[Sharp Nails]

المشاركة الأصلية كتبت بواسطة زهرة الياسمين

انا بقى شايفه ان الموضوع ده هايفتح مجال كبير للنقاش

والجدال والمرجع الوحيد فى الموضوع ده للعلماء

وياريت مش نفتى واحنا قاعدين ونقول انا موافق

وانا مش موافق يا جماعه مش موافقين على ايه
على حاجه ربنا محللها طب ازاى؟ ازاى ربى يقول
ده حلال وانتو تقولوا لا مش موافقين ومش هانعمل
اينعم هى بتكون قدرات يعنى ممكن واحد يكون مش قادر
انه يتجوز اكتر من واحده وواحد تانى يقدر يبقى مش نقوله
لا ماينفعش ومش موافقين والجدال السلبى ده

يا جماعه ربنا قال صراحة(( فانكحوا ما طاب لكم من النساء مثنى وثلاث ورباع))

طب هاتقولوا ماربنا قال برضه ( ولن تستطيعوا ان تعدلوا بين النساء ولو حرصتم)

هاقولكم ان المقصود هنا العدل فى الميل القلبى يعنى الواحد مش
هايقدر يعدل فى مقدار حبه للأولى عشان تبقى زى التانيه
بس مش معنى كده انه بيكره التانيه

يا جماعه بلاش تجادلوا فى الموضوع ده لان انتو لو اعترضتوا يبقى
بتعترضوا على شئ ربنا حلله

اللهم انى قد بلغت اللهم فاشهد

يازهرة اولا ازيك شكلك جديدة
منورة الموضوع
بس ياستى احنا مش بنفتى ولا معترضين على كتاب ربنا ولا شرعه
ابداااااااااااااااااااا نفر ايفر يعنى
كلنا متفقين على انه شرع ربنا وحلال وكل حاجة
بس فى ناس متقبله الموضوع
وتقدر انها تتحط فالموقف دة
وفى ناس لا مش هتقدر
بس فنش
ونورتى تانى