كنت بتعمل ايه ؟! .. احكيلنا ..

[Rymonda]

نكمل ماشي ..



*في العيد بقى كان ليا طقوس غريبه برضو _على فكره كنت طفله قصيره جدا _ احم
كان عندنا باب كده عقبه واسع كنت بعدي من تحته .(طفله لاترى بالعين المجرده ).
في العيد بقى كانوا يلبسوني الفستان اللي بيغرقني مع العلم ان هو بيبقى اصغر مقاس.. ويشيكوني ..وشعري كان جميل ونازل على عيني (عسل عسل عسل)..مش كانوا بيلبسوني اي توكه او كلبس لانه من كتر ماهو سايح مكنش حاجه بتثبت فيه ..(نمسك الخشب)

وطبعا العيد في السعوديه غير العيد في مصر .. هناك كان بيبقى هدوء اكتر من الدوشه اللي بتبقى هنا ايام العيد..

لازم اولا كنا نروح على محل لعب ع الصبح كده اشتري كل اللي نفسي فيه (ماهو عيد بقى )..وبعدين نطلع على اي حديقه او منتزه نقضي اليوم هناك..كنت علطول بقى في العيد الف في الحديقه (حاجه قصيره كده بتجري شبه الكوره)..
والعيال السعوديين بقى ماسكين في ديلي (احم احم )..وبييرددوا ورايا بقى المشعوذات اللي كنت بغيها وهما مش فاهمين انا بقول ايه اساساً..كنت بقول (لحلب بالعيد )على اساس ان هي مرحب بالعيد ..ههههههههههههههههه



* يوم بقى لما جيت اتصور اول صوره اللي هي هيقدمولي بيها في الحضانه .. دا كان يووووووووووم..بعيد عنكم انا روحت للمصوراتي من هنا والراجل كان هيقتلني ..مش عارف ياخد الصوره نهائي لاني كنت منفجره في الضحك عكس باقي الاطفال بيبقوا خايفين وبيعيطوا وكده .. لحد ما بابا .راح مزعق فيا برضو مهديتش قوي ..وراحوا واخدين الصوره ..وطالعه فيها وشكلي كاتمه الضحكه ..كل اللي يشوف الصوره دي يضحك


*اشترولي كل حاجه بقى للروضه (الحضانه يعني).. كانت روضه خاصه .. نضافه يعني ..وجبت بقى اليونيفورم والشنطه والجزمه وظبطوني بصراحه ..وروحت اول يوم وكعادة الاطفال في اول يوم حضانه ..العياط اشتغل وكل العيال اللي حواليا كده..وكلهم طبعا سعوديين يعني كانوا بيفهموا كلامي بالعافيه ..والمهم ضحكوا عليا بشويه شيبسي وبيسكويتس وهبل كده (عيله بقى )..ونسيت ماما وبابا وجدو كمان اصل اللعب كانت هناك بالهبل .. قعدت العب بقى وعيشت ..

بجد الروضه دي كانت جميله جدا ولسه فاكرها كويس لحد دلوقتي ..حتى غرفه الاسعافات ..يا ما نمت فيها ..

لسه كمان حافظه النشيد الوطني اللي كنا بنغنيه ..

وكان علطول في حفلات بصوره مستمره في الروضه دي ..ولازم كل حفله

اجيب فستان جديد معرفش ليه ما كل الاطفال كانوا بيلبسوا نفس الهدوم ..
(والله نجمه من يومي)

نكمل بعديـــــــــــن