نقابة المهندسين لن تقيد الحاصلين على اقل من 5% عن كليات الهندسة الحكومية
 

اعلان في جريدة الجمهورية لنقابة المهندسين يعلن عن عدم قيد المقبولين في المعاهد والجامعات الخاصة للحاصلين على اقل من 5% عن مجموع الحاصلين على الثانوية العامه والمقبولين بكليات الهندسة الحكومية

حضرتك بتقول المعاهد و الجامعات الخاصة وهي المعاهد بس ولا ايه ارجو النقل صحيحا

فعلا انا قرأتها اليوم واصبح هذا القرار ينطبق علي الجامعات والمعاهد ايضا

الجامعات والمعاهد وبعدين انا رافق مع الموضوع صورة الاعلان
هنقل صحيح اكتر من كده ايه

المشكلة ان الـ5% مبهمه برضه يعني اقل كلية هندس هتكون هندسة منوف ولا التخطيط العمراني جامعة القاهرة ولا الفنون الجميلة عمارة جامعة المنيا (مقيدين في نقابة المهندسين وتعطيان بكالوريوس هندسة) والفارق بينهم واضح وهو بالترتيب 386.5 - 386 - 383.5 كمان في كلية الفنون التطبيقية نسيج حكومي ومقيدة في نقابة المهندسين يعني كلام ماجد خلوصي نقيب المهندسين ده مطاطي غير محدد وقاطع

مش مكتوب الجامعات الخاصه مكتوب المعاهد بس

معنى كلمة المعاهد والكليات الخاصة تعني المعاهد والاكاديميات والجامعات الخاصة .................... اهم شيء في الاعلان انه يتكتب اسم المهندس الاستشاري ماجد خلوصي والله اعلم ان كان الاعلان عن المهندس الاستشاري ولا نقابة المهندسين ..........
الاخوان واللي منها

الصورة دي اوضح

يعني مش هيقيدوا طلاب الجامه الألمانيه و البريطانيه و الامريكيه و الروسيه الي تعليمهم أحسن من الحكومي و بعدين هما جايين يعملوا كده في اكتر سنه تنسيق الهندسه الخاص مرتفع فيها و مافيش معهد بياخد اقل من 80 %

والله نظام فاشل ادام الخاص اللى هو احسن مليار مرة من العام مش عاجبك ياحكومة رجعوا نظام التحسين وبعدين ولا ليها لزمة النقابة ياكش تولع اذا كان الصيدلة من اول 90 فى المئة بتقبل للنقابات انتوا عايزين تبقوا زى بتوع الصيدلة يا نقابة ال...............

ياباشمهندسين الاعلان ده للمعاهد الخاصه بس الجامعات ملهاش دعوه

لو سمحت انا جايب 365.5 هل كدة انا متسجلش فى النقابة ارجوا الرد سريعا عشان الحق احول يعنى جايب 89.15فى المائة

المعيار اللي هيقيسوا عليه الـ 5% مش واضح لان كليه هندسة منوف 386.5 والتخطيط العمراني 386 وفنون جميلة عمارة المنيا383.5 ................................ وعن نفسي ابني 88.8 ومع ذلك لم احول له فلو لم تاخذ حقك بشكل ودي سوف تاخذه بالقضاء الاداري غصب عن ماجد خلوصي واللي منه ........................... ثم انك ينطبق عليك شرط الـ 5% يعني مفيش مشاكل بالنسبة لك

هو ذكر المعاهد والكليات الهندسية الخاصة والمقصود بها الكليات داخل الجامعات الخاصة

الواحد مبقاش فاهم حاجة بس القرار دة مش هيتنفذ والله اعلم لأنو مش قرار نهائي خصوصاً ان الموقع بتاع نقابة المهندسين مقلش عن حاجة زي كدة ومش منشور عليه اي خبر زي كدة + البيان مش واضح شوية يقول المعاهد وشوية الكليات يعني ناس كتير متلغبطة ومش فهمة وبعدين هيقيس على انهي مستوى فيه كليات هندسية سنة 2011 كانت بتقبل من 90% حكومية ،، اكيد فيه حاجة مش مظبوطة يعني في البيان والي عاوز يفهم اكتر يكلم نقابة المهندسين