من فضلكم أفيدوني
 

أنا جبت السنة دي 99.27 % في الثانوية العامة
و أنا من محافظة الشرقية و جالي في التنسيق طب الزقازيق
بس أنا كنت عايز أروح طب المنصورة بيقولوا انها أفضل بكثير و معروفه
أيه رأيكم في الموضوع ....؟؟؟؟؟

علماً بأن التحويل صعب و عايز جري كتير بس أنا في أيدي إن شاء الله

طيب هى المنصورة كانت فى النطاق الجغرافى ايه؟ أ ولا ب ولا ج؟

أولاً: ألف مليون مبروك على تفوقك الباهر ومبروك دخولك لكلية الطب، وأسأل الله أن يوفقك لكل خير.
ثانياً: الموضوع مش قوة أو ضعف أهم حاجة المكان اللي تثبت فيه نفسك وربنا يكرمك وتجيب تقديرات كويسة، راعي موضوع السكن، ثم استخر الله وسيهديك لكل خير.

طالما المنصورة فى النطاق ب اعتقد ان التحويل ليها صعب ومحتاج عقد ايجار او توصل نور او مية هناك....حاجة تثبت انك عايش هناك...بس المهم المجال نفسه صدقنى ومش لازم الجامعة قى بلد...المكان بالناس اللى فيه

والف مبروك يادكتور :)