|
جربت تصاحب اختك
السلام عليكم
انا النهارده يا شباب كنت عاوز اتكلم فى موضوع رخم شويه هو مش رخم اوى يعنى بس مهم معظمنا ليه اخوات بنات فيه اللى اكبر منه واللى اصغر منه واللى قده بس مين فينا بيتكلم مع اخواته البنات مين فينا حاسس انه اخواته مش بيدايقو منه مينه فينا اخته بتحكى معاه عن مشاكلها مين فينا لو حس انها مدايقه ممكن يشوف ايه اللى مدايقها ويحاول يساعدها زى ما بتعمل مع المزه بتاعتك لو شفتها بس مدايقه شويه صغيوره ممكن تهد الدنيا انما اختك يا عينى ممكن تكون شايفها بتولع وتروح كمان تكمل عليها ممكن سوال وسط الرغى ده كله امتى اخر مره قعدت مع اختك واتكلمت معاها وسالتها ايه اخبارها مع زمايلها او فيه مشاكل ولا حاجه خلى باللك انا مش بقولك تحشر نفسك فى خصوصيتها ومع اصحابها بس عاوز اوصلك يعنى كلام زى مابتكلم مع واحد صحبك وامتى اخر مره جبتلها هديه (دى مش لازم بس على الاقل عاملها زى مزتك ) طب بلاش السؤال ده ياترى لما تكون مخنوق من حاجه ممكن تفضض لاختك ؟ طبعا هتقول لا ازاى اقولها على اسرارى دى ممكن تمسكها عليه ذله وتلوى دراعى اقولك يا حبيبى مات مش هتفضض لوحدك هيه كمان اكيد هتتكلم وهتكون اسراكو مع بعض احسن ما تروح تقول لحد غريب اخر نقطه بقه لو جه فيه وعرفت ام اختك على علاقه مع واحد وجيت انت سالتها وضربتها وعملت العمايل وقالتلك انا على علاقه بالشاب ده لانى مش لاقيه حد اتكلم معاه ولا اقوله على مشاكلى ولما باجى اتكلم معاك بتزعقلى فمش لاقيت الا ده بيسمعنى هيكون شعورك ايه طب لو قالتك اشمعنى انت بتكلم بنات وتخرج وتعيش حياتك كده انا خلصت وانا اسف يعنى انى طولت عليكم واسف كمان على اسلوبى فى الكتابه انا عارف انه وحش بس الموضوع ده حبيت اتكلم فيه عشان شوفته ادامى وحبيت انقله ليكم وتقولو رايكو فيه والشباب اللى يدخل الموضوع بقه مش يزعل منى ولا يقول غاوى بنات وكده والى موضوع اخر ان شاء الله |
جربت تصاحب اختك بصراحه موضوع جميل اوى تسلم ايدك عليه واللى عجبنى اكتر ان ولد اللى كتبه بس انت بتقول لمين :romarioxp6: قوله كام مره ضربت اختك وخنقت اختك وزهقتها فى عيشتها :049gc0: بصراحه مش عارفه اقول ايه ربنا يهديهم :) |
|
والله أنا اضايقت في الاول حاسيت ان الموضوع ملوش لزمة بس عجبتني الحتة دي
اقتباس:
|
اقتباس:
وياريت البنات بردو يقولو ايه علاقاتهن باخواتهم |
اقتباس:
|
ياه كان نفسى قوى يبقى ليا اخ احكى معه ويحكيلى بجد والله عمرى مكنت هزعل منه نفسى احس كده انى فى حد بيخاف عليا ده غير بابا طبعا ونتخانق ونتصالح وافتن عليه ويفتن عليا انا يمكن اعد اسمع لصحابى بالساعات بيتكلموا عن اخوتهم الولاد ومشاكلهم وهزارهم وببقى فرحانه قوى بجد شعور جميل بس بجد نجى للموضوع الاخ اللى مش بيصاحب اخته هو بايده اللى بيضيعها ربنا اداك نعمه حافظ عليها وصونها وكونك عاوز تحميها ده شى جميل بس من غير ضرب ولا عنف :stickjo4: ماشى ثانكس على التوبيك |
اقتباس:
هقولك بالنسبه لاخويه الكبير بيحكيلى بس طبعا مش كل حاجه بس اهو اسمه بردوا بيحكى بس لما نتخانق مقولكش بنبقا عاملين ازاى بلاش فضايح احسن:slap1qk6: لكن علشان انا احكى مش هينفع لان هوه مش بيدينى فرصه :stickjo4: واخويه الصغير بردوا بيحكى بس سبحانه الله انا وهوه مبنتفقش ابدا على اى حاجه خالص :049gc0: بس بردوا بيجى يقولى ايه اللى حصل مع صحابه وكده يعنى بس لما بنتخانف قولنا بقا بلاش فضايح :slap1qk6: وبالنسبه للكرباج اللى بيضر فوق ده بيضربنى انا ولا اخواتى علشان ابقا عارفه بس :049gc0: |
اقتباس:
|
اقتباس:
|
اقتباس:
أنا أسهلي إني أتكلم مع خطيبها علشان أختي شرسة شوية :stickjo4: يعني بصعوبة ممكن أتكلم معاها مع إنها حنينة جدا لدرجة ساعات بحس إنها أحن عليا من أمي بس طبعا هيا متدينة جدا جدا جدا يعني محدش يخاف عليها ومبتعرفش تكدب ودي كفاية بصراحة علشان كده ربنا مسهلها بس الحمد لله مفيش مشاكل مع خطيبها |
اقتباس:
انا بردو كانت اختى كده كلامها معايا قليل لطن بعد الخطوبه قربنا اوى وياعم يارب يوفق اختك ويزيدها ايمان ويهنيها مع خطيبها ويهنيك انت كمان |
مكشكوووووووور جدا على الموضوع الجميل ده
انا ليا اخت اكبر منى ب اكتر من ست سنين و اخ اكبر منى باربع سنين و اخ اصغر منى بسنه انا مش عاوز اقلك ان اختنا الكبيره دى زى ما تقول كده هى حياتنا كلها و ماما و بابا برده اكيد كل واحد فينا و بالاخص انا و اخويا اللى اصغر منى على طول فى اخر اليوم قبل ما ننام كل واحد يكى لاختنا اللى اهم ما حصل ما يومه و اختى تحخكيلنا و لو حصل حاجه ليها او مشكله بتقلنا غير ان اختى بسم الله ما شاء عليها عندها قدره رهيبه على حمل المسؤليه مش عايز اقولك ان لما امى و ابى ذهبوا للعمره و الحج يعنى تقريبا شهرين كانت اختى هى المتحمله مسؤلة البيت و بتبطخ لينا و تروق البيت رغم ان شغلها بيخلص الساعه خمسه بص بالخلاصه كده انا عاوز اقولك ان حياتنا هى اختنا الكبيره و هى مخطوبه و قريب بائذن الله هتتجوز و لكننا هتلاقينا كل يوم عندها بنزورها فى بيتها ان شاء و بامانه انا طول عمرى بشوف ان البات شخصياتهم ضعيفه بالرغم انى فى الاول ساعات بنخدع و بظن ان شخصيه البنت دى كويسه لكن بعدين بنخدع و الله انا لما هجى اجاوز لازم تكون اللى هجوزها تبقى زى اختى |
عارف الموضوع ده مهم اوى اوى
بجد انك تصاحب اختك وتكون انتا واختك اصحاب شئ حلو اوى اوى بجد تحكيلها همومك وهى كمان تحكيلك مشاكلها وكده بجد بتهون على الواحد حاجات كتير وحتقدر تقرب منها وتفهمها وبجد حيكون بينكوا جو رائع من الصراحة والوضوح بجد الواحد محتاج حد يتكلم معاه وكده ويكون قريب منه واكيد مافيش اقرب من الاخوات بس ياترى كام واحد مصاحب اخته ؟؟؟؟؟!!!!!!!!!!!!!!! |
بصراحه
انا ليا اخ............ اخ بجد اكبر منى بخمس سنين بيشاكسنى كتير اوى بس طيب حتى لو مضايقة و بقعد اعيط يقعد يضحكنى كتير و اقوله مضايقة ليه حتى لو صحباتى اوى اى حد مضايقنى بيبهدله جامد حتى لو فى اى مكان هو معايا فيه بيحافظ عليا لاقصى درجة *انا او اختى*كانه حارس لايمكن اى حد ممكن يفكر حتى انه يضايقنى وبقعد يتكلم معايا فى اى موضوع بسأله عن كل حاجه حتى لو اى موضوع ليا بقول له عليه يلاقيلى حل حتى لو من اسرارى ومش لاقية له حل شاب لذيذ و طيب خالص بجد ربنا يحميه يارب بس يتخلى عن عصبيته الفظيعة دى ويارب مش يدخل على الموضوع ده لانه عضو هنا.............ربنا يستر كفايه كدة بقى |
| جميع الأوقات بتوقيت GMT +2. الساعة الآن 11:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.