|
لكل اللى دخلوا علوم السنادى ( علوم القاهرة تحديدا )
السلام عليكــم ورحمـة الله وبركاتــة ،، http://www.alltalaba.com/board/style..._53%5B1%5D.gif طبعا كتير من طلبة الثانوية العامة و اللي ان شاء الله هيكونوا علوميين من دلوقتي محتاجين يعرفوا شوية عن الكلية و أعتقد ان المكان المثالي لكده هو ساحتنا هنا عشان كده ان شاء الله العلوميين اللي هنا هيساعدوا العلوميين الجدد للفترة الجاية ان شاء اللهhttp://www.alltalaba.com/board/style...ault/smile.gif و هنتكلم بداية عن الأقسام في الكلية بالنسبة للسنة الأولى مفيش تخصص بس عندنا 3 مواد إجباري ( كيمياء و فيزياء و رياضة) و بعد كده عندنا مواد تانية نختار منها بالنسبة للقسم العلمي عندنا ( البيولوجي و الحيوان و النبات و الحشرات ) و بالنسبة للرياضة فعندنا ( ميكانيكا و إحصاء ) و فيه مشترك للقسمين ( الجيولوجيا و الفيزياء الحيوية و الجيوفيزيياء) كل مادة من دول تعادل 3 ساعات معتمدة و فيه كمان 4 مواد لمتطلبات الجامعة الي هي : حقوق الإنسان و الحاسب الآلي و اللغة( إجباري ) و كمان مادة بنختارها من بين 4 مواد ( الثقافة البيئية و تاريخ و فلسفة العلوم و مبادئ القانون و المحاسبة ) متطلبات الجامعة ممكن ندرسها في أي سنة مش شرط الفرقة الأولى مطلوب من كل طالب في الفرقة الأولى انه يجتاز 18 ساعة عشان يقدر ينتقل لفرقة الثانية ( ما يعادل 6 مواد و لا تحسب متطلبات الجامعة فيها ) و لو لا قدر الله حد نزل في اي مادة ممكن ياخدها في الفصل الصيفي بحد أقصى مادتين مع الحاسب الآلي اذا لم ينجح فيه فيه كمان حاجة اسمها المعدل الفصلي و اللي على أساسها بيحسب التقدير التراكمي للفصل و دي بتحسب من قبل الكلية بتنزل مع النتيجة بالنسبة لمعدل الفصل الأول اذا كان أقل من 1 بالتالي لا يسمح له بتسجيل متطلبات الجامعة في الفصل التاني و ممكن بردة نغير المسار في الفصل التاني بمعني لو اخدت مادة تدخلني قسم معين في الترم الأول و بعدين غيرت رأيك ممكن تغير المادة دي او حتى المادتين الاختياري في الترم التاني أكيد بتقول طب ما انا مش درست بتاع الترم الأول ممكن وقتها تاخدها في الفصل الصيفي ده نقلته من منتدى تانى عشان افيد الناس اللى معانا اللى تايهيين زيي كدا و هجيبلكوا باقى المعلومات ان شاء الله :d |
بجد مشكوره بس سؤال هو انا عاوز علوم حاسب وانا علمى رياضه لازم اجيب تقدير فى اولى يا ريت الرد
|
اقتباس:
انا كمان عايزة اتخصص علوم حاسب بس معرفش محتاج تقدير ولا لاء هسال و ارد عليك ان شاء الله |
اقتباس:
اه سمعت انه محتاج تقدير |
بالنسبة للمرشد الاكاديمي ده دكتور من الكليه مهمته انه يعرفك بنظام الكليه ويقدملنا اي معلومات عن اقسام الكليه ويفهمنا نظام الساعات المعتمده وكل دكتور بيبقي مسئول عن مجموعه من الطلبه وبينزل كشوف فيها اسماء الطلبه والمرشد الاكاديمي بتاعهم وده تقريبا بيبقي بعد الاجتماع مع العميد اللى هو يوم 26-9 الساعة 9 الصبح ف مدرج مشرفة اما بالنسبه للجدول هنستلم كتاب الارشاد الاكاديمي فيه لائحة الساعات المعتمده والاقسام والجداول كل ماده بيبقي ليهاحوالي 15 معاد للنظري وزيهم للعملي احنا اللى بنختار لكل ماده معاد المحاضره النظري اللي يناسبنا ومعاد العملي وهكذا مع بقية المواد بحيث نوفق الجدول بتاعنا |
أرجوكي Black كلمينى أكثر عن قسم البترول؟
|
اقتباس:
بص اللى اعرفه عن بترول انه بحوالى 9 الاف القسم بيبدا من سنة اولى هو قريب جداا من قسم جيولوجيا منفرد بيدرسوا الارض بس ميزته انه الشركات الراعية ليه بتوظف المتخرجين منه معلش معرفش عنه كتير عشان مدخلتوش |
هو قسم الجيوفيزيا او الفلك لعلمى رياضة فقط؟ و شكرا
|
و معلش هى مصاريف الجامعة كام؟
و لو بتتغير كل سنة فهى كام السنة دي |
اقتباس:
و انا ف اولى السنة اللى فاتت كانت 198 السنادى و انا داخلة تانية 148 |
اقتباس:
لا دى اقسام مشتركة بين علمى علوم و علمى رياضة |
أشكرك شكرا جزيلا
|
اقتباس:
العفو نورت الموضوع .. |
نظام علوم البترول !!! قولة باطل أريد بها باطل اولا اهلا بيكم طلبة الثانوية العامة او اقول اهلا بيكم طلبة الجامعة باعتبار ما سيكون ان شاء الله , اولا اهنيكم بالنجاح ثانيا اهنيكم على كلية العلوم اللى بجد كلية هتخليك دايما بعد كده فخور انك درست فيها لانها الكلية الام كما نسميها وبدونها يصبح المجتمع لا شئ . ندخل بقى للجد .. انت جات لك علوم القاهرة وفجأة اول ما تدخل يقولك يعم ده فيه نظام جديد في الكلية وتخصص من سنة اولى تقوله ازاي يعم تخصص من سنة اولى ! يقولك آه ده تخصص جديد لانج لسه منزلش في امريكا ولا في اليابان ده طبعا عشان في امريكا واليابان عندهم علم وناس متخصصة لكن في مصر في بطيخ أو ما شابه ذلك . يقولك يا سيدى النظام ده اسمه علوم البترول والشركات العالمية هترعاك طول الدراسة وتشرف عليك والتدريب بقى ولما تتخرج هتلاقي مكانك محجوز في الشركات دي يقولك شلمبرجير ومش عارف مين مستنيينك .. ده على اساس ان شلمبر بتنزل في الاهرام اعلانات مبوبة عن وظائف خالية ! يقولك بس هندفع مبلغ بسيط كده حاجة رمزية في السنة مش عارف كام الف جنيه في السنة وده ليه عشان انت لما هتتخرج من الكلية هيبقى تخصصك علوم بترول وبص بقى الميزات يا مان .. تسجيل الجداول على موقع الكلية في ايام ليكوا لوحدكوا ويقولك كمان ليكوا مدرجات لوحديكوا ومعامل لوحدكوا ولما تشيل مادة في الترم وتيجى تاخدها سمر كورس تدفع اكتر من الطالب العادي ! آمااااال .... انت طالب مميز عنهم ( ان جيت للجد هما عاوزين يحللوا الفلوس باي طريقة ) ........... ندخل بقى في الجد اولا النظام ده فاشل تماما بشهادة دكاترة كتير في قسم الجيولوجيا بكلية العلوم جامعة القاهرة وذلك للاسباب الاتية اولا : لما الدفعة هتتخرج ويكونوا مثلا 120 واحد فهل انت متوقع ان شركة زي شلمبر ولا بي بي ولا هالبرتون هتعين الجيش ده ده لو عينت واحد منهم هتقول انا عينت ثانيا : خريج علوم بترول دي افتكاسة عشان هوا بيشتغلك بحكاية البترول دي مع العلم بحاجتين نمرة أ: انت مش اخدت جيولوجيا في ثانوية عامة ب: عشان تدرس جيولوجيا البترول لازم تدرس قبلها حوالي 12 كورس في الجيولوجيا عشان يدوب تبتدي تفهم القصة بتاعت البترول ثالثا : لما تروح كده شركة حلوة وانت ماسك الشهادة بتاعتك دي ومكتوب فيها علوم بترول هيقولك ايه علوم بترول دي !! هوا اساسا ميعرفهاش عشان في كل الدنيا الطبيعى والمنطقى والبديهي انك تدرس اغلب مقررات الجيولوجيا في الاربع سنين بتوع الكلية ولما تتخرج بعد كده بقى ممكن تتخصص في البترول في الحفريات في اي حاجة بقى انما واحد لسه خريج علوم واسمه خريج بترول طبعا دي اكبر نكتة سمتعها في الكلية ويا سلام بقى لما تبقى في انترفيو ويسالك سؤال في جيولوجيا البترول ويبص على الشهادة بتاعتك ويلاقي علوم بترول منورة الشهادة يقولك أمال بس عاملي فيها مش عارف ايه وانا تخصص بترول وافلام !!! من الاخر هيا هيا الكورسات بتاعت علوم البترول نفس الكورسات بتاعت كيميا جيولوجيا وبتاعت جيولوجيا منفرد بس الفرق انه بيديك معاها رياضة ومش كورس واحد دول كتييييييييييير ومش عاوز احكيلك عن الرياضة في علوم عشان دي احلى مفأجاة هتشوفها في كلية العلوم جامعة القاهرة ............. أحب بس احيي كل واحد عمان بيدفع كل سنة .. لا وايه وجامعة حكومة وكلية علوم وبرضه مُصر يدفع مبلغ وقدره آخيرا وليس بآخر دي مجرد وجهة نظر شخصية بحتة في نظام علوم البترول لا اعيب في نظام الكلية ولا اعيب في الطلبة اللى دخلوا في علوم البترول لكن هو رأي رأيي صواب يحتمل الخطأ ورأي غيري خطأ يحتمل الصواب ده كلام الاخ كاسبر " اسامة " فى احد المنتديات |
|
| جميع الأوقات بتوقيت GMT +2. الساعة الآن 10:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.