اخيـــرا خلص المشوار....ثانوية 2011
 

ههههههههههه مضوع ممتاز بصراحه يا هاي لايت بصراحه عندك حق ف الموضوع دا
انا عن نفسي مش من الناس اللي تعبت في ثانوي اوي ف المذاكره بس اتأرقت جدا فكريا ومن التوتر وما إلى ذلك بس على رايك كله راح والحمدلله
وهنبدأ مرحله جديده بإذن الله هتكون أقل قرف ولو كانت اكثر قرف حتى بس ع الاقل الواحد ضامن مستقبله متوجه على فين
ويضحك ع نفسه بجد الي يقول ان الثانوية كانت فتره حلوه بصراحه كانت فتره فله شمعه منوره ( زي الزفت الله يحرق مبارك على احمد زكي بدر على يسري الجمل على احمد جمال الدين على كل واحد تعبنا ).
وبإذن الله نبدأ مرحله جديده من حياتنا نكون متفتحين فيها شوية اكتر متطلعين لحياه اجمل مع ناس افضل هنعرفهم بإذن الله بس بردو اجدع صحاب صحابي من صغري :d
يلا وتقبلي مروري ع موضوعك الجميل وبالمناسبه دي انا هكتب موضوع دلوقتي تاني ابقي قوليلي رأيك

ههههههههههههههههههههههه
الحمد لله اللى عدى عدى و اللى جاى بكرة احلى .............هههههههههههه
والله ينتقم من كل واحد عذبنا احنا او اهايلنا
ربنا يجعلها سنة سعيدة على الكــــــــــل ان شاء الله
وشرفنى مرورك جدااااا يا ساتاذ احمد
وانا فى انتظار موضوعك الجديد :)

موضوع مميز يا هاي لايت
بس والله أنا شايف أن مرحلة ثانوية عامة من أحلي المراحل علي الرغم التعب و الارهاق و السهر بس كله ده كان طعمه جميل جدا بعد تحقيق الهدف بعكس لو واحد متعبش

و كانت مرحلة جميلة مرينا فيها ببلاوي كتيــــــــــــــرة جدا أنفلوزنز طيور و خنازير و ثورة و 4 وزراء تعليم و احداث ساخنة بس ذكريات جميلة

و كله كوم و التنسيق كوم تاني خالص كانت ايام جميلة (علشان الحمد لله التحويل اتقبل بس لو مكنش اتقبل كان الكلام هيتغير :d )
و انا تقريبا قضيت الأجازة كلها علي النت معاكم هنا في المنتدي بس كانت أجازة جميلة والله و تعرفت هنا علي زملاء غاية في الروعة و التعاون و تشرفت بمعرفتكم و فعلا عمري ما هنساكم

و شكرا لكل واحد ساعدني و طمني و اسف لو كنت زعلت حد في اي فترة من الفترات

و كان نفسي كل الزملاء اللي كانوا موجودين معانا هنا من اول ما خلصنا امتحانات يكونوا معانا دلوقتي و نقدر نعمل مجموعة او اي حاجة للذكري بس لطلاب الدفعة علشان فعلا كانوا سنتين جمال جدا في المنتدي ده

و اتمني ليكم كلكم مستقبل مبهر و دوام التفوق بإذن الله

أنا انصح كل واحد لسة بيفكر يدخل ثانوي عام ولا لأ يبعد احسن هتعيش سنتين مفهمش حاجة عدلة الله يخربيت اليوم اللي دخلت فيه ثانوية عامة ههههههه .

لأ لأ
متحبطش حد علشان في ناس بتاخد الكلام ده علي انه حقيقة لا مفر منها لكن في الوقت اللي انت شايف انها كانت صعبة في ناس تانية كانت شايفة انها جميلة

و كلها شوية و تعرف فعلا انها كانت ايام حلوة
و ربنا يوفقك يا باش مهندس

عندك حق يا دكتور والله
كانت ايام فيها الحلو وفيها المر.....
بس كله يهون لما الواحد يحقق هدفه ويرتاح......
وانا بشجع فكرة حضرتك لو تعمل موضوع يدعو كل اللى كانوا معانا ايام التنسيق والبهدلة انهم يسجلوا اسمهم قيه
عشان تبقى للذكرى :)
هسيبلك الحكاية دى:d

أنا نفسي أعمل الموضوع ده بس خلاص العدد دلوقتي اللي بيدخل مش زي الاول

لأن معدش حد بيدخل إلا اللي عامل تحويل او مرحل ثالثة

فهتبقي فكرة مش ناجحة

الله يخليكى يا رب على كلامك الجميل ده.......... دا احنا طلعنا ولاد بلد;)
ثااااااااانكث ماى فريند ...........ربنا يوفقك:d

ههههههههههههههه
يلا خليهم يجربوا.........:lol:

واللهى فعلا ايام حلوه واللى جاى احلى كتير ان شاء الله يارب العالمين

موضوع رائع وجميل جداً يا دكتورة highlight , الحمد لله كان مشوار رائع وطويل وشاق لكن أجمل شيء أنك ستنسى كل هذه المتاعب بعد ظهور النتيجة سواءً الثانوية العامة أو التنسيق أو التحويل , وأتذكر قوله تعالى:((وكان فضل الله عليك عظيماً)).

أرجو من الله أن تكون السنة القادمة من أسعد وأنجح سنوات حياتنا .
وفقنا الله وإياكم جميعاً لما يحبه ويرضاه,,,

الحمد لله ان ربنا ادانا على قد تعبنا وبزيادة كمان لان انا والله من الناس اللى شافت التعب الكتتتتتتتتير اوى فى الثانوية العامه ودى بصراحة مرحلة نفسى امسحها من حياتى وبقول لكل واحد فى ثانوية ربنا يعينك على اللى انت فية