آنساتي سيداتي .. هل من الممكن أن تتزوجن من رجل " مخلوع " .. ولماذا؟
 

زوارنا ومشتركينا الأعزاء

دار بذهني تساؤل احترت في البحث عن جواب له


آنساتي سيداتي .. هل من الممكن أن تتزوجن من رجل " مخلوع " .. ولماذا؟

السؤال موجه بصفة خاصة للسيدات ولكن لامانع من مشاركة الرجال و الشباب في هذا الموضوع لمعرفة رأيهم في قضية " الخلع " و هل جاءت في مصلحة المرأة أم لا.

مفيش ردود؟؟

السلام عليكم
اصل المشكله ان السؤال محرج شويه
اولا حتة الخلع دى انا واحد من الناس معترض عليها وبشده
ولا اوافق عليها ابدا
هى اه صحيح فى اقل الاوقات بتبقى مفيده لان فى رجاله عايزه الضرب بالنار ودى طريق وحيد للست المظلومه دى
بس فى اكتر الستات بتستخدمها غلط
انما حتة انى اتزوج من امراه خلعت زوجها القبلى
فا معتقدش انى ممكن اعمل كدا
لانها من السهل عليها ان تفعل معى ما فعلته مع غيرى
حتى ولو على ابسط المشاكل او اقل الاسباب
لانها بكده اكيد حتتربى فيها عقدة النصر على الرجال
ودى وجهت نظرى

اخى فى الله ..انا أحترم جدا وجهة نظرك ولكنى فى النفس الوقت اختلف معك فى أن المرأه عندما تخلع رجل ليس معنى ذلك انها تفكر دائما انها ممكن أن تنتصر على الرجال..ولماذا لانسأل أنفسنا ما الاسباب التى دفعتها الى الخلع ..؟؟معنى ذلك أن نتوصل الى كبد الحقيقة..وبالتالى لو أنك تزوجت امرأة خلعت زوجها السابق وتكررت تلك الاسباب التى جعلتها تخلع السابق فانها ايضا سوف تخلعك..وبالتالى لن يرحمها المجتمع وسوف يظن انها متسلطه وسوف يهملون تماما ذلك السؤال المهم (ما الاسباب التى دعتها الى الخلع..؟؟؟؟ ) واستعير منك اخى الكريم بعض الكلمات بأن هذا هو الطريق الوحيد الى المرأه المظلومه..مع الانتباه أن فى بعض النساء تستغل هذا القانون...وشكرا لمرورك.

متهيالى لا ماارضاش اتزوج رجل تزوج قبل كدة اصلا
فبالتالى هارفض رجل مخلوع لانه اكيد هايبقى فى عيب كبير
لاما ظالم يااما بيهين زوجته وكدة يعنى
بس ارفض بشدة
وجزاكم الله خيرا على الموضوع

_اختى فى الله_وجهة نظرك صائبة جدا ومنطقية ولكن أنبه على أن لكل قانون ثغرات من الممكن استغلالها..مشكور لمرورك

انا ارفض طبعا بالزواج من رجل مخلوع ..........
لان المراة بتلجا للخلع ده بعد ما فاض بيها يعني اكيد طلبت الطلاق الاول واستعملت الحسنى بس مفيش فايدة فيه رجالة عايزة فعلا ضرب النار............. يعني انا عندي افضل لقب مطلق احسن من مخلوع مطلق يعني احترمها ونفذ رغبتها مش خلصت منه بخلع الضرس زي ما بيقولوا.........
ميرسي على طرحك للموضوع.........

بسم الله
هو الموضوع او السؤال جميل جدا
اولا
بالنسبة للرجل اللي يقول ارفض اتزوج امراة خلعت زوجها قبل كده فاعتقد انو ما ينفعش يعمم لان ممكن يكون سبب الخلع القهر اللي تعرضت ليه ..وهو بقى يدرس شخصيتها ويعرف اذا كان ينفع يتزوجها ولا لا ..تناسبه يعني ولا لأ
ممكن يرفض عشان سبب تاني ..انو عاوز يتزوج من بكر لم يسبق لها الزواج مثلا ...لكن انو يرفضها لمجرد انها خلعت زوجها ...فماظنش ده سبب مقنع
بالنسبة ليا انا بقى
فبرده على حسب ...هو اتخلع ليه ..
تعالى نحسبها كده هو راجل كويس ومحترم وابن حلال وشخصيته مريحاني ..او كان في مشاعر بيننا .ومفيش حاجة تمنعني اتزوجه ..يبقى ارفض؟؟!!! يبقى انا كده تافهه
انما والله لو اتخلع عشان هو اللي مش كويس ...ما بيعرفش يتعامل بالحسنى .... أكيد يعني ما يلزمنيش بالمرة


طبعا دي وجهه نظري البسيطة جدا ..اتمنى من حضرتك تتقبلها

لا طبعا.....