اقتباس:
المشاركة الأصلية كتبت بواسطة abdelrhman772007
الجزئية ده كانت مشروحة فى الكتاب القديم نظريًا
و احنا على ما أتذكر واخدينها فى تالتة اعدادى نفس الكلام
بس اتشال الكلام ده لأن مش هتاخد المعانى الفعلية إلا فى الكلية
بس سواء فى تالتة اعدادى أو تالتة ثانوى كانوا بيشبهوا الكهرباء بالمياه
يعنى
فاكر تجربة بويل حضرتك كنت بترفع الأنبوبة و تخفضها و كان الزئبق دايمًا بيبقى فى مستوى واحد
عشان فكرة الأوانى المستطرقة
طب الكلام ده بيحصل ازاى ؟
لما حضرتك هترفع الطرف الأيمن الزئبق فيه هيبقى أعلى من الشمال
أو فرق الجهد فيه أعلى و النتيجة التيار هيسرى منه لحد ما الاتنين يتساوا فى الجهد أو الارتفاع يعنى !
طيب بس كده أمال البطارية بتفضل شغالة ازاى ؟
أقولك فيه بعض الكتب بتشبه البطارية بالطلمبة يعنى بترفع المياه عشان تسرى فى الدايرة
و فيه ناس بتشبه البطارية ب الخزان اللى فيه مياه أو فرق جهد عالى و شغال يونفيرسال على آخره
لكن أقرب تشبيه و أظن ده اللى هيعجبك ( ياااا رب )
النافورة
المياه ده هى الاليكترونات و فيه ماتور هنعتبره البطارية اللى بيعملنا فرق الجهد فبيخلى المياه تنط لفوق
و بعدها المياه تنزل الخزان تانى و الماتور يرفعها و هكذا
و كده عملنا دايرة بيلف فيها تيار الماء
شبهها بقى الدايرة الكهربية
الماتور هو البطارية
المياه هى الاليكترونات
المواسير هى سلوك التوصيل
الماتور بيعمل فرق جهد بين طرفيه فبيسبب اندفاع الماء
الجهد بقى
احنا قولنا الماتور هيعمل فرق جهد 5 يعنى مثلاً الأيمن جهده 5 و الأيسر جهده صفر أو -لمعلوماتك- ( زى الأرضى )
القوة الدافعة الكهربية ده بقى درس عليك فى الكهربية ذاكره أنت بنفسك
بالنسبة برده لسؤال يمكن يكون خطر على بالك ( أو بال حد تانى )
فى أول الباب بيقولك تيار اصطلاحى و تيار اليكترونى و عكس بعض
و إن شاء الله لما توصل للاليكترونيات هيبقى فيها حاجة اسمها اليكترونات و حاجة اسمها فجوات holes
الحكاية ده تشبيهها بسيط جدًا
هات ازازة فى يها مياه و اخرم الغطاه بإبرة
اقلب الإزازاة و اضغط عيها ايه اللى هيحصل ؟
قطرات ماء هتنزل لتحت ( تيار اليكترونى )
و فقاعات هتطلع لفوق ( تيار اصطلاحى )
==============
امممم مش عارف أنت كنت عايز توضيح زى كده و لا حاجة تانية ؟
و فى الآخر فهمت و لا ايه
و اسأل فى أى حاجة مش فاهمها فى المنتدى الناس هنا ما شاء الله مولعينها
و بالتوفيق يا جميل
|
بالظبط كلامك هو ده كان نفس شرح الاستاذ
تمثيل الكهرباء بالماء ونفس اللى ينطبق عليها ع الكهربية
جزاكم الله خيرا وهذا خير توضيح