"ملتقى طلاب 3 ثانوي"

[Sherif Elkhodary]

المشاركة الأصلية كتبت بواسطة سري جداا

السلام عليكم
وعليكم السلام ورحمة الله وبركاته
انا مش عارفه فى مشاكل لسه مستنيه تتحل ولا لا
بس انا عموما هتكلم لان الكلام فى حد ذاته بيريحنى ولو حد حابب يعرض مشكلته برضه فى نفس الوقت يتفضل برضه
هو انا مش عارفه ابدأ منين يعنى حاسه ان عليا تراكمات كتير اوى
مع ان محدش اما بيشوفنى بيفكر انى عندى مشاكل ومضايقه او اى حاجه من دى
انا على طول بهزر وبدخل اى لمه مع اصحابى اقلبها ضحك وهزار
انا حتى مش عارفه احدد مشكلتى ايه بالظبط عشان احلها
طيب ازاي ؟ يعني موضوع اصدقائك ده مضايقك ؟
من الاخر انا حاسه انى تايهه جداا وقراراتى كلها مضطربه كده وثقتى فى نفسى مش كبيره
الناس كلها فاكرانى ملاك ومثال للبنت الملتزمه اللى بتعمل كل حاجه صح
طيب و انتي ليه محاولتيش تبقي قد الصورة دي ؟ او علي الاقل تفهميهم انك مش ملاك اوي كده
انا مش بذم في حضرتك ابدا و الله بس انا بقول يعني ليه حضرتك مقولتيلهومش و حصلت معايا من ناس كتيرة و قالولي احنا مش بالشكل اللي انت فاكرني بيه ده
و علي فكرة مفيهاش اي زعل لان ده هيبقي نفاق
انا يمكن كده فعلا بس انا حاسه او هو فعلا ظاهريا بس
او مش فى كله
يعنى انا مثلا لبسى واسع وطرحتى كبيره ومش بكلم ولاد خالص فى الكليه الا فى اضيق الحدود ده حتى هما اللى بيبقوا بيسألوا على حاجه مثلا فبتالى برد
لكن انا اهو بقالى سنه فى الكليه مش فاكره ولا مره انى بادرت ان انا اللى اكلمهم او اقف معاهم زى معظم البنات والكلام ده بيبقى انا وصحبات يعنى مش ببقى لوحدى يعنى

وده اللى انا فعلا مقتنعه انه غلط لكذا سبب يعنى يعنى مش بعمل كده تمثيل او عشان اظهر ملتزمه ادام الناس
بس عالقيض مثلا كنت لحد فتره قريبه بكلم شباب عالنت
مع انى كنت بطلت من فتره كبيره
طيب استني بس
نتكلم في الحتة دي شوية
انتي بتقولي انك اصلا في لحقيقة مش بتكلميهم
طيب اشمعنا ع النت ؟ علشان محدش من الناس شايفك يعني
ان عارف ان الكلام ده كلام اخوات
بس اكيد هي حاجة غلط

بس للاسف رجعت تانى اكلم
بس هما مش شباب بقى كتير وهيصه كده لا هما تقريبا اتنين ومش بتكلم معاهم عشان انا عايزه اكلمهم او اسمع منهم كلام او كده
لا انا بكلمهم عشان فعلا كنت برتاح جدا انى احكيلهم مشاكلى
طيب ليه مبتحكيش لحد من اخواتك او اصحابك البنات
يعنى كنت بحكيلهم زى ما بحكيلكوا كده تمام وهما كان كانوا بيحكيولى مشاكلهم يعنى تقدروا تقولوا كلام اخوات مع بعضهم ولو ان كلمه اخوات دى بحس انها بنذوق بيها الطريقه اللى بنكلم بيها يعنى لان اننا فعلا مش اخوات ولان اى حاجه بتحصل فى الضلمه تبقى غلط ولانى واثقه انى مقدرش اقول لاهلى فى البيت انى بكلمهم فبتالى تبقى دى حاجه غلط
انتي بجد انسانة محترمة حقيقي انسانة محترمة
بس انتي محتاجة انك تحددي انتي عاوزة ايه
و تحددي اهدافك صح و هتبقي و الله تمام اوي
وانا فعلا كذا مره قلتلهم هما الاتنين على وجهه نظرى دى وهما اقتنعوا بيها وكنا بنبطل كلام فتره وغيرت الميل كذا مره عشان حتى ما لقيش حد فيهم ويسلم عليا مثلا والسلام يجيب كلام وكده
بس برضه احيانا من وقت للتانى بلاقى حد فاتتح وبيقى فيه كلام
المشكه انى حاسه انى منافقه مع اصحابى
يعنى اما بعرف ان واحده من صاحباتى بتكلم ولاد عالنت وكده بفضل اكلمها واقولها تبطل وهى طبعا مش متخيله ولا يجى فى بالها اصلا انى بكلم بس ده للاسف اللى بيحصل ولو انى عارفه الفرق بين كلامها وكلامى بس برضه فى النهايه بنتساوى اننا بنتكلم !!
طيب ليه بتنصحيها و انتي كده ؟
و اوعي تقولي ان انتي خايفة عليها
مهما يكون خوفك عليها مش هيكون اكتر من خوفك علي نفسك

المشكله التانيه بقى او قولوا المصيبه انى للاسف بقيت بقطع فى الصلاه او مش بقيت بصراحه انا من زمان وانا بقطع فى الصلاه
يعنى بلتزم فتره وكده وبواظب وبعد كده اقطع تانى وافضل كتيييييير لحد ما ارجع اصلى تانى ودى بجد حاجه مسببالى رعب جدا
خايفه اموت وانا مش بصلى
حاسه ان الموت قريب اوى اصلا
فى اقل من شهر مات تقريبا 5 اشخاص اعرفهم وسنهم مش كبير
منهم اتنين عندهم 17 سنه يعنى من سنى يعنى كان ممكن جدا اكون مكانهم
مش عارفه هقابل ربنا اقوله ايه
انا حتى اما بصلى مش بحس بالصلاه
حتى لو اتحفزت شويه كده وصليت فتره برجه اقطع تانى
المشكله ان عالرغم من ان اهلى معروفين بالتدين وكده الا انهم مهتموش يعلمونى اواظب عالصلاه زى ما اهتموا يعلموا اخويا اللى اكبر منى بسنتين
فللاسف دى اثر عليا كتير
مهم لو كانوا عودونى كنت زمانى بصلى على طول
بس برضه دلوقتى الغلط مش عليهم الغلط عليا انا
انا مش عارفه بجد اصلح من نفسى ازاى
نفسى مبقاش حاجه من برا وحاجه تانيه من جوا
انا خايفه جدا من فكره ان الموت قريب منى انا حتى بفكر انى ممكن اموت بعد ما اكتب الرد ده على طول وانا لسه مصليتش العصر
انا عموما هقوم اصلى العصر وكل اللى طالباه من منم اكتر حتى من الرد عليا انكوا تدعول بظهر الغيب ان ربنا يهدينى
واسفه انى طولت بس انا حبيت اوصلكم صوره كامله وحاسه انى ناسيه حاجات برضه
وشكرا عالفرصه دى بجد جزاكم الله خيرا
والسلام عليكم ورحمه الله وبركاته

بصي انا هرد علي الجزئية التانية دي هنا
بصي يا ستي صلي علي رسول الله
انا و الله اعلم حالتي عاملة ازاي دلوقت
بس انا هرد عليكي لانك محتاجة ولو مساعدة بسيطة و بجد هتبقي احسن كتير
بصي انا هحكيلك حكاية بسيطة كده حدثت واقعيا
و الله بجد حقيقة و في عيلتنا كمان
بصي اجلنا تليفون من القاهرة قولولنا فولان تعبان جدا و تعالوا زوروه علشان ف العناية و كده
المهم روحنا لقيناهم بيعيطوا و كده فكرناه مات
هو فعلا كان فيه حد مات بس تعرفي مين ؟
كانت زوجته و علي فكرة كانت سليمة جدا بس روحنا لقيناها هي اللي توفت
طبعا كلنا مش مصدقين او مزهولين بجد من الموقف
يعني رايحين علي اساس واحد تعبان جدا نلقي حد تاني مات
و الراجل ده حي يرزق دلوقت
مع انه كان لا حول و لا قوة الا بالله العلي العظيم
الموت مش هيقولك انتي هتموتي توبي بقا
لا طبعا هياخدك كده علي بعضك من غير حتي ما تستعدي
وبعدين كفي بالموت واعظا
يعني خلاص اللي مش هيتعظ من الموت
خلاص الف سلامة عليه
هيموت كده خلاص هيعرف انه هيموت كده
لان اللي قلبه ميتعظش من الموت يبقي مش هيتعظ من حاجة تانية
و بعدين حاجة تانية
سيبك بقا من موضوع ان والدك ووالدتك معلموكيش الصلاة
لا بجد سيبك من الكلام ده
انا اللي علمني مش والدي او والدتي
لا اللي علمني مدرسة في ابتدائي الله يكرمها
و بعدين انتي هتفضلي طول العمر تقولي والدي ووالدتي
طيب حتي لو نفرض ده
ليه متحاوليش تعملي زي اخوكي الكبير ؟
و حتي لا اطيل عليكي
ربنا يهديكي و يهدينا اجمعين
ان شاء الله هدعيلك بظهر الغيب
في امان الله