[Dr. Hoda Ahmed]

خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه ..
(حب = جواز) ...
و ليس ( حب = جواز + لما تُفرج )
و ليس (حب = جواز لما أمهد لأهلي)
و ليس (حب = جواز + بس لما نخلص الكلية ربنا يسهل)
مش لسه قدامك كتير لحد ما تكون نفسك و تجيب الشقة و المهر و اللذي منه .. !!!
لو مش في إيدك دلوقتي الجواز .. يبقى أحسن لك (تنسى يا عمرو) و تخليك يا (عمرو ذكي) و لا تتعلق بالوهم ..
هتقول لي هتقول لي دي (عروسة لُقطة) و مش هلاقي زيها بعد كده و و الله ناوي بجد ... هقول لك ماشي , النية عندك (دلوقتي) بس انت مش عارف الظروف (بعد كده) هتبقى شكلها ايه ؟؟ الظروف دي في المستقبل هتسمح للعلاقة إنها تكتمل في صورة زواج و لا لأ ؟؟
ممكن أهلها لا يصبروا .. ممكن انت حالتك تبقى أسوأ أكتر و تبقى عطلتها معاك , ممكن حاجات كتيرة ...
يبقى الأسلم إنك ما تفتحش قلبك غير لما تبقى قادر (الآن) و ليس (في المستقبل) إنك تفتح بيت ,
......