[صوت الامة]

المشاركة الأصلية كتبت بواسطة p h i l o n o i s t

ومين قال إن الموضوع ده يتحط في فلاسفة تحت التمرين ياصوت الأمة ؟
أولاً الموضوع مش حكمة وقول لا نقاش ولا جدال فيه عشان تدخل تقولي عندك حق وآميين
لاء ده بيبقي فيه محور خلاف زي ما انت شايف فوق
إنما اللي علمه جد استاذ عصام له ؟
هقوله اللي عملهولك جدك غلط
لاء والله انا مدخلتش الموضوع
ولو دخلته متأكد إني هلاقي
" فعلاً .. شكراً يااستاذ عصام .. جميل الموضوع بجد .. ربنا يجازيك خير .. مشكور .. مستنيين القادم "

لذلك فده بيُعتبر نوع من أنواع الحكمة
وعموماً ما إلي ذلك مش محور نقاشنا
بالنسبة للعبارة بتاعتك " إذا كان رب البيت بالدف ضارب " فدي بالنسبالي أنا لا أعتبرها سخرية
أي شئ " سخرية " لمجرد " السخرية " هو شئ مش مقبول - بالنسبالي -
لإنه بيدل علي وجهه نظر الكاتب اللي أضيق من ثقب إبره صنعت في مصر
يعني أنا مثلاً مفتكرش اني زعلت حد بمقالي
وافتكر اني قدمت مفهوم جديد للأدب الساخر او بمعني أصح وأوضح
حاولت أنوه إن الأدب الساخر مش هوا اللي انتشر دلوقتي انتشار إنفلوانزا الخنازير

شكراً يا صوت الأمة وأتمني إن موضوعي ميبقاش مضمار إننا نوجه للناس نوع من الإهانه او التجريح
او التلميح المؤذي
شاركنا دايماً برأيك

معلش يا اساذ احمد عايز اسال سؤال
اولا واقسم بالله ان الموضوع من اجمل وافيد المواضيع الى قرائتها فى الفترة الاخيرة هنا فى المنتدى
بس معلش برضه
السؤال بيقول
هل الموضوع دا نقاشى ولا فلسفى بيحمل فى معناه و فى المقام الاول نظرة فلسفية بحته ولا لا؟
وبالنسبة لموضوع الاستاذ عصام
اه تقوله جدك غلط لو قريت الموضوع
انما الردود الى حضرتك علقت عليها دى برضه بتعبر عن وجهت نظر صاحب الرد
ومنقدرش نحكم عليها بحكم مطلق وهى مجاملة للاستاذ عصام

معلش أرد ع نقطة كده عشان ننهى الموضوع ده
مش انا اللى نقلت الموضوع ..شيرين نقلت برأى منى مش اكتر
-الناس فكرت كلامى دفاع عن نفسي ومش انا اللى نقلته بس عادى كنت هنقله بدام ده الصح-

بس فى مشكلة هنا
هى مشكلة ان نقدك غلط
هل انا المفروض حد ينقدنى عشان نقلت موضوع لمكانه الصحيح-وده محصلش بس بفرض-؟
طبعاً غلط .. والعمليه هنا خاضعه لوجهات نظر .. مش اى موضوع بردو بيدى حكم ننقله لو كان فى ناس بتتناقش
ولا ايه ؟
وده طبعاً بعيد عن الموضوع ده لان هنا الموضوع نقاشي فى المقام الأول والأ خيركفايه العرايض اللى بتتكتب فيه

اولا الاموشن دا يعتبر نوع من انواع النقد الساخر لانه ليس له مجال بيننا الان
ثانيا بالنسبة لاول نقطة فى كلام حضرتك
روحى كدا قسم صوت الاعضاء حتلاقى رد فى موضوع الاستاذ عصام تقريبا ودا الى انا فاكره
ان الاستاذ محمود طه قال ان حضرتك الى نقلتيه
فا بناءا عليه تم بناء كلامى
بالنسبى للجزئية التانية من كلام حضرتك
اه المفرو ان فى حد ينقدك علشان نقلتى موضوع
لانك مسئولة وكل مسئول لابد من نقد يقيم شغله
يعنى على كدا مينفعش اننا ننقد الحكومة على انها الحكومة ولا ايه ؟
جميل انك قولتى انها تحمل وجهات نظر ووجهات النظر الخاصة بالطريقة الفلسفية تعتبر قمة الفلسفه
و مين قالك ان القسم بتاع فلاسفة تحت التمرين لا تخضع فيه اى مناقشات فى المواضيع
يعنى برضه ينفع اننا نناقش الموضوع هناك
ومش كل موضوع يتقال فيه عرايض يبقى يتساب فى العام ولا ايه
ملحوظة انا لا اعرف اى منكم
وكلامى بناء على وجهت نظر
لكم ان تاخذوا بها ولكم الا تاخذوا
ولو حد شايف ان كلامى غلط يتفضل
وانا لا اهين ولا اجرح لاى شخص
لانه لا يوجد بينى وبين اى شخص شئ يستحق انى اجرح فيه او اخسر عداوته وصداقته