|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-09-2011, 10:50 AM
|
||||
|
||||
اخيـــرا خلص المشوار....ثانوية 2011
السلام عليكم يا جماعة
اهلا بيكم معانا فى.......... اخيــــــــــرا خلصنا المشوار الحمد لله خلصنا ثانوية عامة اهم واصعب مرحلة فى حياة كل واحد فينا لان كله بيحدد فيها مستقبله وخلاص الصيف خلص و الاجازة خلصت  وهنبدا عام دراسى جديد ان شاء الله خلاص فاضل اسبوع على الدراسة وكله مشغول دلوقتى ينزل يجيب هدوم جديدة للكلية و اسكتشات  وطبعا محدش ينكر ان دفعة ثانوية 2011 من انحس الدفعات اللى حصلت  وبردو اكثرها حظا وقعونا فى 6 ابتدائى و تغير مناهج فى الاعدادى اطلع ثانوى تلاقى انفلونزا خنازير تدخل فى ثورة وحذف مناهج وطبعا كلنا طلع عينا طول السنة دروس ومذاكرة وتعب بس اكيد حلاوة النجاح كانت اجمل بكتير من كل ده خلصت الثانوية و تطلع نتيجتك يا اما تفرح بيها و تسمع زغاريت (مع انك حتى لو جبت 100% مش هتسمع حاجة) يا اما تتظبط ........والله اعلم ايه اللى حصلك ساعتها  بس كله عدى الحمد لله....حلو ولا مر! تطلع النتيجة منها على التنسيق منها على التحويل الالكترونى ثم الورقى وفرحنا اكيــــــد كلنا هنا لما عرفنا ان الورقى بفضل الله اتقبل  وبقينا مع اهلنا الحمد لله اعضاءنا هنا قاموا بواجب جامد جدا يشكروا عليه الصراحة  فى مساعدة ناس كتير فى مواضيع كتيروعذرنا منى للى مقدرتش اساعده  وانا بصراحة قضيت هنا كام يوم حلوين فى المنتدى واتعرفت على ناس زى الفل هنا بجد ....بسخلااااااااااااااااااااااص  قدامنا 6 ايام نلحق نظبط نفسنا....نستعد للكليةو نبدا مرحلة جديدة ويا رب تكون مرحلة جميلة وسعيدة وتقضوا فيها اجمل ايام حياتكوا هنودع بقى نظام اليونى فورم وكراسة 60 و كراسة 90 وجلاد احمر واخضر و اصفر وواجب وهاتوا كراسات تتصحح وطابور الصباح وتحيا مصر!! مع ان تحيــــا مصــــر دائمــا و ابــدا !! يييييييييييييييييييه.........مش عايزة افتكر بصراحة مش عايزة اقولكم كل سنة وانتوا طيبين بمناسبة السنة الجديدة لان الدراسة بالنسبالى مش عيد ابدا.......بس كــل سنــة و انتــم طيبيــن اشوفكم على خير ان شاء الله فى حفظ الله |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 09:26 PM.
