|
تغيير المناهج
يا جماعه انا فى الموضوع ده هاتكلم ببساطه وصراحه ، احنا محدش غريب بينا
مناهج علم النفس و الفلسفة احنا مبنصدق نلخصها ونسقها و نخلصها من الحشو والكلام المكعبل واسلوب العرض المنفر اللى لا بيبن له اول ولا اخر والكلام فيه بيعيد نفسه والتعريف بيوصل لاربع وخمس سطور من الالفاظ الجافه واللى تحس انه متعمد عرضها بالشكل المريض ده وبنحطها فى مذكرات سهله سلسه ونحفظها ونتمكن منها فانا مش فاهم ايه الداعى للتغيير اللى بيتم فيها كل شويه بيغير بس التركيبه والالفاظ من غير ما يقدم اى اضافه معرفيه لا للمدرس ولا للطالب ولو فى اضافه بتبقى زيادة تعقيد وصعوبة وجفاف المحتوى وجعله شبه مستحيل الحفظ بدون داعى ، طبعا" عيب تمسك مذكره قدام الطالب ومش كلنا عندنا اوفر هد بروجكتور تعالوا نضيف على كل ده ان احنا اقل المواد من حيث الدروس فبجد اللى بيحصل ده كله محتاج وقفه ، لازم اما تستمر المناهج عل ما هى عليه او تتطور على ايدى ناس متمكنه من عرضها باسلوب سلس واضح جذاب منمق بيقدم اضافات معرفيه مش مجرد كلام انشائى فارغ ومقاطع من رسائل دكتوراه بتؤدى لمعنى واحد لكن لازم تتحفظ صم زى ما هى باسباب واهميات وافتعالات ملهاش اى جدوى غير زيادة حفظ الطالب وخلق مواضع للاسئله عديمة المعنى ، وبعدين احنا فين من كل اللى بيحصل ده فين راينا وتصورنا عن الماده ليه بنتعامل زى البهايم شيلوا ده ، احنا فئه متعلمه من الدوله و السكوت على اللى بيحصل ده عشان ناكل عيش بجد مهزله ، ياريت الكل يشاركنى ، شكرا" |
بارك الله فيك
فعلا اخى العزيز عبرت عن كل ما اشعر به من احباط بسبب المسئولين عن هذه المادة و كل اصحاب المصالح الخاصة |
اشكرا" على تقديرك يا اخى الفاضل
|
كتبت فعبرت فأوجزت ...تحياتي لك زميلي العزيز وانا اؤيدك في هذا الرأي ..
|
فعلا اخى العزيز عبرت عن كل ما اشعر به من احباط بسبب المسئولين عن هذه المادة
|
حسبنا الله ونعم الوكيل وخاصة علم اجتماع الصف الثانى ومتفق معك فى كل كلمه
|
شكرا" لمشاركتك المساندة استاذ احمد
|
حاولت فقط ان افضفض مع الزملاء المشتركين فى نفس المعاناة ، اشكرك استاذمحمد
|
انها معاناة حقيقة استاذ هيثم حولت تخصصنا لتخصص شاق جدا" ولا احد يشعر بنا ، شكرا" لك
|
اخى العزيز من كتر ما كتبت متناقضات فى هذا المنهج اصبت بحاله من الاكتئاب
|
ياجماعه منهج تانيه وتالته سهل جدا والله بس كل مدرس يهدى اعصابه ويقرا المنهج كويس وربنا حيفقوا ونشرح بكل ذمه وضمير عشان ربنا يبارك لنا
|
أنا أتفق معكم في ذلك واعتقد أن هناك خبر يسعد المعلمين والطلاب لأن وصل المستشارة رغبه الميدان في حذف أجزاء أو تلافي عيوب الكتاب
|
للأسف واضعى المناهج الجديدة لم يكن لديهم فكرة بالعملية التعليمية والتربوية وإحنا اللى بيطلع عينا فى الآخر
|
والله يا استاذ تامر تعبنا من كتر الاخبار اللى مالهاش اخر والمنهج اللى بيتغير قبل ما يوصل الموضوع فعلا" تحول لمسرحية كوميدية ، على فكره الفصل اللى انت صورته ورفعته اتحذف
|
احنا فى مأساه يا استاذ شريف بيتعاملوا مع تخصصنا على انه مجرد اثبات حاله مجرد دش ، حسبنا الله ونعم الوكيل
|
| جميع الأوقات بتوقيت GMT +2. الساعة الآن 03:14 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.