[MoHaMeD ELsHeRbEnY]

المشاركة الأصلية كتبت بواسطة Rymonda

بسم الله الرحمن الرحيم

ازيكو يا جدعان

تومام تومام

اخباراتكم ايه ؟

طبعاً عرفتوا ان انا اللي هبقى معاكم النهارده ان شاء الله

احم

احمين

ربنا يستر .. ومنتفضحش

يارب ياختى يارب

*وانا جنين قصدي وانا جنينه .. كنت جنين شقي جدا وبتحرك كتير جدا لدرجة انهم فكروا ان اللي جوه ده ولد (جوه فين ؟؟) احم احم

ههههههههههه

وربنا معاهم حق

طول الوقت بضرب في بطن الغلبانه ماما .. المهم العيله كلها كانت في انتظار محمد .. ولكن لحسن الحظ محمد اتحول لاميره .. وجيت انا ..يوم 1/6/1992

يوم اشتعال الثورة

*من يومي وانا طفله شرسه..ومبهدله اختي الكبيره معايا .. فاكره اني كنت بغير منها جدا .. على الرغم ان العكس اللي المفروض يحصل ..كنت لازم البس زيها بالظبط .. ولو زيها ومش نفس اللون .. النار تشتغل بقى..ولازم زيها تبيكال .. (عيله غيوره ورخمه)
احم .. انا بس اللي اقول

هههههههههههه

بحب جدا الشخص الغيور دة

*كان عندي نظريه في اكل ال****اك .. اكل معلقه وبعدين اقوم ارقص بالمعلقه شويه .. (هطل هطل)

هههههههههههههه

هههههههههههههه

مش بقولك كملى دا انتى طلعتى مصيبة

والله كان معايا حق

.. وبعدين اكمل وكده بقى لحد ما الطبق يخلص ..

*لما كبرت شويه كان عندي هوايه غريبه جدا .. كانت ماما طبعا تصحى
بدري وتجهز كل حاجه عشان كل واحد هيروح على شغله بقى ..
ومن الحاجات اللي بتجزها الست ماما (المكوه ) .. بتحطها تسخن .. وطبعا فضول الاطفال حاجه اخر غباء .. روحت للمكوه وضحكتلها وضحكتلي ..
ومسكتها .. وعلى رجلي .. (وصوتي ياللي منتيش غرمانه) ..صوت لحد اول الشارع

ههههههههههههههههههههه

العيب على المكوة يا بنتى

وروحنا المستوصف بقى وكان في ممرضه زي العسل مكنتش راضيه اسيبها وامشي .. وهي كمان قاعده تلعب في شعري وبتاع واخر دلع ..

مكنش هناك مأذون

المهم ظبطولي الحرق ولبسوني شراب ساقع كده وجميل وبيزغزغ ..ههههه

حلوة بيزغزغ دى

وخفيت الحمد لله .. لكن غباء الاطفال المره دي خلاني اعمل نفس الحركه بس في الرجل التانيه ..(جت عليها يعني؟؟)..غباء غباء

مش عارفه بقى دي غلطة ماما ولا ايه .. ماهي اللي بتحط المكوه في متناول يداي ..

تؤتؤتؤ

دى غلطة المكوى

وحرقت نفسي كذا مره مش مره ولا مرتين ..لحد ما الدكتور كان فاكرهم هما اللي بيعذبوني بالمكوه ..هههههههههه

نلتقــــــــــــي بعد الفاصل !

ادينا مستنين

المشاركة الأصلية كتبت بواسطة Rymonda

نكمل ماشي ..

على اساس انك مستنية حد يرد

*في العيد بقى كان ليا طقوس غريبه برضو _على فكره كنت طفله قصيره جدا _ احم

ههههههههههههههههههههههههههههههههههههههه

والله جميل اوى

يا ازعة

كان عندنا باب كده عقبه واسع كنت بعدي من تحته .(طفله لاترى بالعين المجرده ).

ههههههههههه

ذرة

في العيد بقى كانوا يلبسوني الفستان اللي بيغرقني مع العلم ان هو بيبقى اصغر مقاس.. ويشيكوني ..وشعري كان جميل ونازل على عيني (عسل عسل عسل)..مش كانوا بيلبسوني اي توكه او كلبس لانه من كتر ماهو سايح مكنش حاجه بتثبت فيه ..(نمسك الخشب)

انا ماسك الموس ميضرش يعنى

وطبعا العيد في السعوديه غير العيد في مصر .. هناك كان بيبقى هدوء اكتر من الدوشه اللي بتبقى هنا ايام العيد..

لازم اولا كنا نروح على محل لعب ع الصبح كده اشتري كل اللي نفسي فيه (ماهو عيد بقى )..وبعدين نطلع على اي حديقه او منتزه نقضي اليوم هناك..كنت علطول بقى في العيد الف في الحديقه (حاجه قصيره كده بتجري شبه الكوره)..

هههههههههههههههههه

مصيبة وربنا

والعيال السعوديين بقى ماسكين في ديلي (احم احم )

اية دة انتى طلعتى فار ولا اية

..وبييرددوا ورايا بقى المشعوذات اللي كنت بغيها وهما مش فاهمين انا بقول ايه اساساً..كنت بقول (لحلب بالعيد )على اساس ان هي مرحب بالعيد ..ههههههههههههههههه

هههههههههههههههههههه

هيا السعودية ادمرت من قليل

كفاية انتى عليها

* يوم بقى لما جيت اتصور اول صوره اللي هي هيقدمولي بيها في الحضانه .. دا كان يووووووووووم..بعيد عنكم انا روحت للمصوراتي من هنا والراجل كان هيقتلني ..مش عارف ياخد الصوره نهائي لاني كنت منفجره في الضحك عكس باقي الاطفال بيبقوا خايفين وبيعيطوا وكده .. لحد ما بابا .راح مزعق فيا برضو مهديتش قوي ..وراحوا واخدين الصوره ..وطالعه فيها وشكلي كاتمه الضحكه ..كل اللي يشوف الصوره دي يضحك

هههههههههههههه

طفلة من نوع خاص

*اشترولي كل حاجه بقى للروضه (الحضانه يعني).. كانت روضه خاصه .. نضافه يعني ..وجبت بقى اليونيفورم والشنطه والجزمه وظبطوني بصراحه ..وروحت اول يوم وكعادة الاطفال في اول يوم حضانه ..العياط اشتغل وكل العيال اللي حواليا كده..وكلهم طبعا سعوديين يعني كانوا بيفهموا كلامي بالعافيه ..والمهم ضحكوا عليا بشويه شيبسي وبيسكويتس وهبل كده (عيله بقى )

نفس التعليق

..ونسيت ماما وبابا وجدو كمان اصل اللعب كانت هناك بالهبل .. قعدت العب بقى وعيشت ..

الله يرحمك يابنتى

بجد الروضه دي كانت جميله جدا ولسه فاكرها كويس لحد دلوقتي ..حتى غرفه الاسعافات ..يا ما نمت فيها ..

لا واضح بصراحة

لسه كمان حافظه النشيد الوطني اللي كنا بنغنيه ..

اة انا شفت طن طن طن

وكان علطول في حفلات بصوره مستمره في الروضه دي ..ولازم كل حفله

اجيب فستان جديد معرفش ليه ما كل الاطفال كانوا بيلبسوا نفس الهدوم ..
(والله نجمه من يومي)

ههههههههههههههههههه

واضح واضح

نكمل بعديـــــــــــن

متتاخريش بقى

المشاركة الأصلية كتبت بواسطة Rymonda

سوري يا جماعه بجد ع التأخير .. بس النور كان قاطع ..

منوريـــــــــــــــــــــــــــــــــــــــن !!

دا نور المنتدى

نكمل بقى شويه ..

*يوم لما نيجي نخرج بقى .. او نروح السوبر ماركت مثلا ..نيجي نركب العربيه بقى ..اقول لماما الحريم بتركب ورا ..يلا يا حرمه انتي وبنتك اركبوا ورا .. وانا اللي هركب جمب بابا ..ومكنش حد بيقدر عليا وفعلا كنت بنفذ اللي في دماغي ..شرسه

ههههههههههههههههه

على اساس انك من جنس اخر

*نروح بقى السوبر ماركت ..لازم طبعا اركب في العربيه بتاعة الطلبات ..دي هوايه ..وطول ما احنا ماشيين في السوبر ماركت .. بشد اي حاجه وارميها في العربيه .. لحد ما يبقوا خلاص هيولعوا فيا ..

ولسة مولعوش ؟

*وفي يوم ماي مازر راحت تولد .. بعد حمل 9 شهور طبعا ..ههههه
واخدونا معاها في مستشفى خاص كده ..المهم ان في هناك مكان لعب للاطفال وكده ..لقيت نفسي هنناك ..وحطوني انا واختي هناك وراحوا يولدوها ..وقعدنا نلعب ونسينا ان مامتنا بتولد اساسا ..لحد ما بابا جه خدنا وقالنا تعالوا شوفوا البيبي وكده ..وطبعا انا مكنتش طايقاه لانه مولود فوق دماغي بقى ..والدلع هيروح وكده

هههههههههههههههه

واعية من يومك

لدرجة اننا لما روحنا .. تاني يوم الصبح بقول لماما ده وحش وتخين وغبي روحي المستشفى رجعيه وهاتي واحد تاني ..قالتلي بس بابا نايم مين هيسوق العربيه بس ؟
قولتلها انا هاخدلك تاكسي ونروح نرجعه ونيجي قبل ما بابا يصحي ..
(عسل عسل عسل)

هههههههههههههههه

الحمد لله انة لسة عايش

فينة يجى يتفرج

*لما كنت اعيط بقى ويزعلوني .. ادخل اي اوضه واقفل على نفسي .. مع العلم اني مبعرفش افتح الترباس .. بقفل بس .. واقعد اعيط .. ويقلولي افتحي يا بنتي .. اقوللهم لا انا هنام شويه بس ده بكل برود وهما هيموتوا عليا بره على اساس اني مش هعرف افتح وكده .. وكنت فعلا بروح في النوم وعــــــــــــــــــــــــــادي .. ولما اصحى عاوزه اخرج بقى بس مش عارفه افتح طبعا .. ومش عاوزه ابين بقى اني مدايقه من كده ..(طفله عندها عزة نفس)..

هههههههههههههههه

مش بقولك واعية من يومك

اقوللهم يلا نلعب ان الاوضه دي بيتي وانتو بيتكم باقي الشقه .. يا بنتي انتي في ايه ولا في ايه انتي محبوسه .. ولما احس اني محبوسه فعلا اقعد اعيط وافتحولي حرام عليكو.. المهم كانت بترسى في الاخر على نجار زي الفل بيكسر الباب ..

ياعينى على النجار

كفايا دول .. عشان الاقي حاجه اكتبها بكره ..

متتاخريش زى كل مرة بقى

المشاركة الأصلية كتبت بواسطة Rymonda

محسسني اني بحكيلك ميكي وسمير ..

غصب عنك

ده انا شكلي هتطحن ربنا يستر ..

فينك ياحمد تيجى تتفرج على الى كانت بتغير منك

ماشي .. هنكمل ..

*مره في يوم من الايام .. من الايام اللي مبحبهاش في حياتي .. كانت ماي مازر بتغسل .. فـ روحت اجيبلها هدومي وكده ..لسه بفتح الدولاب لقيت الدرفتين بتوعه معاكسين لبعض وكده ..

عملت فيها سبع الطرمبه وقولت لازم اعدلهم .. ولسه بشد واحده فيهم (وعينكم ما تشوف الا النور )..راح الدولاب كله على رجلي وخصوصا على صوباعي الكبير .. انا ببص لقيت بحيره من الدم .. اغم عليا بصراحه .. وجم بقى شالوني وغسلولي وكده .. وبابايا ساعتها مكنش موجود ..



عشان الى بتعملية فى الناس يطلع عليكى

واحنا في بلد غريبه يعني مينفعش نخرج الا والاب معانا .. ومحدش من الجيران كان موجود.. وفضلت انزف من العصر لحد قرب العشا ..واخواتي يعيطوا حواليا ..حاسين اني خلاص بحتضر ..المهم لما بابايا بقى جه اخدني وروحت مستشفى كده ..وكان الدكتور سوداني انا فاكره

مفيش سوبر

.. المهم ظبطلي رجلي وميه ميه ..وحطلي شريحه كده ولف عليها الرباط ..

متعرفيش حط كام مسمار وكام سانتى

واحنا مروحين قولتلهم انا عاوزه اكل بيتزا .. انتي في ايه ولا في ايه يختي .. بس جابولي طبعا ..مش تعبانه بقى ؟

مفترية

(وعلى فكره طول ما انا بنزف كنت بقوللهم عاوزه سندوتش مربى .. وهما عارفين اني مبحبهاش .. فكانوا عارفين اني بخرف)

ههههههههههههههههه

سندوتش مربى

طب مش خايفة توسخى هدومك

المهم بقى انا مكسوره وكده .. يعني المفروض مش هروح المدرسه .. بس ازاي ؟؟ ..الالتزام نقح عليا بقى .. ولازم اروح .. لبسوني بقى وظبطوني وجينا نلبس الجزمه ..جزمة ايه دي بقى اللي هتدخل في الجبس .. قولتلهم مش مهم هلبس فرده واحده ..وفعلا روحت المدرسه ..انا كنت عمري ما غبت (ده في تالته ابتدائي)..

هههههههههههههه

الابلة هتزعل منك

المديره بنفسها لقيتها جيالي قالتلي والله يا اميره انا بنفسي سمحالك تغيبي براحتك لحد ما تخفي ..ساعتها بس اطمنت وغبت بقى لحد ما خفيت .. ورجعت تاني

غريبة يابنتى والله

يا حلاوة على الالتزام يا ولاد

*وفي يوم برضو كان نفسي اعمل قصه.. نفسي اقص شعري ..يا ماما قصيلي ..مش فاضيه .. يا بابا قصلي مش فاضي ..
العند والجنونه اشتغلوا .. وجبت المقص وعقدت العزم .. انا هعمل قصه يعني هعمل قصه .. ومسكت المقص بقى ..و ــــــــــــــــ
بلاش نكمل الموقف ده احسن عشان الاحراج ..

هههههههههههههههههههه

طيرتية كلة يا مجنونة

*كنت علطول بطلع الاولى على مدرستي في ابتدائي هناك .. وكان بيبقى في حفلة تكريم يوم النتيجه وكده .. وفي يوم من الايام بينادوا على الاوائل ..ملقيتش اسمي اول اسم ..كنت طالعه التانيه ..

يا لهوي ع اللي حصل .. عياط عياط عياط .. والمدرسه كلها اتلمت عليا بتهدي فيا ..وعشان يرضوني راحوا قايلين دي اميره احسن واحده حفظت قرآن السنه دي ..وادوني بدل الجايزه جايزتين ..طفله بقى واقتنعت

هههههههههههههههه

عقلك كان كبير اوى

طب منا كانو بينادو اسمى كل يوم مع المفصولين بس دا فى الاعدادى

هبل رسمي ..يا اما الاولى يا اما بلاش

فاصل ونواصل

مستنين اهوة

المشاركة الأصلية كتبت بواسطة Rymonda

ســــــوري يا جماعه على التأخير ..بس ظروف النت عندي الحمد لله زي الـ ( ــــ )

نأسف لقطع الارسال !!

حركى الاريل

او ممكن تستخدمى برسيل

نكمل بقى الجزء الاخير .. عشان حاسه ان اختكم مرموره هتولع فيا خلاص ..

انا كان المفروض اخلص امبارح .. بس منتداكو هو اللي باظ بقى ,,اعمللكم ايه ؟

نكمـــــــــــل ..

* لما جيت مصر بقى ..قالوا يودوني لشيخ عشان افضل احفظ قرآن يعني وكده ..روحت للشيخ كان جارنا ..وبدأت الحمد لله احفظ معاه وكده..بس لما المدارس جت بدأت استهبل ومروحش وساعات اروح متأخره ومش حافظه كمان ..لحد ما في يوم روحت ومسمعتش ولا كلمه ..قاللي قومي روحي يا اميره ..قولتله هو مفيش درس النهارده؟

ههههههههههههههههههه

يا خرابى على الذكاء

قاللي لا النهارده ولا اي يوم ..فهمت بقى اني بتطرد بس بزوق

ههههههههههههههههه

عارفة لو انا مكانك كنت باى طوبة وبطحتة

..قولتله وانا اساسا كنت هسيبك واروح لشيخ تاني ..وقومت جري احسن يضربني ..

والله معاكى حق

دا اية شيوخ اخر زمن الى هتخنق الواحد دى

ومن ساعتها كل ما اشوفه ماشي امشي من حته تانيه ..حتى جابوه البيت يحفظ اخواتي ..فدخلت عليهم مره ..فبيقوللي انتي تاني ..قولتله يا عم انا جايه اخد حاجه من الاوضه..

هههههههههههه

ههههههههههههههههه

عقدتى الراجل ياعينى

*ولما جيت مصر برضو مكنتش اعرف حد هنا ..كان الواد احمد ابن الجيران هو الجايد بتاعي هنا ..احم احم

هو اللي عرفني بقى على بنات وكده ..وعرفني على المدرسين اللي روحتلهم دروس بعد كده ..ربنا يكرمه ..كنت بشغله سيرفانت ..هههههه

(كنا اطفال على فكره)

هههههههههههههههه

يا جمالكم

*مره في واحد صاحب بابايا كان كل يوم يتصل بينا ..شغل بقى وبتاع ..وسبحان الله كل يوم انا اللي برد..كل ما ارد عليه يقوللي ازيك يا احمد . الكلمه دي كانت بتموتني ..بس طبعا صوت الاطفال بيقى شبه بعضو الولاد والبنات وكده ..فكونت اقوله انا اميره يا عمو مش احمد ..وكل يوم يتكرر الموقف ده..
لحد ما في يوم بيقوللي ازيك يا احمد ..قولتله يخرب بيتك يا عمو هو حضرتك مبتفهمش ..كل يوم اقوللك انا مش احمد..ايه ده..

هههههههههههههههههههههههههههههههههههههههههههه

والله العظيم انتى مصيبة

ولحسن الحظ مامتي راحت واخده مني السماعه مني بسرعه وقالتله معلش اطفال بقى ..المهم الحج مش موجود ..
(خلي بالكم وانا بشتمه بقوله حضرتك ..اخر احترام والله..زوق من يومي)

ههههههههههه

واضح واضح

*طبعا بقى في الاعدادي ..كنت انا الليدر بتاع فريق الموسيقى ..كنت بعزف اكسليفون..وكنت انا الـ singer برضو
احم احم

دا اية الحلاوة دى

دا انتى جامدة

حلاوة ومربى وبيتزا

نفتح مطعم على اخر الحلقة بتاعتك

كنت علطول لما اجي اغني ..الفرقه تعزف حواليا بحيث اني مبقاش باينه وانا بغني ..يبقى الصوت بس هو اللي واصل للجمهور ..هههههههه..(كنت بتكسف انا)

هههههههههههههههه

مش بقولك مصيبة

ويومها اتفقوا عليا الخونه ..كنت بغني ست الحبايب لسه فاكره ..وخلوني بغني واندمجت وراحوا قايمين فجأه ..كل المدرسه شافتني ..احمريت بقى واخضريت طبعا..بس كملت الاغنيه ..ومن ساعتها حلفت عليهم مش هغني تاني ..هعزف بس ..


ههههههههههههههههههه

وربنا معاهم حق

*كانت مامتي بتدرسني في المرسه ..كانت مدرسة الرياضه ..ومره وفي حصة هندسه ..اديتنا تمرين وقالت اللي هيحلوا يبقى جدع ..وتقريبا في جايزه وكده ..فطبعاً كل فراودة الفصل وعلى رأسهم انا استعدينا ..فحطت التمرين على السبوره وبتدينا نفكر طبعاً..والفصل كله كان ســـــــــــــاكت ..مفيش صوت خالص ..
وانا حسيت ان في معطى ناقص ..قومت بأعلى صوتي قولتها (ماما)..خلي بالكم ماما دي واحنا في الفصل ..يالهوي الفصل كله انفجر في الضحك ..حتى هي ..وانا اتكسفت جداً..بتقوللي عاوزه ايه بقى ..قولتلها لا مفيش خلاص ..كمان شويه لقيت واحده سألت السؤال اللي كنت هسأله قولت الحمد لله..ويومها برضو محدش حل التمرين خالص ..عالم فشله !!

هههههههههههههه

انا كنت بقول للمدرسين عاوز اية يا جدع

بلطجة بلطجة يعنى

اخــــــــر حاجه بقى عشان حاسه انكم خلاص هتولعوا فيا ..

* كان المدير بتاعنا في اعدادي راجل رخم جدا ..كل ما حد يطلع اذاعه ..يقول ستوب ..ويجيب الطالب اللي بيقول الـ(هل تعلم )مثلاً .ويسأله في اللي كان بيقوله لحد ما يدوخه ..عشان كده محدش كان بيحب يطع الـ(هل تعلم )خالص ..انا كنت بطلع كل يوم والحمد لله..
بس احياناً مقدمه واحياناً كلمه واحياناً هل تعلم ..وسبحان الله في يوم اذاعة الرياضه كنت طالعه هل تعلم في الهندسه وكده ..راح مناديني ..وراح راسملي بالعصايه بتاعته تمرين ع الارض كده ..وقاللي اثبتي كذا كذا ..روحت انا باصه لمامتي ..

قاللي ملكيش دعوه بماما ..وماسكلي العصايه كده ..وموترني خالص ..وانا مبعرفش افكر تحت ضغط .. بس الحمد لله اثبتها وعدت ..ولحد النهارده انا معرفش الفكره جت في دماغي ازاي لاني كنت متوتره جدا ..بس عدت الحمد لله !!

ههههههههههههههههههههه

ربنا يوفقك يابنتى

خـــــــــــــــــلاص ..
خلصت

اخيراااااااااا

دي يعني اهم المواقف كده اللي ينفع تتقال ..من الولاده وحتى مرحلة الاعدادي ..الثانوي بقى عاوزله برناج لوحده ..

اتمنى اني ما اكونش وجعت دماغكم وتكونوا ضحكتولكم شويه ..(ما هو ضحك ببلاش بقى )

ضحكنا بس ؟

دا انتى طلعتى عليكى مفعول اكتر من حبوب الزغزغة

في انتظار التريقات ..احم ..اقصد التعليقات

دمتم في رعاية الله

انا علقت علية كلة اهوة من غير ولا حرف واحد تريقة

لا بجد حلوة حلوة يا اميرة والله

ربنا يكرمك يارب

فى رعاية الله