|
أنا مع البرادعى أنتم مع مين
أنا مع البرادعى أنتم مع مين مع اللى حاكم البلد من تلاتين سنة ولسة مش عارفين البلد رايحة فين وكل اما حد يتكلم يقول اصلكم مستعجلين مع اللى عمل البلد فريقين فرقة كورة وفرقة فنانين هما دول اللى عليهم العين وكل منافق بيهتف بأسمه وحكمتة وكأنه من المرسلين وما اكتر المنافقين اما الشعب يشرب المر يشوف الذل يشيل الطين انا مع البرادعى فى كل كلامة امال يضمن انتخابات نزيهة ازاى وقبل الانتخابات عايزين يتغير الدستور عايزين كل واحد فينا يكون له كلمة ودور لحد امتى هتفضل العملية فى النملية والديمقراطية فى البلد مجرد ديكور ودلوقتى بيقولوا مش فاضين احنا لسة معدلين قصدهم لسه مفصلين ولو هما عايزين حاجة تتعمل فى ساعتين انا واحد من الناس عايز البرادعى لسببين لانه بعيد عن العصابات وبعيد عن الفساد والمفسدين بيقولوا من تلاتين سنة وهو برة بس صدقونى شايف مصر اكتر من اللى جوة اللى جوة مضحوك عليهم ومفيش حاجة فى ايديهم انا مع البرادعى ولازم كلنا نبقى معاة لانه بالعربى هو طوق النجاة بأذن الله انا عارف ان الموضوع صعب بس كله على الله يقولوا معاة جنسيتين يقولوا عميل بيسودو صورته ودة كله علشان مرعوبين واسألوا الغاز اللى بيروح اسرائيل وانتم هتعرفوا مين مع مين واسألوا غزة اللى بتموت والحدود اللى بتنضرب عمال على بطال من غير سبب هتقولوا طالب طلبات تعجيزية يقدر اى حد ينجح غير جمال طبعا نجاحة مش محتاج احتمال وفى الاخر هيقولوا الريس ابن الريس وابن الوز أكيد عوام مهى بقت بركة والسلام والطبالين والزمارين والمنفاقين ورجال الدولة وللاسف كمان بعض رجال الدين ووكالات الاعلام المصرية والقناة الاولى والقناة التانية تبث للشعب الغلبان ان الريس مبارك جاب لمصر احلى هدية وهو طبعا ابنة جمال وربنا يخلى العيال ويحفظ الجرائد الحكومية واللى يقول مولود فى المطبخ السياسيى واللى يقول شاب طموح واللى يقول جمال فلتة زمانة والشعب لازم نحمدوا ربنا علية ويبوسوا ايدية ورجلية وكلام كدب وناس مصلحجية مش عارف بس اقول اية طالما كل حاجة فى مصر حلوة البلد مبتقدمش خطوة لية؟؟ تعرفوا احنا اتقدمنا فى اية فى التزوير والتعذيب والواسطة والمحسوبية الاستبداد والفساد اللى بقى أكبر وأقوى مؤسسة قومية الشاعر عبد الحميد بدوى |
انا مش معاك
|
طيب ياترى مع مين؟؟؟؟؟؟؟؟
|
انا صراحة خايف من الأيام الى جى ؟
انا من رأى أنسب واحد على الساحة هو مبارك واللة راجل حكيم وعائل ونجح فى كثير من المواقف التى اثبت ذالك ولكن انا مع البردى ولكن خايف :049gc0:؟؟؟؟ اللهم ولى علينا خيرنا |
يا عمنا مش اول اما البرادعي يقول هارشح نفسي يبقي خلاص ننتخبه
البرادعي ده انا اول مر اسمع عنه لما خد جائزة نوبل و معرفتش قبل كده انه قدم خدمات للمصريين ولا جه مصر حتي ان كان لازم نرشح حد اكاديمي عالم يبقي زويل اولي من البرادعي بالترشيح علي الاقل زويل يشعر بانتماء كبير لوطنه و كل شوية موجود في مصر ثم قبل ما نحكم معاه او لا لازم نشوف البرنامج الانتخابي بتاعه علي الاقل يمكن يكون في اولي منه بالانتخاب بتكلم صح ولا لا؟ |
انا مع الرئيس حسني مبارك
اساسا البرادعي ده يعرف ايع عن مصر مش هو مسافر برا و عامل فيها راجل حكيم و هو اساسا لو مسك منصب في مصر اخره عضو مجلس شعب الرئيس حسني مبارك الاجدر بالرئاسة |
- - - - - - - - - -
- - - - - - - - - - - - - - - - - - - - ــــــــــــــــــــــــــــ ـــــــــــــــــــــــــــ |
أيها الشاعر أنت مع البرادعى الليبرالى -صاحب الحرية غير المنضبطة بضابط الدين-يكفيك ولا تسأل غيرك هو مع مين. أنت مع من يريد إلغاء المادة الثانية من الدستور يكفيك ولا تسأل غيرك هو مع مين. أنت مع من يقف مع أقباط المهجر الذين يستقوون بالغرب على مصر يكفيك ولا تسأل غيرك هو مع مين. أنت مع من لا يعرف الفرق بين السنة والشيعة الروافض الذين يسبون الصحابة ويحرفون القران يكفيك ولا تسأل غيرك هو مع مين. أنت مع من يريد تحويل مصر إلى دولة علمانية خالصة يكفيك ولا تسأل غيرك هو مع مين. أنت مع من يريد فتح المحافل الماسونية اليهودية يكفيك ولا تسأل غيرك مع مين.:slap1qk6: |
عند حضرتك حق فى بعض الاشياء الكل يهتف للريس :av4056bb7jp3::av4056bb7jp3: زى اى ريس بس بعد لما يخرج
يظهر المستخبى فى زمن الرئيس محمد حسنى عمل حاجات حلوه كتير :d:d واحنا ليه بنصدر الغاز للعدو حتى لو فى معاهدة سلام العدو لا يتغير تحياتى وتقديرى للجميع ننتظر الجديد من هذا الابداع :bosyht9::bosyht9::bosyht9: |
ياعم حميد حيرتنى معاك انا مبقتش عارف انت قصدك ايه ومش عارف اصل للمعنى البعيد فى كلامك على حد قولك انك لا تقصد الاشخاص فالتوريه فى كلامك صعبة الفهم اعذرنى وان كان كلامك يعنى البرادعى كشخص يبأه ده رأيك ولازم احترمه ومن حقك ترشح من تشاء دون فرض وصايه على احد وان كان كلامك عن البرادعى كرمز للتغيير يبقى كلام جميل بس مش ممكن نختزل كل البلد والدعوة لتغييرها فى شخص البراعى وفى النهايه نظمك للشعر جميل وانا بحب طريقتك فى الشعر رغم اختلافى مع مضمونه وشكرا
|
العرب هم أخوانى -العرب هم كيانى
وإن لم يكن للحروب فهذا هو عنوانى شرف لى التمسك به شرف أن يحيانى فما كان المصطفى إلا عربيا يا أخوانى أليس هذا شرف أليس هذا عز يملانى أجاءنى به المولى لأتخلى عنه ببغيانى ألاتشعر بفخر وأنت بين الحديث والقرأن أصمت وإلافاحسن لأدب الألفاظ والمعانى فأنت فى حضرة وطن النبوة والفرقان وإن كنت ترفضها فلم تعلن بهذا الاعلان وان كان هذا شأنك فمن يحمى لى شانى وأخشى أن يكون هذا الحق فكر علمانى وشكرافهؤلاء بفكرهم المريض قدأعيانى |
مبارك ليس حكيم فحسب ولكنة ساحر فعلا ساحر قدر يحول جمهورية مصر العربية فى اقل من تلاتين سنة
الى عزبة مبارك الدولية ويكفى انه قتل الارادة العزيمة فى الشعب كله حقا انه ساحر عظيم فجعل الشعب يرضى بالتزوير وهل يكفى تصدير الغاز للكيان الصهيونى ببلاش باقل من سعر التكلفة فهذا هو السحر كله وايضا الجدار العازل الجديد الجميل الحديد من اجل محاصرة اهل غزة واهل فلسطين تقدروا تتصورا معى ان الجهاز المركزى للمحاسبات بيسأل ويدور على اربعة عشر مليون فدان متعرفوش راحت لمين ياترى فية سحر اكبر من كدا حقا انه ساحر عظيم وحكيم تحية لهذا الساحر |
شكلك كده مش عارف حاجة
كل اللي يهمكوا الاقتصاد و لكن السياسة تلعب دورا هاما في الاقتصاد و العالم الان مضطرب و الرئيس مبارك حكيم جدا و الدليل علي ذلك حرب اكتوبر و اللا دي بردوا سحر بطلوا تخاريف بقي انتوا جهلة مش عارفين حاجة دا لو جيه واحد غير البرادعي و قال ان هعمل كل حاجة............................ هتمشوا وراه خدوا الامور بعقلانية لا بالانانية |
ماتقولى لنا إنت مين وبتلعب لصالح مين
شوية تقول برادعى وشوية مش برادعى ماتخليش صريح شوية وحددموقعك فين ولا أنت عايز ترحعنا لزمن الملوك والسلاطين إشربوا يلا باحلوين اشربوا يلا ياشاطرين اللى مش هيبقى برادعى هتبقى واقعته طين هيبقى لا مؤاخذه يا طبال يازمار يامنافقين اختاروا يلا ياحلوين اختاروا يلا ياشاطرين عمو حميد راجل ديمقراطى قداكم حرية الاختيار ياتبقى برادعى ياتبقى طبال ياتبقى ياسيدىزمار اختار ياعمنا ولايهمك وماعادتشى مابينا أسرار وإلى اللقاء فى مسلسل جديدمع عمو حميد وبكلمك من ع المصطبه لاغاوى شهره ولامنظره ولى وطن هدافع عنه لو حتى بالفاس والمنقره ألاعيبكم صبحت مكشوفه وكل خطوه بالمسطره إنسى ياعم واتق المولى دى بلد الحسين والطاهره حس يا أخى شويه ببلدك وامدح شوية فى القاهره عمرك سمعتنى قلت مبارك والبلد برموزها ونجومهاعامره اللى يهمنى أرض الوطن وكل النفوس للبارى راحله كل الشكر والتقدير للجميع |
والله انا شايفة ان البرادعى معملش حاجة لمصر
كان سبب فى حرب العراق ليه مقالش للعالم ان العراق مفهاش نووى ورغم ده اخد جائزة نوبل على ايه معرفش :040vk0: وكمان ممكن يدخل الانتخابات الرياسة طيب هو تبع اى حزب :excl::excl: عشان يدخل |
| جميع الأوقات بتوقيت GMT +2. الساعة الآن 08:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.