بشرى غير سارة
 

نقلا عن جريدة الجمهورية فى عددها الصادر لهذا اليوم السبت الموافق 11 يوليو 2009
الجمل يعلن أسماء أوائل الثانوية غداً.. ولم يحصل أحد علي الدرجات النهائية
كتب - سيد جاد ومجدي طنطاوي:
يعلن د.يسري الجمل وزير التربية والتعليم غداً أسماء أوائل الثانوية العامة الثلاثين للشعب الثلاث "علوم رياضة أدبي" بعد مراجعة اللجنة العليا لمستشاري المواد لأوراق الإجابة الخاصة بهم وإعداد الكشوف النهائية بأسماء الأوائل.. علمت "الجمهورية" أن طلاب قطاع القاهرة يتصدرون المراكز الأولي لشعبة العلوم وتساوي عدد كبير من طلاب قطاعات القاهرة والإسكندرية والمنصورة في شعبة الرياضة وتفوق أبناء قطاع أسيوط بشعبة الأدبي وأن أوائل القطاعات الأربعة لم يحصلوا علي الدرجات النهائية وتتراوح درجات الأوائل "علوم" بين 407 و409.5 والرياضة 407.5 و409 والأدبي 406.5 و408.5 درجة. كما حصل أكثر من 45 ألف طالب علي 95% فأكثر.
أصدر الجمل تعليمات مشددة لرؤساء الكنترولات والمشرفين بعدم تسريب النتيجة لأي طالب حتي لا يتعرضون للمساءلة القانونية حفاظاً علي مبدأ تكافؤ الفرص بين الطلاب.
من ناحية أخري سحب أمس 15 ألف طالب وطالبة بالثانوية العامة بطاقات اختبار القدرات من مكتب التنسيق الرئيسي وفروعه بالمحافظات.

بصوا ياشباب مصر لى بعض الملاحظات السريعة
1- أولا عمره م حصل قبل كده وطلعت نتيجة الثانوية بعد انتهاء الامتحانات بأسبوع كانت قبل كده بعدها ب20 يوم على الأقل
2- أنا بابا مدرس فلسفة وبيصحح فى قطاع المنصورة لكم أن تتخيلوا بيخرج من البيت الساعة السادسة صباحا ولايعود الا الساعة التاسعة مساءا
وبيقول أنهم مش بيخدوا فترة راحة سوى ساعة واحدة فقط
لأن طبعا معلمينا خارقين وبمقدرتهم العمل أكثر من 12 ساعة متواصلة وبنفس الكفاءة
3- محدش يزعل من النتيجة اللى هتظهر يوم الاتنين دى لأن التصحيح سلق بيض واعذرونى بس مش لقى غير اللفظ ده يعنى سمك 00 لبن 00 تمر هندى
بس بردوا مش لازم نحمل أخطائنا للغير كل واحد أدرى هو عمل ايه
أخيرا بوجه رسالة لسيادة وزير التربية والتعليم وأقوله
حضرتك مش معنى أنك عايز تعمل امتحانات الدور التانى قبل رمضان أنك تضيع مجهود طلبة تعبوا طول السنة
ازاى نتيجة الأوائل تظهر بكره وهما أصلا لسه مش خلصوا تصحيح مادة زى الفلسفة
وفى النهاية اللى تشوفه حضرتك صح اعمله

ولا يهمك يا أحمد
ان شاء الله هنكون من ال 45 الف طالب
وكل حاجة هتبقي تمام ان شاء الله

شكرا على ردك يااسراء
والله أنا يعنى مش بقت تفرق معايا
الحمد لله عملت اللى عليا وخلاص بس كنت عايز أعرف الناس أن اللى بيحصل ده حرام والله العظيم حرام
وفى النهاية الحمد لله على كل حال
وكل اللى يجيبه ربنا كويس
وزى ماقلت قبل كده ده نصيب وقدر مكتوب للانسان حتى قبل أن يولد أويأتى لهذه الدنيا فلماذا الاعترااااااااااااااااااااااااااااض
الحمد لله الذى لايحمد على مكروه سواه
وربنا يخليك لينا ياسعادة الوزير

اتفق معاك تماما
ويجب ان ننظر للجانب المضئ و النص المليان من الكوب
لان السنة دى مفيش غير المرحلة التانية تقريبا
يعنى مفيش وراهم غيرنا
و الله المستعان و نكون فى مقدمة ال 45 الف

طبعا ياأحمد رأيك رائع كالعادة
بس بص أكيد الضغط اللى بيتعرض له الانسان أى انسان بيقلل من كفاءته ومقدرته ولازم الراحة لأى انسان
هقولك بابا كان قبل كده بيصحح لمدة 10 أيام دلوقتى هو بيقول أنه هيخلص النهارده يعنى كده 6 أيام
بتقول ياأحمد أنها بتظهر كل سنة 15-7 عارف ده كويس بس الامتحانات كانت بتكون خلصت قبل التاريخ ده بكتير
امتحانتنا احنا كانت متأخرة
يعنى السنة اللى فاتت انتهت الامتحانات يوم 1-7 السنة دى انتهت يوم 6-7 يعنى فرق 5 أيام وتظهر بردوا النتيجة بدرى عن السنة اللى فاتت وعن كل سنة
طيب ازاى
شكرا جزيلا لردك

أكيد ربنا مش هيضيع مجهود حد تعب
بس على فكرة كان فيه حاجة هو مقياس أن ربنا مش ضيع تعبى أنى أجيب المجموع اللى انا عايزه وادخل الكلية اللى أنا عايزه
كنت عايز أعرف رأيك فى النقطة دى لأنها هامة جدا
ان شاء الله فى النهاية خير
ان الله لايضيع أجر من أحسن عملا
ربنا يوفقك ياأحمد ويوفقنا كلنا

يارب يكتب ليك ولينا الخير فى الحاجة اللى يخترها لينا

يا جماعة بلاش قلق النتيجة بعد بكره

lلن سوى حسبنا الله و نعم الكيل فى مجهودنا ومجهود اهلنا وفلوسنا حد يقول ايه ال بقى صح الايام دى

اذا كان كنترول الثانويه العامه 2009 والارقام السريه وجدت فى الزباله

اللهم لا نسئلك رد القضاء ولكن نسالك اللطف فيه