| Bassant222 |
26-01-2013 02:43 AM |
موسوعة حضرتك ممتازة جدا
انا شخصيا بعانى داخل المدرسة
المشكلة ان الطلبة اغلبهعم متربيين على السمع والطاعة ومبيقدروش يطالبو بحقوقهم والمشكلة الاكبر ان المدرسة بتتاعمل معانا على ان التعليم ده منحة هى اللى بتمن علينا بيها مش حق مكتسب المفروض الدولة بتكفله للمواطن !!
فتلاقى المدرس والناظر والمدير بيتعاملو بعنترية واستعلاء على الطلبة وبالتالى الطالب يكره المدرسة وبدل ما يبقى المعلم قدوة الطالب زى زمان بقى مجرد شيطان بالنسباله بيكرهه وبيغصبه على الدروس الخصوصية !!
والطلبة بالطبع فيها نسبة خوف وجبن شوية بيخافو يطالبو بحقوقهم لان لو اتعملهم استدعاء اهلهم هيروحو المدرسة وبالتالى هيطلع غلطان وهيتضرب لما يروح فى البيت
احسن حاجة بالنسبالى والدى ووالدتى الحمد لله علمونى ما اخافش ومسكتش على الظلم
فمثلا كنت رايحة اخر يوم امتحانات وفشنطتى الموبايل والكاميرا لانى كنت هطلع من الامتحان على جدتى هقضى معاها يومين ،، بستأذن من المراقب اعلق الشنطة فى الباب لانى مينفعش احطها على الارض برة لان فيها اجهزة
يقولى وانتى تجيبى معاكى الحاجات دى اصلا ليه ؟؟ انا مالى بالكاميرا والحاجات بتاعتك ابقى اتنيلى سيبيها فى البيت قلتله حضرتك اولا انا بستأذن منك وكلى عشم فيك انك تحافظلى على حاجتى لان ده واجبك ثم انى حرة فى شنطتى ومحتوياتها فضل يقولى انتى قليلة الادب قلتله مش من حقك تحكم على تربيتى واخلاقى انا لحمد لله محترمة جدا طبعا انا مغلطتش بشهادة الكل ولكن لان اللى بيتكلم هو المدرس بلما الموضوع وصل للمديرة عايزين يطلعونى انا اللى غلطانة فضل يهددنى انه هيوصلها الموضوع قلتله لو حضرتك تكرمت وشايفنى غلطانة يتحسن توصلها الموضوع وانا اواجه غلطى واتعاقب عليه بشرط يكون النقاش عادل شتمنى ونادالى مشرفة الدور بعدي بدأت اللجة جات المشرفة سابت الموضوع ودخلت تقولى ايه قلة الادب دى ايه المسخرة اللى انتى لابساها دى مع انى لابسه بنطلون وجاكيت واسع وطويل بس نفرض جدلا حتى لو لابسة لبس مفتوح مش من حقها على الاطلاق تمنعنى كل اللى عملته رديت عليها باحترام وقلتلها تدخلك فى حقوق الاخرين وتعديكى عليها وحكمك السطحى على اخلاقها مش حق مكتسب ولو حضرتك بتنصحينى من مطلق انك زى والدتى فانا متقبلة النصيحة لو بأسلوب ميخلينيش انفر منك اما بالاسلوب ده تدخل سافر وتعدى على حريتى وفى النهاية لبسى ده انا نازلة بيه من بيتى قدام الناس وقدام والدى وبأذنه وقدام والدتى
اتسحبت بعد اللجنة على مكتب المديرة ولقيت نفسى بواجه تهمة وكم من التهزيق حوليا بتهمة اهانة مربى ومربية فاضلة !! ومن غير ما تسمع وجهة نظرى بتهددنى بانها هتسقطنى فى امتحان التفاضل * كنت عايزة اضحك واقولها هاهاها قديمة * بس مشكت لسانى الحمد لله :d
بعدين دخل مشرف كان حاضر المشكلة بين المشرفة والمراقب وفضل يقولى خلاص اعتزريله ومعلش يا ميس هى اسفة مش هتعمل كدة تانى ويقولى اعتزريلهم ولمى الموضوع قلتله لا يا مستر انا اسفة جدا مش هقدر التزم بكلامك انا مغلطتش واعتقد من حقى انى ارد قالى لا عيب تردى على الاكبر منك قلتله انا رديت باحترام زى ما تربيتى بتحتم عليا ومش شايفة اى حاجة بتديننى فى الموضوع فضل البنات فى المدرسة بكل جبن وخوف بيقوللى اتلمى هتتفصلى من المدرسة
مشكلتى مش مع الادارة والمدرسين اللى بيتخطو كل الحدود الحمراء مع الطالب لا مع الطالب اللى بيسكتعلى حقوقه ومبيطالبش بيها خوفا من عقاب البيت لو اتعمله استدعاء مثلا ! وحاليا مش عارفة هنحل المشكلة دى امتى
|
