|
يا أطباء المستقبل أريد أرائكم
ازيكم يا أطباء المستقبل
ربنا يوفقكم و شدوا حيلكم أريد أسألكم يا بناتي و أبنائي أطباء المستقبل في أي حد منكم عندما دخل كلية الطب ندم ندما شديدا لمشقة الدراسة و تمني بصدق لو لم يكن دخلها و دخل كلية أخرى أسهل شوية حتى صيدلة ؟؟ أنا منتظرة ردودكم و أفكركم يا حلوين |
انا ابن عمى فى سنة الامتياز ناو وحاسس ان عمره راح ولسه قدامه مشوار كبير عشان يفتح العياده
|
رغم اني حاسس ان حضرتك منحازه لصيدله لكن هقولك طب طب عشان خاطر ربنا امال الولد اللي لسه بعد طب عنده 3 سنين جيش ينتحر!!!
وبالنسبه للدراسه عايزه الصراحه :وانا في سنه اولي(انا في رابعه) كنت ببكي عشان مكنتش عارف ازاكر عشان انا مدارس عربي واللغه وكميه المواد والحفظ كانت تعباني جدا جدا ومكنش عندي حد في العيله طبيب ممكن يساعدني وبعد مرور 3 شهور من الدراسه امتحنت الترم الاول ويدوب نجحت بدات من الترم التاني اللغه تبقي اسهل وعرفت ان مش كل الدروس حفظ وعرفت ان ممكن الواحد يقرا قراءه بفهم هتثبت المعلومه اكتر وجبت فنهايه سنه اولي جيدجدا وذكرت احسن في تانيه جبت بفضل ربنا ممتاز علي(87) وفي تالته كان احسن جبت ممتازعلي(90%) وبقيت الكليه حاجه لطيفه الي حد ما او علي الاقل لحد هذا الوقت عشان مكدبش ليه انا منحاز لطب؟؟؟ لان حرام طالب شاطر وممكن يبقي دكتور مشهور ويفيد الناس والبلد ونفسه تبقي نهايته انه يبقي دكتور بيبيع في صيدليه او يبقي مندوب(مع احترامي لكل الزملاء الصيادله لكن دا الواقع) بسبب انه كسل يجتهد ولو عايزه تفتحي صيدليه سهل برضو تتاجري اسم د/صيدلي وتديه 500ج في الشهر وخلص الموضوع |
وافر الشكر يا دكتور meen333 لردك وعلي ما يبدو انك فعلا انسان متميز وانك ستكون إن شاء الله من خيرة الأطباء
لكن بالنسبة لبنتي أحد الأقارب قال لنا و لها أنها لو دخلت صيدلة ممكن بعد ما تتخرج إن شاء الله تعطي أسمها ل 3 صيدليات و تأخذ من كل صيدلية 2000 جنيه يعني فرضا ممكن يدخل لها شهريا 6000 جنيه و هي جالسة معززة مكرمة بالمنزل بدون ما تخرج الشغل . إيه رأيك أنت يا دكتور / أمين في الموضوع ده ؟ أرجو سرعة الرد علشان احنا هنقدم التنسيق يوم السبت القادم 25/8 إن شاء الله و عايزه أسأل هل كلية الطب مكلفة جدا للطالب و مرهقة ماديا يعني بالتقريب ممكن الطالب يحتاج كام في السنة للكتب و المذكرات و الأدوات ؟ و افر الشكر و التقدير لك يا دكتور أمين ووفقك الله و أكرمك |
حضرتك بعد سنه الامتياز بيبقي مرتب الدكتور النائب اكبر من دكتور صيدله
وفي حاله ان كل خريج صيدله هياجر اسمه ل 3 صيدليات هيبقي عدد الصيدليات اكتر من تعداد جمهوريه مصر العربيه!!! وموضوع 6000ج ؟ اما لو حضرتك بتكلمي عن حاجه خارج مصر فالله اعلم! وبالنسبه للمصاريف كليه طب ذي تجاره عربي بزياده عدد سنوات الدراسه 1) كرنيه الكليه (بالنسبه للمصريين)لايذيد عن 250ج وممكن دعم اذا كان مرتب الوالد لايذيد عن 1500ج 2) الكتب دا لو هتشتري النسخه الاصليه مش تصوير يعني=600ج لو تصوير مش هيذيد عن 200ج 3)الكورسات مكلفه جدا في القاهر بس مش ضروري خالص تاخد كورس لان تسجيلات الكورسات موجوده ع النت وبنحملها ونسمعها وموجوده هنا علي بوابه الثانويه _تسجيلات فسيولوجي>د/ناجي _تسجيلات تشريح> د/مدحت _تسجيلات كيميا>د/رشيد _تسجيلات هستولوجي (مش فاكر اسم الدكتوره) 3)بالنسبه للسكن حسب المحافظه وهل سكن خاص او مدينه جامعيه 4) بالنسبه للادوات في سنه اولي وتانيه مطلوب بلطو ابيض(كلام فاضي 50ج) وهيكل عظمي ودا ممكن تستلمو من الكليه وتاخدو السكن او تكتفي ان تشوف في الكليه بس او تشوف مع صديق او لو مفيش حل تشتريه مش هيذيد عن 200ج وبالنسبه لسنه تالته مش مطلوب حاجه خالص |
وافر الشكر لك و التقدير يا دكتور Ameen على هذا الشرح الوافي المبشر بكل خير
ربنا ينور لك طريقك و يحفظك و يوفقك و يكرمك و يسعدك بفضل الله ثم فضلك احنا هنكتب طب إن شاء الله ( المحافظة اللى احنا فيها) ثم باقي المحافظات و بعدين نحول لك منا يا ابني دكتور / أمين كل الدعاء و الشكر و التقدير بس الله يجزاك خير تابع معنا اليومين دول لحد ما تستقر الأمور http://www.thanwya.com/vb/style12/buttons/edit.gif |
يعني انا معنديش خبره انا لسه داخل اولي طب القاهره لكن سمعت كلمه من دكتور قال اللي يخش طب لازم يكون عايز طب يمكن الجمله من بره فييها نوع من انواع السذاجه للي يقرئها للمره الاولي لكن لو تمعنتي فيها هتلاقي ان محدش يستحمل ال 7 سنين غير اللي عايز يكون كده و ده يوضح ان حضرتك نسيتي رغبت بنتك هي عايزه تكون ايه هي نفسها تعمل ايه هي بتحب الطب و لا لاْ ؟ و شكراً و كل عام و انتم بخير
|
|
اقتباس:
مشكور جدا يا دوك ربنا يكتبلي كلية طب بشري ويوفقني فيها ادعولـــــــــــــــــــــــــي |
looooool :D
تصدق بالله انا بحب اروح اقعد ع الكافيه وبسيب محضراتي وسكاشني ^^ |
مع احترامى ليك حتى لوالصيدلى وظيفته هى البيع او مندوب المبيعات الا ان الصيدلى الاكلينيكى هيغير مفهوم الصيدله فى مصر ان شاء الله فى القريب العاجل وبره فى السعوديه واى دوله طلب الاكلينيكى يفوق البشرى بمراحل والمرتب اضعاف ..دى من الناحيه الماديه لذا فكل منهم لهم دور ,,وشكراا
|
| جميع الأوقات بتوقيت GMT +2. الساعة الآن 01:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.