[Dr. Hoda Ahmed]

المشاركة الأصلية كتبت بواسطة aliweeka1

فى فرق ان حضرتك تكره الوطن غير لما تكره اهله

لو العيب فى حد هو فى الشعب وده مش ذنب الوطن اللى بيحميك وانت عايش فى خيره وعلى ارضه

لكن تفرق لو حضرتك مضايق من شعبه شعبه هو انا وانت وغيرنا كتير

اه فى ظلم الظلم موجود فى كل مكان ولولا كده ما كنش فى جنة ونار
لكن فى فرق لما احنا بايدنا نسوء صورة مصر امام غيرنا بحجة ان بلدما مش عجبناه
فيها بطالة ومفيش شغل ولا سكن

مين اللى قال مفيش سكن السكن موجود لكن مفيش فلوس ؟
طب ليه مفيش فلوس اصل الشباب مستنى الحكومة تجيبله الوظيفة طيب ما لو انت عايز تشتغل اعمل اللى عليك وربنا هيساعدك مش هيسيبك

لو عايز تعلق شماعة الفشل اللى الشباب فيه واليأس وعدم الالتزام فأنت ممكن تعلقها على الشعب اللى بيتكلم ويصدق نفسه

يفضل يقول انا فاشل مش لاقى شغل لحد ما يحصل كده بجد

لا علماء النفس بيقولوا ان كل واحد لو بدأ بنفسه هيعرف يوصل للحل بسهولة

صدقونى لو العيب فى حد مش فى بلدنا بلدنا اجمل بلد فى الدنيا

لو عايزين نبدأ كل واحد يبدأ بنفسه باصحابه باهله
ونبقى نشوف النتيجة


سؤال هسأله لكل اللى بيرد فى الموضوع


انت عملت ايه لبلدك علشان تطلب حقك

زى ما ليك حق عليك واجب فين واجبك اللى عملته عشانها بأمانه وبصدق عملته ايه لبلدكم

وايه هو الوطن اللي أنا اتكلمت عليه ؟!!!
قلت الوطن عبارة عن شعب ونظام يحكمه !!!
لو كنتي قريتي الموضوع من بدايته , كنتي عرفتي
انني لم أتحدث عن تراب الوطن لأن التراب لا بيصد
ولا بيرد .
اما بخصوص ما فعلته لبلدي فلقد تعلمت وتخرجت من الجامعة وبشتغل والحمد لله وبشتغل بضمير وبما يرضي
المولي عز وجل .
وديني بيأمرني بمعارضة ومحاولة تغيير المنكر , والبلد
اللي هي النظام والشعب ومش التراب , غالبيتها علي المنكر .
وحق البلد عليا اني منهبش الناس ولا أستولي علي ما ليس لي حق فيه , وأن أقوم بعملي كما يبنغي .
وقد قمت أنا وغيري بهذا , فأين حقنا علي البلد ؟!!!
ولا هو الحق بيبقي من جانب واحد فقط ؟؟
فين الفلوس اللي تشتري شقة ؟؟
فين المواصلات اللي تنفع لبني أدم ؟؟؟
فين المرتبات اللي تتوازي مع الارتفاع الجنوني في الأسعار؟!!
فين العلاج المتاح للمواطنين ؟؟
أقول جاحات تانية ولا كفاية كده؟؟[/quote]

كل الخدمات دى موجودة يمكن صحيح مش بالجودة المطلوبة واللى الكل بيدور عليها او يتمناها بس موجودة


لو على السكن طب ما فى شقق الدولة بتقدمها وبتكون باسعار كويسة وعلى ما اعتقد كمان بالتقسيط المريح

لو على الشغل طب ما الحمد لله المعظم بيشتغل ما هو مش الاف بيتخرجوا كل سنة وتقولى لازم الكل يشتغل

طيب فى مصانع ومدن جديدة لكن احنا اللى مش عايزين نطلع منها


هتقولى على المواصلات والله معظمها كويس يعنى هيقضى الغرض وبعدين شوف الشعب المصرى كام مليون هيجيبوا لكل واحد عربية يعنى


لو المشكلة فعلا هى مش مصر هى سوء توزيع مواردها

والله مصر فيها خيييييييييييييييييييييير كتييييييييييييييييييير محتاج اللى يعرف يستغله صح

وبعدين الخير فى الشباب كل واحد عايز يصلح بلده وشايفها وحشة

يصلح هو فى مجاله يعنى لو مدرس يحاول فعلا يكون نموذج طيب ولو شاف حاجة مش طيبة يصلحها

او ينصح المدرسين يبطلوا جشع ويحسوا بالاهالى شوية

ولو طبيب يحقق اللى كان بيقول عليه لما ابقى طبيب هخدم بلدى واهلى ومش هاكون مستبد


لو الدكتور راعى ربنا فى عمله واشتغل بضمير طيب ما المستشفيات كده هتكون كويسة

ولو المدرس راعى ضميره المدارس هتغنى عن الدروس

ولو التاجر راعى ربنا فى اسعاره مش هيكون فى غلا

ولو السائق راعى ضميره المواصلات هتكون احسن

يااااااااااااااااااه خذ على كده كتير كل واحد فى بلدنا لو اشتغل بجد وبضمير مش هتكون فى مشاكل خالص وما حدش هيشتكى

صدقنى المشاكل دى موجودة فى كل بلد مش فى بلدنا بس

طيب يعنى الواحد بيكون مبسوط لما يكون دكتور هنا ويروح يغسل اطباق هناك علشان الفلوس

انت لو فشت احصاءيات انتاج بلدنا مش هتصدق

وبعدين كل مشكلة وليها حل

احنا تعبنا اوى علشان ترجعلنا بلدنا من ايد المستعمرين
عارف الشعب المصرى ده استحمل ادايه
مصر كانت ملطشة لكل الدول الاستعمارية

فنحمد ربنا اننا لسه عايشين فى حمايتها واننا ما عصرناش الاحتلال ده

كفاية الامن والاطمئنان فى بلدنا

هتقولى الشرطة بتعمل وبتعمل مش كله لو فى وحش فى حلو

بلاش نبص لكل حاجة من الجانب الوحش وبس