|
استمر فى الفرنساوى و لا لأ...؟؟؟؟
اهلاً يا جماعة ازيكم
انا هحكيلكم حكايتى مع الفرنساوى من اول ما اخده انا ابتديت فى درس الفرنساوى السنة دى من يوم 17\8 و هقولكم ايه اللى حصل معانا من اول حصة لغاية دلوقتى اول حصة..: كنت رايحة اول حصة لسة معرفش اى حد فى الدرس و لا فى الفرنساوى و طبعاً الدرس الواحد لا يقل عن 25 طالب ان مكنش اكثر اصل انا ما عديتش احنا كنا كام واحد فى الدرس اول حاجة عاملها المسيو قرا التاريخ بالفرنساوى و خلانا نقرا وراه و طبعاً كانت متحيز جدا للدارسين فرنساوى قبل كده و بالنسبة للنطق فهى دى العقدة اللى هو ربهالنا و كل شوية يقولنا انا شكلى كده هتعب مع المحموعة دى امال انا اخدتكم مجاميع كبيرة ليه و من اولها كدة حدد الشاطرين من الخايبين ((سبحان الله)) و كل شوية يقولنا المجموعة اللى قبلكم احسن و انتم اوحش مجموعة و انتهت اول حصة و انا متدايقة جداً من المسيو ثانى حصة...: اول ما رحنا طبعا قعدنا نسمع تحريرى و كان السكرتير واقف علينا و بعد ما سمعنا نقلنا اللى على السابورة و احنا و لا فاهمين اللى بننقله و لا عارفين نقراه و انا اول ما دخلت لقيت المسيو بيضرب بعض التلاميذ اللى فى المجموعة اللى قبلنا و بعد كده دخلنا الاوضة و هو متنرفز و على آخره و طلعه علينا و يقول الكلمة و احنا مش عارفين ننطقها و يتنرفز علينا و كان ناقص يوميها يقولنا فى وشنا انتم حمير و مبتفهموش و الله كلامه كان يدل على كده و كنا اخدنا فى الحصة دى كام جمله على حبة كلمات على اول عشر ارقام على شوية جرامير و هكذا خلصت الحصة الثانية ثالث حصة...: المسيو فيها كان مروق شوية و ماقعدش يعايرنا زى كل مرة اصل احنا كنا اول حصة عنده فكان باله رايق و انا كنت مروحة من الحصة دى مبسوطة شوية يعنى رابع حصة...: المسيو كان مدايق جداً منا و زعق فينا جامد و كمان اخرنا يجى ساعتين و ربع و المفروض ان احنا نقعد ساعة و نص لكن المسيو حب يكرمنا شوية و انا بقى يوميها روحت من الحصة دى و انا متنحة و يعتبر مش فاهمة كويس اللى اتشرح و انا فاكرة انى اما جيت اذاكر كنت عايزة اعيط علشان مش عارفة انطق كويس و احنا المفروض نحفظ بالنطق علشان هنسمع شفوى و تحريرى و انا هموت و اعرف النطق و غير شوية حاجات غلسة فى الجرامير كده و احنا نعتبر خلصنا فى الاربع حصص دول الارقام لغاية مليون و شوية جمل و الجمل اللى بتتقال فى الفصل و النكرة و المعرفة و فعل يكون و فعل يملك و طبعاً الضماير و صفات الاشارة و كما ن شوية كلمات يجى 40 او 50 كلمة يعنى فى الحدود دى او اكثر ده زائد العلامات كنا اخدنا علامتين العلامة الخطيرة و العلامة الحادة بس انا حاسة ان الحصة الرابعة دى المستر تقل علينا اوى فيها خامس حصة...: اما الحصة دى فانا هاموت و اعرف هما اخدم فيها ايه و دى كانت امبارح و مكنش ينفع اروح الحصة دى خالص و كنت تعبانا و سخنة و روحت من عند الدكتور بعد معاد الدرس بيجى ساعة طبعاً ماما اتصلت بالبيت و السكرتير هو اللى رد و اعتذرنا عن انى معرفتش آجى و لغاية دلوقتى معرفناش نكلم المسيو و بم انى معرفتش حد فى الدرس و لا معايا نمرة تليفون حد فمعرفش هما خادوا ايه فى اليوم ده و بكده يبقى راحتت عليا حصة و شرح حصة بحالها ربنا يستر و بكده انا قولتلكم كل حاجة عن الفرنساوى من ساعت ما اخده و بجد حاسة ان هو صعب و مش عارفة اجمعه و مفيش حد فى البيت ينفع يساعدنى فى الفرنساوى و بما ان معظمكم بيقول ان الالمانى اسهل و بيضمن درجات و بيرفع المجموع فانا بفكر حالياً انى احول المانى و مش عارفة اعمل ايه و عايزاكم تنصحونى هو الالمانى هيكون احسن ليا و لا اكمل فرنساوى معلش انا طولت عليكم بس ياريت ماتبخلوش عليا بالنصيحة |
بصي ياروحي .......... انا برده اول مرة أخذت فرنساوي ابن عمي كره اليوم اللي هو اخذ فيه فرنساوي لان كل شوية اقول لي قولي نطق الكلمة دي :) بس بعد كدا ولحد اللحظة اللي بكلمك فيها انا باعشق الفرنساوي وبعرف انطقة مش اوي يعني بس فيه حاجات لسه في زهني الحكاية اللي انا عايزة اقولك انك مش من اول 5 حصص عايزة تتكلمي فرنساوي زي بتوع فرنسي:o لا صدقيني النطق دي سيبك منه ... مش قصدي انك مش تنطقي لا طبعا احفظي بالنطقي وكل حاجة بس الحاجة اللي مش عارفة تنطقيها احفظيها كتابة ولوحدك بعد كدا محدش هيعرف يكلمك بخصوص المسيو انا بجد فاكرة اول حصة اخذت فيها فرنساوي المسيو مش كان طايق حد هههههههههههه مش كنا عارفين ننطق وراه حتي ...... وزعق فينا وتنرفز وكل حاجة لكن بعد كدا بقي بيعزنا اوووووي وكلنا بحبه جدا جداااااااااااااااا لان المسيو بشر وعنده مشاكل زي اي حد ووممكن يطلعها علينا عادي يابنتي دلوقتي بقي انت عندك حلين 0(1) لو انت فعلا مش مستريحة من المسيو دا غيره يابنتي ولا تتعبي نفسك وروحي عند حد تاني ... وياحبيبتي مش ينفع انك مش تعرفي حد اتعرفي ع الناس اللي معاكي عشان تعرفي ايه اللي بيحصل ممكن تسأل اصحابك اللي تعرفيهم عن مدرس متميز في الفرنساوي وبعدين لسه ادامك وقت تختار وتقرري هتروح فين مش تتعبي اعصابك يعني (2) لو بعد كلامي دا مش اقتنعتي بالفرنساوي حولي الماني بس مش اقدر افتكي فيه لاني معرفوش بس الفرنساوي بعد كدا هتحبيه كلنا كنا كدا في الاول ربنا يوفقك يارب |
بصى انا كنت فرنساوى والحمد لله كان سهل معايا جدا وبصراحه موضوع النطق ده مكنتش بهتم بيه يعنى كان اخر حاجه عندى اهم حاجه كنت بهتم بيها هى الجرمر عشان الامتحان بيبقى عليه ومع الوقت بقيت انطق كويس بعد ما حضرت حصص كتيره للفرنساوى وموضوع الفرنساوى احسن ولا الالمانى مش هتقدرى توصلى لراى معين لان كل اللى خد الفرنساوى هيقولك احسن من الالمانى والعكس ! وبالنسبه للمسيو ده انا لو كنت مكانك كنت غيرته من ثانى حصه لان المسيو اللى بيضرب ناس فى ثانوى ده يبقى راجل متخلف و كتير اوى 25 دى المفروض تبقوا 9 على الاقل عشان المسيو يكون رايق و انتوا كمان تبقوا رايقين وتقدروا تفهموا
|
بصى انا باخد فرنسوى بس اللى انتم بتقولوه ده يعنى اشياء غريبه الصراحه انا مش بعرف انطق فرنساوى خالص بس فى اولى ثانوى جبت 30/30 يعنى بدن نطق هو امتحان الثانويه العامه بنطق احفظى الكلمه بنطقك انتى حسن ليكى لان الفرنساوى به لفت لسان وهذه اللفه صعبه ولسه ثلثه
|
بصراحه انا كنت فرنساوى كنت بحبه جدا جدا وشايفه انه سهل اوى اوى معلش هو النطق شويه محتاج حد باله طويل شويه ويركز مع مسيو بينطق كويس لكن مش معضله ومش صعب واقرأيه بالطريقه اللى توصلك ان المعلومه تبقى فى دماغك بأى شكل بقى تنطقى بطريقتك بطريقه المسيو اهم حاجه المعلومه تدخل دماغك الفرنساوى سهل ولذيذ واعتقد باذن الله مضمون جدا انا الحمد لله كنت جايبه فى اولى 30\30 وفى تانيه 49\50 وغلطه تافهه منى مش لصعوبه الفرنساوى ولا حاجه ان شاء الله توكلى على الله وكملى فرنساوى ولو المسيو مش عاجبك غيريه اهم حاجه تبقى عند مدرس كويس تستريحيله ويقدر يوصلك المعلومه كويس;) وربنا يوفقك باذن الله بيس بقى |
اقتباس:
هو زى ماتقولى كده المستر كان عايز اللكنة عندنا تكون كويسة و كان فى ناس فعلاً لكنتها كويسة مع انها اول مرة تاخد الفرنساوى و هو برده المسيو مش شرير اوى يعنى لا هو تحس فيه بشوية طيية يعنى عذرنى لما غبت و مش اتعصب و قالى انى اذاكر اللى هما اخدوه هو انا اعرف واحدة بس معايا فى المجموعة و اعرف بنات من المجاميع التانية بس مش معايا تلفوناتهم و يعنى علشان المجموعة كبيرة شوية فتلاقى ان التعرف هياخد وقت شوية و برده هبقى احاول اسهل لنفسى مذاكرة الفرنساوى و ابقى اكتر شوية من وقت مذاكرته علشان يبقى سهل معايا و بالنسبة للالمانى فانا لما قولت لبابا قالى ان الالمانى مش منتشر اوى و ان الفرنساوى هو اللى هيساعدنى اكتر بعد الدراسة و كدة و قالى صلى استخارة و اختارى و لكن لما قلت لماما عن الالمانى فماما مش مقتنعة بالالمانى ابداً و مش موافقة انى ادخله خالص و نظراً للظروف فانا صرفت نظر خالص عن الالمانى و هحاول احسن نفسى فى الفرنساوى و شكراً جداً ليكى يا تسابيح |
اقتباس:
و بالنسبة للضرب فالمسيو مش بيضرب الا اللى بيجيب اقل من سبعة و نص من عشرة يعنى اللى مش بيذاكرو كويس و فعلاً اللى سببلى الحيرة اكتر و اكتر ان كل واحد بيشكر فى المادة اللى بياخدها الا قليل منهم اللى بيشتكى و بالنسبة للعدد فتقريباً مفيش الا مدرسين قليلين جداً اللى بيخدو العدد القليل ربنا يعدى ثانوى على خير و نخرج منها بدون اصابات شكراً جزيلاً ليك على المرور و على الرد الجميل |
اقتباس:
شكراً جزيلاً للمرور اطيب |
اقتباس:
و انا ان شاء الله هبقى احاول اعمل كدة انى اهتم بالجرامر و الكلمات اكثر بالنسبة للحفظ و بالنسبة للمدرس فانا ناوية باذن الله انى استمر معاه لحد المدرسة اما تبدأ و لو ما ارتحتش مع المسيو فى الفترة دى هبقى اخد عند مسيو تانى و بيس يا شفوقة:dو منورة الموضوع |
اقتباس:
ايه المسيو المعقد بتاعكوا دا دا احنا الفرنسوى بيتغنلنا عشان نحبه بس على فكرة انتى لو لاقيتى مدرس تانى يحببك فى المادة هيبقى احسن بس دا الطبيعى اننا نستصعب المادة فى اولها وبرده حتى لو حولتى المانى هتواجهى نفس المشكلة انا من رايى كملى بس عند مسيو تانى وحبى المادة تحبك بالتوفيق |
نفس المشكله بس انا الى جانب حصص الفرنساوى خدت 2 حصة المانى وايزة اكمل المانى ايه رايكم وده هيفرق فى كليات علمى علوم ولا لا وشكرا بجد للى هيجاوبنى
|
لولو انا ف علوم وف اخر سنة لازم هتدرسي المانى حتى لو كنت فرنساوى ف ثانوى
يا جماعة قلت قبل كده وهفضل اقول انا باخد فرنساوى من رابعة ابتدائي حتى اولى ثانوى كنت فرنساوى وحولت ف اخر شهرين فى السنة وامتحنت دور تانى المانى لانى كنت ممتحنة الترم الاول فرنسي والله الالمانى اسهل مليون مرة ومفيش مقارنة اصلا وسنتى كان امتحان الالمانى صعب جدااااااا وجبت 49,5 من 50 دى مادة تجميع درجات اللى عاوز مجموع عليه بالالمانى الفرنساوى بياكل درجات بالهبل وانتى بتبقي محتاجة كل نص درجة yoyeta روحى جربي تاخدى المانى وبجد مش هتندمى ده حتى نطقه زى الانجلش وكمان الالمانى كمادة اسهل من الانجلش ومحدش درس المانى وقال صعب على عكس الفرنسي ناس بتقول كده وناس بتقول كده المانى يا جماعة فرنساوى ايه بس دى لغه معقدة انا درستها 6 سنين ومع ذلك مش بطيقها مطلقا جربي الالمانى وبعد كده الحكم ليكى |
| جميع الأوقات بتوقيت GMT +2. الساعة الآن 01:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.