[سري جداا]

انا سرى جدا بتاعه المشاركه 147

هى فكره انى اروح اقلهم انى مش ملاك زى ما هما متخيلين دى مش عارفه حاساهاغريبه شويه يعنى مش هروح من نفسى كده من غير سبب اقول على نفسى انى مش ملتزمه بس يمكن لو لقيت موقف كده ممكن اقول بس على فكره انا مش بمثل عشان هما يفتكرونى ملتزمه انا بتصرف على طبيعيتى جدا
بس يمكن انا الناس اللى بتاعمل معاهم معايا من واحنا واطفال ويمكن وانا اصغر من كده شويه كنت اعتبر افضل من كده فهما اخدوا الفكره دى



بالنسبه لموضوع انى بنصح صاحباتى وكده
انا اكيد فعلا مش هخاف عليها اكتر من نفسى زى ما بتقول
بس هى اما بتحكيلى عالكلام اللى بيتقال
بلاقى ان هى بيضحك عليها فعلا
فبتالى بقولها
يعنى اما يكون حد مفهمها انه بيحبها ومعيشها الدور
لازم انبهها
لما تكون بتكلمه فى التلفون من ورا اهلها مقدرش مقولهاش
واكيد ده بيختلف 180 درجه عن الكلام اللى انا بتكلمه معاهم

المشاركة الأصلية كتبت بواسطة شريف الخضري

بصي انا هرد علي الجزئية التانية دي هنا
بصي يا ستي صلي علي رسول الله

عليه الصلاة والسلام
انا و الله اعلم حالتي عاملة ازاي دلوقت
بس انا هرد عليكي لانك محتاجة ولو مساعدة بسيطة و بجد هتبقي احسن كتير
بصي انا هحكيلك حكاية بسيطة كده حدثت واقعيا
و الله بجد حقيقة و في عيلتنا كمان
بصي اجلنا تليفون من القاهرة قولولنا فولان تعبان جدا و تعالوا زوروه علشان ف العناية و كده
المهم روحنا لقيناهم بيعيطوا و كده فكرناه مات
هو فعلا كان فيه حد مات بس تعرفي مين ؟
كانت زوجته و علي فكرة كانت سليمة جدا بس روحنا لقيناها هي اللي توفت
طبعا كلنا مش مصدقين او مزهولين بجد من الموقف
يعني رايحين علي اساس واحد تعبان جدا نلقي حد تاني مات
و الراجل ده حي يرزق دلوقت
مع انه كان لا حول و لا قوة الا بالله العلي العظيم
الموت مش هيقولك انتي هتموتي توبي بقا
لا طبعا هياخدك كده علي بعضك من غير حتي ما تستعدي
وبعدين كفي بالموت واعظا
يعني خلاص اللي مش هيتعظ من الموت
خلاص الف سلامة عليه
هيموت كده خلاص هيعرف انه هيموت كده
لان اللي قلبه ميتعظش من الموت يبقي مش هيتعظ من حاجة تانية
و بعدين حاجة تانية
سيبك بقا من موضوع ان والدك ووالدتك معلموكيش الصلاة
لا بجد سيبك من الكلام ده
انا اللي علمني مش والدي او والدتي
لا اللي علمني مدرسة في ابتدائي الله يكرمها
و بعدين انتي هتفضلي طول العمر تقولي والدي ووالدتي
طيب حتي لو نفرض ده
ليه متحاوليش تعملي زي اخوكي الكبير ؟
و حتي لا اطيل عليكي
ربنا يهديكي و يهدينا اجمعين
ان شاء الله هدعيلك بظهر الغيب
في امان الله

انا عارفه ان انا اللى مسئوله دلوقتى عن موضوع الصلاة ده
والله بتمنى انى ربنا يهدينى واواظب عليها على طول ومتبقاش مشكله بالنسبه لى
بجد مش عارفه اشكرك ازاى على ردك ده
وانا اسفه لو كنت عطلتك عن مزاكرتك
ربنا يوفقك ويكرمك يارب

المشاركة الأصلية كتبت بواسطة ell0rd

معلش مش هعرف ارد على المشكلة التانية لسبب بسيط

ان انا يعتبر فيا جزء من المشكلة دى

فمش هقدر انصحك بحاجة انا اصلا مبعملهاش

وان شاء الله حد تانى يرد على المشكلة دى

وربنا يهديكى لما فية الخير يارب

ويوفقك فى كل دنيتك ودينك وعاقبة امرك امين يارب العالمين

اتمنى من الله ان اكون قدرت اريحك شوية

فى رعاية الله

شكرا يا محمد على ردك ده
واكيد ريحتنى كتييير بحلولك
جزاك الله خيرا بجد وربنا يوفقك فى دراستك وامتحاناتك وحياتك
شكرا ليكم جميعا ساعدوتنى كتير ربنا يكرمكم كلكم