|
عاجل جدا للادارة .. والمشرفين ..
السلام عليكم
انا لاحظت اني اكتر من موضوع ليا تم نقله لقسم ارشيف المواضيع المكررة مع اني ملقتش الموضوع الاصلي ... فطلبي ان مادام الموضوع مهم والموضوع الاول مر عليه وقت .. فممكن نعمل موضوع تاني عشان الاعضاء الجديدة مش هيروحو الصفحات الاخيرة ف الاقسام ... ياريت الكل يقول رايه بجد وتفهمو اصدي .. ...:excl: |
برجاء الاهتمام ..
|
حااااضر
جارى مناقشة هذا الموضوع فى حجرة الاداريين وجزاكم الله خيرا |
وجزاكي كل خير ... ف الانتظار
|
اوك
وكمان عشان مش يكون فى overload فى الموقع نحذف القديم بشرط ان يكون الفرق بين الموضوعين اكتر من شهر او تتحسب بعدد الصفح ده رأيى |
مش مهم يكون الفرق كبير مادام الموضوع الاول بقى ف الصفحة التانية
قليل لما عضو جديد يقلب ف الصفحات وانا لما بعمل موضوع ببقى عامله عشان افيد سواء كاتبه او ناقله فمينفعش يشيلوه عشان مكرر والموضوع الاول مش موجود ف الاول |
اقتباس:
|
يا غالي انا عارف انه مكرر
بس انا اسف انا مش مستعد كل قسم اكتب فيه اشوف كل المواضيع اللي اتكتبت فيه قبل كده عشان اللي عاوزه انشطه ولا حد ممكن يعمل كده القديم خلاص راح لحاله ومحدش هيخشه تاني الا صدفة ففيها ايه لما يكون موضوع تاني جديد مادام موضوع مهم ومفيد فعلا وان شاء الله ناس تستفيد منه انا مثلا اهو عضو جديد دخلت مشوفتش ف اي قسم دخلته غيرا لمواضيع اللي ف اول صفحة بس ومفتكرش اني هقلب ف كل الصفحات ادور ع المواضيع المهمة وكده ولا انتو شايفين ايه ... |
لأتقريباً كانوا مخالفين مش مكررين
أنا فاكراهم قاريء الأفكار كان موضوع فيه لينك و لعبة الاعداد و التخمين فا الحاجات دي مخالفة للمنتدى و التاني عجائب الأرقام مش فاكرة محتواه l |
مخالفين ؟؟؟ لا حول ولا قوة الا بالله
اللينك دا شوفتيه ولا عشان لينك يبقى مخالف وخلاص ؟؟؟ وكمان انا اصلا عمري محط موضوع مخالف ولو حد شايف غير كده يقول ... وكمان ايه لعبة الاعداد والتخمين دي ؟؟ لو سمحتي انا عاوز واحد بيفهم محتوى الموضوع ييجي يكلمني عشان اعرف اتفاهم معاه ... وكمان انا مش بتكلم عن دول بس انا بتكلم عن موضوع سيرة الرسول .. موضوع مهم جدا زي دا ليه يتشال .. ايه يعني مكرر مش يمكن حد يكون مقراش الموضوع الاول يقرا دا وناخد احنا حسنات وهو حسنات .. |
لا لا لا
المنتدى له قوانين صارمة شوية فا الموضوع يعتبر مخالف بالنسبة للمنتدى ده أها هي لعبة فكر في رقم معين و كده و اجمع و اطرح و شوية حاجات و في الآخر يقولك الرقم اللي كنت بتفكر فيه بس كده أنا مش غلطانة و منور المنتدى يا زاك سيرة الرسول بقى من قوانين القسم ممنوع أكتر من موضوعين في اليوم حضرتك نزلت 3 في يوم واحد بالتالي تالت موضوع اتحذف نزله تاني بكرة عادي :) |
عادي ؟؟؟
طيب والمنتدى الموقر دا مش عامل حساب للاعضاء الجدد ؟؟ انا مثلا معرفش حاجة زي دي وحذفتو الموضوع متعرفوش تبعتو رسالة خاصة او تنبيه ؟؟ افرضوا عملت تلات مواضيع تاني وانا مش عارف ان دا مينفعش هيتحذف بردو وتقولو اعملو تاني بردو ؟؟ طيب مادام قولته اهو لو سمحتوا بقى رجعو الموضوع ادينا بقينا ف يوم تاني اهو .. ولو سمحتو لو حصل مني حاجة مخالفة لقوانين المنتدى الغريبة دي ياريت تبلغوني بيها مش تحذفوا على طول وشكرا .. |
نسيت أقولك يا زاك
المنتدى فيه شغل في الدعم الفني اليومين دول و الهاك اللي بيبعت الرسايل مش شغال فا عما المشرف يبعت رسايل يدوي يكون قضى 24 ساعة يحذف 5 مواضيع بس كده :d قوانين المنتدى بصفة عامة http://www.thanwya.com/vb/showthread.php?t=111128 و فيه أقسام ليها قوانين خاصة بيها زي العام و براعم و لقاءات و مسابقات و حي على الفلاح كل قسم له قوانين خاصة بيه هتلاقي القوانين مثبتة في موضوع على فكرة ماليش حق أرد بس أنا أعرف أرد يعني لو ردي مش عاجب الادارة تشيله بالمرة ;) |
مممم طيب دي مش مشكلتي
بس مينفعش اتعب اني اجيب موضوع واحب افيد بيه ناس ويتشال من غير محد يبلغني السبب ومادام فيه دعم فني مش هتقدرو تعملو كده خلاص شيلو البند دا من قوانين المنتدى الفترة دي لحد ميخلص الدعم يعني لان دا ممكن يدايق ناس كتير .... وكمان فيه اخوة قالو ان القسم الاسلامي مش شغال كويس زي باقي الاقسام فيها ايه بقى لما نزود فيه الشغل شوية ونزود فيه المواضيع والردود عن باقي الاقسام ...؟؟ |
طب فى حاجة افضل
قبل ما تنزل الموضوع تعمل بحث عنه فى المنتدى شوفه موجود او لا لو مش موجود خير وبركة نزله ومحدش يقدر ينقله لو موجود تعمل تنشيط للموضوع القديم وهو تعم الاستفادة اللى هيا الهدف من الموضوع اصلا دمتم فى رعاية الله |
| جميع الأوقات بتوقيت GMT +2. الساعة الآن 07:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.