|
ارجو المساعده
السلام عليكم ورحمه الله وبركاته
انا جبت 96.6 وملحقتش مرحله اولى لان التنسيق عالى جدا وبكده مش هقدر ادخل طب او اسنان او صيدله او علاج طبيعى يعنى الكليات اللى بحبها :) الحمد لله على كل حال وبالتالى بدور على كليه قريبه من علوم اقدر استمتع بدراستها وبرضو يكون شغلها كويس قولت علوم قالو انها صعبه جدا جدا وفى الاخر بتطلع مدرسين ولو فلحتى فيها مش بيشغلوا بنات فهل ده صحيح ؟ طيب ناس بتقولى تجاره انجلش وليها مستقبل وكليه السن ومعرفش ايه ؟ اعمل ايه ؟ مش عارفه اخد قرار بصراحه .. ممكن حد يساعدنى !!.؟ :( طيب اعمل تظلم ولا ايه !؟ |
علاج طبيعي بتبقي مرحلة تانيه وانتي هتلحقيها بنسبة كبيرة ان شاء الله
وعلي فكرة علوم مش صعبة ولا حاجة انا في علوم كلية عادية جدا بس امتحاناتها كتير ولو بتحضري كل المحاضرات وترجعي تبصي فيها هتجيبي امتياز و حكاية الشغل احنا عندنا 2/3 من المعيدين بنات و شغل الكلية برا مجاله واسع جدا و مش هيفرق ولد ولا بنت اهم حاجه التفوق والاصرار ربنا يوفقك |
محب الرسول
ربنا يطمنك اشكرك جدا على الرد . يارب الحق علاج طبيعى بس لو ملحقتش انا بجد حبيت كليه علوم والحمد لله وربنا يكتبلى فيها التوفيق . واشكرك مره تانيه على الرد |
هيا كدا ممكن كلية علوم تاخد كحد ادنى من كام؟؟؟
|
اقتباس:
|
بس اهم حاجه بس حد يقولى انها مبطلعش مدرسين علشان الموضوع ده مضايقنى والله
انا ممكن اتعب فيها واعمل اللى عليا بس متبقاش زى تربيه . |
ان شاء الله انتي خلاص علاج طبيعي وهستني تفكريني بعد نتيجة التنسيق والله علوم مجالها واسع جدا ( شركات الادوية ، مجال التحاليل ، مراكز البحوث ، هيئات الطاقه ، مصانع الاسمده واي مصنع فيه كيميا ، مجال الاجنة واطفال الانابيب وغيرهم بس حسب كل قسم ) التدريس ده للي مش عاوز يحاول
|
اقتباس:
|
طب وبالنسبة للقسم اللى هوا اسمه كيميا حيوى دا بياخد من كام عادة ؟؟؟
|
بص انا في علوم القاهرة الاقسام بتبقي من سنة تانية بتنسيق زي الثانوية كده كيميا حيوي بيقبل من جيد جدا حوالي 77%(في سنة اولي يعني)
|
فى الجامعة اللى انا هداخلها ان شاء الله بيقولوا الاقسام من سنة اولى مش 3
فبيقولوا حسب نسبة الثانوية بتاعتى يعنى عادة بتاخد من كام يعنى؟ |
انا قولت من سنة 2 مش 3 بس باقي الكليات بتاخد من مجموع المواد العلميه يعني الاحياء و الكيميا وهكذا بس معرفش بنسبة كام الحقيقه
|
انا عايز اهم حاجة اعرف نسبة القسم دى بتتحدد بايه
اذا كنا بيختاروا الاقسام من اولى |
بدرجتك في الاحياء والكيميا بس هسألك حد من علوم غير القاهرة
|
طب يا ريت لو سمحتى اسالى لانى قلقان جدا
فى ناس بتقول بتاخد بنسبة وسعات بتوصل النسبة اللى هياخد منها ل 95 ؟ |
| جميع الأوقات بتوقيت GMT +2. الساعة الآن 01:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.