|
موسوعة (( غلس )) للأرقام القياسية
خطأ لغوى شائع عالميا فى كل انحاء العالم قال يقولك ايه بقا يا سيدى (( موسوعة جينيس للارقام القياسية )) غلط طبعا عندنا في مصر اسمها موسوعة غلس للارقام القياسية حيث استطاع مجموعة من المصريين تحقيق الرقم القياسى في مجموعة أعمال قيمة معجزة أصلا انها اتحققت هحاول اقول معظمهم و يارب منساش حد اول رقم حققه معانا النهاردة المواطن المصرى الاصيل ... عمال شغال حقق رقم قياسى في انه قدر يدفع ايجار البيت و الخضار و الكهربا و الزبالة و الغاز و الميه و الدروس الخصوصية و لبس العيد و ياميش رمضان و علاج العيال و لبس المدارس ووصلة الدش و قسط المروحة و قسط التلاجة كل ده من غير ما يسرق او يستلف او حتى يمد ايده يرتشي !! تانى رقم معانا النهاردة حققه المواطن زين الحتة ابو خالو من صعيد مصر نجح زين الحتة فى الوصول لاسوان فى قطر الصعيد من غير ما يتحرق او يعمل حادثة مرتين متتاليتين !! جدير بالذكر ... ان صاحب الرقم السابق هو المواطن عويضة رمضان الدايخ اللى نجح في انه يوصل اسوان مرة واحدة و في محاولته التانية القطر اتقلب كالعادة و قابل رب كريم تالت رقم كان من نصيب المواطن (( أدهم صبري )) و ده مش ادهم صبري بتاع (( رجل المستحيل )) عشان مخكوا ما يروحش لبعيد لكنه فعلا حقق المستحيل لانه قام فعلا بمعجزة فهو مواطن كبير في السن جدا و ده قدر انه يكوّن نفسه عشان يتجوز في فترة لم تتجاوز 30 سنة بس !! شئ مدهش طبعا و يبقا كده كسر الرقم القياسي السابق له اللي حققه المواطن صابر ايوب من حوالي 200 سنة و اللي قدر يكون نفسه في خلال خمسين سنة بس ! و مع فرحة ادهم صبري الشديدة بالرقم القياسي و بالانجاز قرر ادهم انه يدخل المنافسة تاني بانه خلال العشرين سنة الجاية يلاقي عروسة و بالتأكيد لو حقق ده ... يبقا اسمه دخل التاريخ من اوسع ابوابه و يبقا دخل موسوعة غلس مرتين |
ههههههههههههههههههههههههههههههه
جامده ربنا يخليلنا ابو حفيظه نيس توبيك |
هههههههههه
موضوع جااااااااااامد المصريين يدخلون الموسوعة وإحنا معاهم |
ههههههههههههههههههههههههههههههه
جامده ربنا يخليلنا ابو حفيظه نيس توبيك |
تسلم الاايدى على الموضوع الجميل
|
موضوع جميل بيناقش واقع مرير بشكل طريف هو اننا مستحمليين العيشة دي! وبنقول اهي ماشية .. والمصريين بيعرفوا بتأقلموا مع اي حاجة .. عايشيين وبيقولوا الحمدلله واحنا معاهم:blush: |
موضوع جميل
شكرا لك |
و مع فرحة ادهم صبري الشديدة بالرقم القياسي و بالانجاز
قرر ادهم انه يدخل المنافسة تاني بانه خلال العشرين سنة الجاية يلاقي عروسة و بالتأكيد لو حقق ده ... يبقا اسمه دخل التاريخ من اوسع ابوابه و يبقا دخل موسوعة غلس مرتين انت نسيت تقول هو عمل حساب تكاليف الفرح؟!!!!! |
الحمد لله الذى لا يحمد على مكروه سواه
لا حرمنا الله من ابداعكم اخى الشريف شريف تحياتى |
ههههههههههههههههه ...
سلمت الأيادي اللي كتبت حروف هذه الموسوعة |
ههههههههههههههههههههههههههههههههههههههههههههههه
وحضرتك كمان نسيتى تقولى المواطن مضروب الواقف والاخ مضروب نجح واجتاز طابور العيش بدون اى اصابه خلافا للاخ السابق كحيان الشاكى الذى خرج بشرخ فى الجمجمه فقط ونحن نشجع جميع المصريين للالتحاق بموسوعه غلس |
تسلم ايدك
موضوع اكثر من رائع |
موضوع جميل
thankssssssssss تقبل مروري |
ههههههههه
جمييييييييييييييييييييييييييل |
|
| جميع الأوقات بتوقيت GMT +2. الساعة الآن 04:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.