|
ماتقوليش عادي .. علشان دا مش عاااااااادي ▲
ماتقوليش عادي .. علشان دا مش عاااااااادي ▲
مش هقلع طرحتي يوم فرحي عشان ليلة العمر... عشان ده مش عادي مش هرقص في فرح بنت خالي عشان صلة الرحم... عشان ده مش عادي مش هحكي لزميلي في الشغل مشاكلي العائلية.. عشان ده مش عادي ... ... مش هروح البحر والبس مايووه..عشان ده مش عادي وكفايا بقى كلمة عادي.. لاننا متخلقناش عادي ولا هنقف نقول يارب معلش... اصله كان عادي عادي كل البنات مصاحبين.. وانا يلا اصاحب عشان مبقاش معقده.. لا مش عادي عادي كلهم مسافرين شلة ولاد وبنات ...وانا اسافر معاهم .. لا مش عادي عادي تقصير الجيب على البووت.. عشان ابقى على الموضة.. لا مش عادي عادي البنطلون ابو وسط ساقط ... عشان ابقى روش... لا مش عادي عادي البدي الملزق وهيتفرتك من على الجسم... لا مش عادي عادي اركب عربية زميلي.. مهو زي اخويا... لا مش عادي وعادي ابن عمي يبعت لي رسايل تهريج خارجة.. اصله زي اخويا.. لا مش عادي وعادي اكدب على أهلي ..مهي كدبة بيضا... لا مش عادي عادي اروح شغلي متاخر وازور امضتي..مهو كله عادي اشمعنى انا.. لا مش عادي عادى اكون محجبة واقف انشر الغسيل من غير حجاب مانا فى بيتى ومحدش باصص اوى .. لا مش عادى عادى لما اخرج انا وخطيبى لوحدنا طول الليل مهو هيبقى زوجى .. لامش عادى عادي نحط صورنا الشخصية على الفيس بووك عادي ....لا مش عادي عادي نحط صور اتنين بيحضنوا بعض او واحدة لابسة من غير هدوم... مهي مش صورتنا لا مش عادي عادي نتعرف على بعض ونشات مع بعض .. مش هنقول حاجه عيب.. لا مش عادي عادي اكتب رقم تليفوني وبياناتي الشخصية. محدش هيعمل لي حاجه..لا مش عادي عادي اشوف واحدة بتتعاكس واسكت.... مهو ده بقى عادي ..... لا بقى مش عادي وكفاية بقى عيشه عادي .. عشان حبنـــــــــــــــا للــــــــــــه اكبر من اى كلمـــــــــه عادى و لاننا مش عايزين ينكتب على قبرنا هنا يرقــد السيد عــادي عادي بن عادي آل عادي ومن هنا ورايح هرفع شعار: :أنا أنسان مش عادى" |
الله يجزيكي كل خير يارب
|
صح بقيت كلمه مستفزة اوى وهو مش عادى بس دى كلمه بندارى بيها كسوفنا وخجلنا لو اتوجهنا بالحقيقه
|
ههههههههه صح 100 % انا اى حد بساله على اى حاجة .. حتى بعيد عن الكلام ده.. يسكت شوية يفكر ميلاقيش اجابه يقوم قاايل ماهو عااااااادى .
:d |
جزاك الله خيرا
فعلا ظواهر دخلت ع مجتمعنا ويتتحجوا بالكلمة دى بعد اذنك هانشر الموضوع |
اقتباس:
|
****انـــا انســــانة مش عــــاديــة**** بجد كلامك كله حقيقى الكلمة دى بقت سهلة اوى على لسان كل الناس و وبتتقال فى اى حاجة فى اى وقت ومن غير اى داعى بجد موضوع ممتاز تسلم عليه :) |
انا مش متفق معاك يا محمد بس مش فى كل الكلام فيه كلام بردو عندك حق فيه لانه غلط لكن فيه كلام تانى داخل نطاق الحريه الشخصيه اه ممكن اشوفه غلط بس اللى بيعمله شايفه صح كل واحد حر ف رايه وشكرا على الموضوع
|
ده موضوع بجد مش عادي
رووووووووووووووووووووووووووووووووووووعة تسلم الأيادي |
وده العادى من الاستاذ محمد الاسطوره
موضوع اكثر من رائع. شكرا |
والله عندك ف كل كلمه قولتها
فعلا أصبحت ظاهره غريبه تلك الكلمه مشكور ع موضوعك المميز :):):) |
موضوع اكثر من راااااااااااااائع. جزاك الله خيرا كثيرا.
|
مش عادى خالص
|
جزاك الله كل خير على الموضوع
يا ريت فعلا نبطل نمشي وراء أي موضة أو بدعة أو تقليد من غير ما نفكر أننا هنتحاسب على كل ده ربنا يهدي الجميع |
جزاك الله كل خير فعلا انا بشوف ناس كتير بتعمل حاجات من دى فى كل مكان وبصراحة كلمة باتفزع شوية على اللى بحس بيه لما اشوف كده وربنا يهدى جميع المسلمين وياريت كل انسان يراقب الله فى اعماله ويحاسب نفسه دايما
|
| جميع الأوقات بتوقيت GMT +2. الساعة الآن 01:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.