خطبة الجمعة ... أصبحت تقليدية !

[BaNZeR]

المشاركة الأصلية كتبت بواسطة علاء سيف

ايوة تبقى غلطان حتى لو دون قصد فاطريق للجحيم مفروش بالنوايا الحسنة
والحديث للرسول حين قال لمعاذ رضي الله عنه وهل يكب الناس على انوفهم في النار الا حصائد السنتهم
وحين قال امسك عليك لسانك
هناك شئ اسمه انتقاء الافاظ وخاصة مع الانبياء
وبعدين ليه ما رديتش على السؤال هل تقبل هي ان يقال هذا على الدكتور احمد بهجت كانت هتضحك كده ؟؟؟؟؟؟؟؟؟؟
وخد سؤال تاني بس بدون انفعال الشباب هل يجروؤ الاستاذ عمرو يقول كده علي الشيخ صالح صاحب art؟؟؟؟؟؟؟؟؟؟؟

السؤال الأول انا مليش دعوة بالمذيعة تضحك ولا تعيط
ده مش ذنب عمرو خالد
وبعدين أين صاحب القناة من رسول الله عشان نقول إنه اتمرمط في سبيل دينه او في اي حاجة مفيدة ؟؟
انا مزعلش لو واحد كان بيحكي عني بيقول ده فلان اتمرمط بصراحة عشان يوصلنا للمرحلة ده
مادام بيشكر فيا مش بيقول اتمرمط ده شتيمة فهي اعتقد عادية
عموماً مش حنخوض في تفاصيل كتير

المشاركة الأصلية كتبت بواسطة علاء سيف

نرجع لموضوعنا هو كان ايه ؟؟؟
هناك خطباء يعذبون الناس لكي تكون الخطبة تمام لا تقل عن ساعتين ويشرد بيك في عوام وقصص ولا تخرج بشئ
وينسون او يتناسون حديث المعصوم
ان من مئنة - يعني علامة - فقه الرجل قصر خطبته وطول صلاته
وهم على العكس تماما وعلى فكرة الخطب في الحم المكي والنبوي نادرا ما تجاوز النصف ساعة
واود ان اهديك هدية غالية ولكل الاخوة واسأل الله ان يجعلها في ميزاني يوم القيامة
موقع الشيخ محمد سعيد رسلان
http://www.rslan.com/
وبه خطبه و مؤلفاته والشيخ وبلا مديح غزير العلم قوي الحجة ويدافع عن السنة بحماسة شديدة واذا كان في صعوبة شوية في اللغة -ولا اظن ذللك -ولكن ربما لاننا السنتنا خلاص اتعوجت فالصبر واحتسب وكما يقول ابن سيرين وهو ليس مؤلف كتاب تفسير الاحلام بالمناسبة ان هذا العلم دين فانظروا عن من تأخذون دينكم
وفي النهاية عندي اقتراح للجميع وهو
ان كان عندك شيخ يخطب الجمعة وتستفيد منه وتراه جدير بان نتعلم منه دلنا عليه

في البداية جزاك الله خيراً على الموقع ونفعنا به إياكم إن شاء الله
وبالنسبة لاقتراحك هو ممكن يفيد بنسبة بسيطة خاصة وإنه حتى اللى مع بعض في المحافظة بعاد في السكن
وبعدين لو رحنا كلنا مسجد واحد عشان ننتفع منه
اما لباقي المساجد مين حيروحها
دحنا على الرغم من وجود هذا العدد من المساجد الناس بتصلي بره احياناً اكتر من اللى جوه

وعلى فكرة الخطب في الحم المكي والنبوي نادرا ما تجاوز النصف ساعة

أنت متأكد من المعلومة ده
دنا يمكن اللى نمتهم بس كانوا نص ساعة

المشاركة الأصلية كتبت بواسطة الدكتور سنايبر

معلش يا بشمهندس
بس لازم يكون في أدب في الكلام عن الأنبياء و الرسل
و ميكونش بالطريقة دي!!!
ولا إيه رأيك ؟؟

جايز يكون الموضوع كان في لحظة غضب او ماشابه
زي لو واحد اثار غضبي في موضوع
اقوله
هو انا اتمرمط واتبهدلت عشان في الآخر تاخدها انت !!!
مثلاً يعني
مش معنى ذلك إنه قاصد الموضوع بمعناه اللى شايفينه
وعايزك تقولي ايه مثلاً معنى في اللغة يقابل معنى "اتمرمط" كان المفروض يقوله واكثر تهذباً
وأنا لحد دلوقتي مش عارف هل اللفظ ده صح ولا غلط
ياريت يا احمد يا رضا تضيف رأيك عالنقطة ده ولو باه او لأ بس

المشاركة الأصلية كتبت بواسطة برومثيوس

عزيزي الباشمهندس | banzer

دعني أطلعك علي تخيلي ونظريتي ( وهما أقرب للواقعية ) حول ثبوت الموضوعات
الموضوعات الدينية تنقسم قسمين
قسم ديني بحت .. وقسم ديني إجتماعى
الديني البحت : لا يضر الدولة في شئ
فما الضرر من أن تُمارس شعائرك الدينية ؟ ( ستعتبرها الدولة تمارين رياضية )
وما الضرر من أن تدخل الحمام بأيسر قدمك او أيمنها ؟ ( ستعتبرها نوع من أنواع المرض النفسي او العقلي الذي يسمي وسواساً )
وما الضرر في أن تُعدل من وضع - شبشباً - مقلوباً ؟ ( ستعتبره الدولة أنك تُعدل من منظر غير جمالي )
وما الضرر في أن تلبس جلباباً ؟ ( ستعتبرها الدوله حرية شخصية او ستعتبرك قروى لا يحق لك الحياة علي الأرجح - في نظرهم - )
لا ضرر علي الدولة في ذلك
الديني الإجتماعي : وهنا يشتمل سياسة قد تكون سياسة دولة او مجموعة دول تربطهم سياسة مشتركة
و عندما يرتبط الدين بسياسة الدولة ( هحبسك انت واللي بيتكلم وإذا كان عاجبك وإلا امنعهولك خالص مش الدين لاء الكلام في الدين وهقطعلك لسانك وهتبقي اخرس والناس هتيجي تسألك هيا الحكومة كويسة هتسكت والسكوت علامة الرضا )
الديني البحتُ لا يضر وفائدته لا تنتمي للمجال الميداني ( بقدر = ) ما تُفيد في المجالِ الروحانى
هذا هو تفسيري للخطأ الذي يحدث
وعندما تقول مللاً أعرف انك حتماً لا تقصد التطاول علي الذات الإلهية او الدين في أي شئ
ولكن اعذرني اسمح لي أن اغير العنوان من باب اتقوا الشبهات
لا تحزن عزيزي | banzer
سبب نكبتنا طيبتنا وثقتنا
- فيمن لا يستحقون -
أسأل الله أن يهدينا لما يُحب ويرضى

انا متفق معاك في الجزء الاول اللى مضمنتهوش في الاقتباس

اما موضوع اقسام الدين
فأنا عارف إنه الائمة مش عارفين يتكلمو في السياسة عشان ضغط الدولة عليهم

عشان كده انا ذكرت في مواضيعي "غزوات النبي" وليس الحرب الآن
ممكن نعتبر الاتنين ضمن فرع "الجهاد"

ماشي
في مشاكل تانية كتير اجتماعية موجودة بين الشباب
فين المواضيع ده

وبالنسبة للعنوان
ومع أنني ذكرت "أصبحت مملة"
أي أنني أتكلم عن وضعها الحالي وليبس خطبة الجمعة في الدين
كما أنني أعتقد ان اللفظ الأول كان أدق وأقرب في المعنى

وان كان يحتمل الشبهات فأرجو أن تستبدلها مثلاً بالعنوان
خطبة الجمعة .... أصبحت تقليدية

أو أي معنى يؤدي نفس الغرض