[الدكتور سنايبر]

المشاركة الأصلية كتبت بواسطة banzer

لما آجي أقولك سيدنا رسول الله عليه الصلاة والسلام "اتبهدل" في غزوة أحد
هل كده أنا غلط في سيدنا النبي ؟

طبعاً تكون غلطان لأن الكلمة دي سيئة جداً ولاتقال على الأنبياء

هو مش فعلاً عانى في الغزوة ده وكسرت رباعيته واخترقت الخوذة رأسه وكل ده ؟

أيوا عانى ولاقى الصعوبات ولكن ده كان بسبب الرماة و عدم سماعهم لكلام الرسول
لما عمرو خالد يتكلم بالالفاظ المصري المعاصرة يبقى غلطان ؟

لا مش غلطان و لكن في حاجة اسمها انتقاء الالفاظ

عايزه يبقى تقليدي ويكلمك بنفس الكلام اللى اعتدنا سماعه من الآخرين ولا يصل إلى القلب ؟؟
ومين قال إن إحنا عايزنه يبقى تقليدي؟؟

وبعدين حد قالك إنه الانبياء كانوا ملايكة ومحدش عانى فيهم ؟
الملائكة من مخلوقات الله وما تتميزبه هو أنهم لا يعصون الله ما أمرهم ويفعلون ما يؤمرون
و لكن أيضاً الرسل و الأنبياء اصطفاهم الله من بين البشر
و بالإضافة إلى ذلك فقد كرم الله بني البشر على سائر المخلوقات
قال تعالى : "ولقد كرمنا بني ادم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا "
و هل لأن الأنبياء ليسوا ملائكة يصح التطاول عليهم؟؟

لأ منهم ناس اتبهدلت فعلاً علشان توصل الدعوة ده للناس
هو امر الدعوة كان سهل ؟؟
برده " اتبهدلت " تاني ؟؟!!!
من المؤكد إن الدعوة لم تكن سهلة
ولكن اللفظ ده زي مقولتلك لا يصح

هو الراجل لما يحب يقرب من الشباب ويتكلم بلغتهم يبقى مخالف ووحش وابن كذا وكذا ؟
هل سبته حسنات الراجل ده كلها ومسكتو كلمة الراجل بيحاول يوصلكو بيها معلومة ؟؟
أولاً لم نقل أنه لا يتكلم بلغة الشباب
وثانياً في حاجة اسمها انتقاء و اختيار الالفاظ كما قلت سابقاً

هل كفر حد لايجوز تكفيره
هل أخطأ في شخص موسى نفسه ؟
إذا تكلم عن النبي موسى عليه السلام بهذ الطريقة فقد اخطأ

بلاش بقى الحوارات ده وخدو الامور ببساطة
الأمر ليس بسيطاً كما تتصور أخي العزيز

المشاركة الأصلية كتبت بواسطة banzer

جايز يكون الموضوع كان في لحظة غضب او ماشابه
زي لو واحد اثار غضبي في موضوع
اقوله
هو انا اتمرمط واتبهدلت عشان في الآخر تاخدها انت !!!
مثلاً يعني
مش معنى ذلك إنه قاصد الموضوع بمعناه اللى شايفينه
وعايزك تقولي ايه مثلاً معنى في اللغة يقابل معنى "اتمرمط" كان المفروض يقوله واكثر تهذباً
وأنا لحد دلوقتي مش عارف هل اللفظ ده صح ولا غلط
ياريت يا احمد يا رضا تضيف رأيك عالنقطة ده ولو باه او لأ بس

[/center]

كلمة " اتبهدل " كلمة سيئة جداً
و إذا كان لا يعرف أن ينتقي ألفاظه في الكلام عن الانبياء والرسل فلا يتكلم من الأساس ولا يقحم نفسه ويترك هذا الموضوع لمن هم أعلم منه
وكان يمكنه أن يقول انه عانى أو واجه الصعوبات أو كان في موقف صعب أو ماشابه ذلك
كلمة ( اتبهدل أو اتمرمط ) تقال على أي إنسان عادي
ولكن الرسل و الانبياء مصطفون من عند الله
صحيح أنهم عانوا من أشياء كثيرة كالفقر و السب و وو..
ولكن هل يصح أن يقال عليهم هكذا ؟؟

و أعتقد أن هذه المسألة بديهية
ولا تحتاج إلى حوار ونقاش
وشكراً