اقتباس:
المشاركة الأصلية كتبت بواسطة Eng Khaled Zakareya
<b> بالنسبه للمشكله الاولى فدى مش حقدر اتكلم فيها اوى لانى كنت (( ألمانى )) بس طالما انتى متفوقه فيها ومقفلاها يبقى ازاى كارهاها عايزه تقطى الكتب و و و ... ممكن تكون بس دى حاله كده انما لو انتى كارهه الماده عمرك ما حتحلى فيها ولا تقفلى امتحانها يستحيل ... هى بس وساوس لا اكثر صدقينى
ويا ريت حد اخد فرنش يفيدك اكتر منى
جزاكم الله خيراً
المشكله التانيه : ما شاء الله مجموع التيرم الاول جميل جدا ومتميز ( وده ومكنتيش بتزاكرى اوى او فتحتى المنهج ليله الامتحان ) يبقى فين المشكله من الاساس
( متحطمه وتعبانه نفسيا ومخنوقه ) ليه ليه ليه ده كله ومن ايه .. اولا مجموعك عال يعنى درجات كويسه يعنى المفروض تنبسطى وده يشجعك للتيرم التانى انك تكونى اعلى كمان وتتفوقى اكتر مش تحبطى
حكاية المجاميع والدرجات دى مش فارقة معايا الا عشان اهلى بردة وكلام الناس ده البنت دى متفوقة ازاى؟؟ متجبش والزن اللى بيشتغل ونظرة المدرسين ليا وممكن اتعرض لاضطهاد انى خيبت املهم ....
بصى حقولك على حاجه حته ان الواحد مش بيتعلم فى الكليه وان بنتخرج وبنلغى كل اللى اتعلمناه فيها ( ده صحيح ) بس هو ده حال البلد .. حنعمل ايه طيب ؟
فعلاً...ربنا باذن الله يصلح الحال وعندى امل ان مصر تبقى احسن
على فكره لو انتى حابه مجال تانى غير الكليات دى لا تتردى واسعى ليه عشان تتفوقى فيه ومتبقيش زى الاف الدكاتره والمهندسين اللى دخلوها لمجرد بس " كليه قمه "
اه الواحد بيبقى عايز مركز وقيمه برده بس مثلا مثلا يعنى واحد اصلا ف الرياضه مش حلو وكارها بس مجموعه جاب هندسه فدخلها رغم انه مش حابب رياضه فساعتها كان احسنله يدخل كليه هو حابب مجالها عشان يعرف يمشى فيها ويتفوق فيها ... وقيسى على كده بالنسبه لباقى الكليات مش طب وهندسه بس
انا نفسى مش عارفة انا عاوزة ايه ؟؟! فى كليات كتير عاجبانى فى العلمى يعنى الهندسة حلوة بما انى بحب الرياضيات والمجموعة الطبية حلوة بردة وبما ان رغبة اهلى شبه موافقة معايا انى يارياضة ياعلوم ...فخلاص حددت علوم وكمان هصلى استخارة باذن الله ....
انا حاسس من كلامك انك مهزوزه جدا يعنى انتى ما شاء الله عليك متفوقه لانك بتاخدى منهج 2 اللى كان ثانويه عامه وما شاء الله باقل مجهود جايبه درجات كويسه .. طب ليه الخوف والقلق والاحباط .. لا ده انتى تتشجعى فى 3 انك تجيبى اعلى واعلى
ولا تفكيرك متخلف ولا حاجه ده القلق الطبيعى العادى بتاع اى حد فى المرحله دى
فعلا مهزوزة !! بس الحمد لله النهاردة احسن من انبارح والاسبوع اللى فات كله الحمد لله
ثقى فى نفسك أكتر من كده شويه إنتى داخله السنه الجايه على ثانويه عامه ( أكون أو لا أكون ) عايز ثقه انتى كويسه وشاطره اهووو وباقل المجهود بنلاقى نتيجه كويسه جدا اومال بقى لو زاكرنا جامد يبقى حنلاقى مجموع كويس جدا جدا فى 3 ان شاء الله
عند حضرتك حق ..ربنا يكرمك
متوهميش نفسك بحاجات مش موجوده ثقتك بربنا اهم حاجه صدقينى
ربنا يوفقك ان شاء الله </b> |
بجد والله متشكرة جدا ...الكلام ده ادانى دافع او امل شوية
eng khaled
معلش انى خبطت فى الهندسة شوية بس طبعا مش كلهم يعنى قلما وان شاء الله تحقق تفوق فى الهندسة وتبقى بداية الجيل المبدع اللى هيحقق لمصر تقدم ونهضة
آسفة انى تعبت حضرتك معايا
ربنا يوفقك يارب