتوا قلبى


اةةةةةةةةة يا قلبى

ههههههههه
والله حتى لو الموضوع مكرر انا اول مره اشوفه
ومرسي عالامثله اللي زي العسل دي

الموضوع جميل يا كريم
وبعدين يا جماعة فكوها شوية الله يكرمكم مش كده يعنى