موظفو "التعليم" يطالبون "شرف" بالابقاء على "جمال الدين"
 

طالب موظفو وزارة التربية والتعليم الدكتور عصام شرف، رئيس الحكومة الجديدة، بالإبقاء على الدكتور أحمد جمال الدين موسى وزير التربية والتعليم والتعليم العالى، فى منصبه وعدم تغييره بوزير جديد، وقال الموظفون لـ"اليوم السابع" إن "جمال الدين" تمكن خلال أسبوع واحد من إنهاء عدة مشكلات، واتخذ قرارات بتأجيل امتحانات الثانوية العامة وتخفيف المناهج، وتعيين كل المعلمين والإداريين الذين مضى على عملهم 3 سنوات، كما تعهد بتثبيت 1900 موظف يعملون بالعقد داخل ديوان الوزارة.

وبمجرد الإعلان عن استقالة حكومة الفريق أحمد شفيق، وتكليف المجلس العسكرى للدكتور عصام شرف وزير النقل الأسبق بتشكيل حكومة جديدة، توافد الموظفون على مكتب "جمال الدين" للتعرف على موقفه وسط حالة ترقب خشية تعيين وزير جديد للتعليم غير "جمال الدين" الذى عاد للوزارة بعد 6 سنوات من الغياب عنها.

ويتمتع الوزير بشعبية جارفة داخل "التربية والتعليم" منذ أن كان وزيراً لها فى حكومة "نظيف" الأولى، وقد استقبل الموظفون وزيرهم مطلع الأسبوع الجارى بمظاهرات حاشدة ترحب بعودته فى حكومة "شفيق" الانتقالية، غير أن استقالة الأخير صباح اليوم دعتهم إلى القلق تحسباً لرحيل الوزير مجدداً.

ايه اللى عمله الدكتور احمد جمال
 

ربنا يولى من يصلح

مع إحترامي لكل الناس اللي معارضة الدكتور أحمد جمااال وبتقول غنه معملش حاجة دول ناش مش بتفهم
يكفي إنه اصدر قرار بتثبيت كل من امضي عليه 3 سنوات وتسوية الأوضاع فيما بعد............ معني كده إن فيه درجات مالية فاضية ومفيش تعيين ................ في خلال أسبوع فقط عمل حاجات كتير .............؟

الفترة التي قضاها هذا الرجل منذ عام 2006 حوالي 7 شهور إن لم يكن 6 شهور
ومن أهم صفات الحزب الحاكم (مبارك والشلة بتاعه) إن لما كان وزير أو مسئول يمشي مضبوط
كان علطول بيعزلوه ويطردوه
والدليل رئيس الوزراء الحالي .......كلنا عارفين قصته؟؟؟

الله المستعان

لازم يا جماعة نتوحد للمطالبة بالإبقاء على هذا الرجل المخلص اللى مش هيتعوض تانى خالص

لابد من بقاء احمد جمال موسى

يا استاذي الفاضل د احمد جمال الدين دا راجل محترم جدااااااااا و احسن من يقود الوزارة

اهم حاجه ابعدنا بس عن العسكريين

انا والله مش عارفة انتم عاوزين ايه بالظبط كل واحد ييجى معترضين عليه
انتوا عاوزين تخربوا البلد يا عالم ارحمونا وارحموا الناس دى خليها تعرف تشتغل
انا حسة ان لو حتى جابلكم ملاك من السما هتقوله عليه عميل
حسبى الله ونعم الوكيل

كل الناس تمشي كده
والله ده شئ صعب
سيادتك هو اجل icdl سنه
ثبت اللي بيشتغلوا من 3 سنين
كونه ملغاش التربوي فده طبيعي
اعتقد كان مفروض يقول اللي معاه شهاده الاعداديه هيشتغل مدرس ده اللي ناقص عشان يعجب

أتمنى من الله ألا يمشى لأنى متوسم فيه خير ان شاء الله

ويكفى انه قالها تثبيت تثبيت كلمة كان نفسنا نسمعها قبل ما نموت