اقتباس:
المشاركة الأصلية كتبت بواسطة rudfa
والله شئ مشرف جدا إن حضرتك شغوف بعلم البيوتكنولوجي .. انا برضه طالب في علوم المنصورة وقريت عن العلم ده كتير جدا وبقيت متحمس جدا لدراسته .. وناوي بإذن الله احول لقسم بيوتكنولوجي اللي عندنا في الكلية (بمصاريف) .. علم البيوتكنولوجي علي حسب ما كل الطلبة اللي سألتهم سواء اللي اتخرجوا او اللي حضروا فيه دراسات عليا قالولي إنه علم شيق جدا وممتع .. محدش تقريبا شتملي أو قالي إنه قسم مش حلو .. يمكن كانت غلطتك في البداية إنك قررت ترضخ لقرار اهلك وتدخل كلية مانتش مقتنع بيها .. موضوع تحول وتسيب تمريض عشان تحول لكلية أو قسم بيوتكنولوجي .. دي هتكون خطوة كبيرة جدا واعتقد لازم تعقد فيها مع أهلك تتناقشوا معاها .. بس شوف كلية تمريض مش وحشة أوووي للدرجة دي وان كنت زعلان من التريقة اللي بتتعمل عليكم .. احنا برضه في علوم بيتريقوا علينا ويقولوا علينا مدرسين وفنيين .. وفي صيدلة بيقولوا عليهم بقالين .. وفي طب بيقولوا عليهم حلاقين .. وخريج هندسة بيتقال عليه صنايعية .. يعني كله محصل بعضه .. ده غير أصلا ان نظرة المجتمع اتجاه كلية التمريض بدأ يتغير بشكل كبير في الفترة الأخيره .. وخد بالك إن علم البيوتكنولوجي ده طريقة طويل وشاق جدا .. وهيحتاج تقريبا منك دراسات عليا بعد التخرج .. فمن رأيي ونصيحتي انك ترضي بما قسمه الله لك (وعسي ان تكرهوا شيئا وهو خير لكم) ... محدش عارف الخير فين .. فأنا رأيي أنك تكمل في تمريض وخصوصا انك تفوقت فيها وجبت جيد جدا .. إلا إذا كنت شغوف جدا بعلم البيوتكنولوجي فعلا .. ساعتها هتبقي بتظلم نفسك في تمريض .. لإنك ساعتها هتفضل تعيييش بقية حياتك في وظيفة مش حاببها .. وانصحك تصلي صلاة استخارة وتشوف قليك هييرتاح لإيه .. معلومة اخيرة عايز اقولهاك انك متقدرش تخش كلية علوم طول ما كان تنسيقك في سنتك مش جايبها .. لما بتيجي تخش أي كلية بتخشها علي حسب تنسيقك في السنة بتاعتك مش في أي سنة تانية .. وبتمنالك التوفيق .. ولو في أي سؤال تاني انا تحت أمرك
|
احب اشكرك في البداية علي اجابتك واتمني ان ربنا يوفقك بس انا عندي سؤال مهم انا مجموعي يجيب علوم العريش والوادي الجديد فهل ينفع اعمل اغتراب واروح هناك ولا لأ واتمني ان تتأكد من اجابتك قبل الرد وبعدين انت قولت انك تعرف ناس في قسم البيوتكنولوجي فممكن تقولي ما المواد الدراسية اللي بيدرسوها وهل بيكون في تخصص في البيوتكنولوجي ولا ايه خصوصا ان البيونكنولوجي يدخل في مجالات مختلفة: المجال الطبي والمجال زراعي والمجال الصناعي معلش اتعبك معايا بس انا هكون شاكرك ليك جدا حتي لو مقدرتش تجاوب علي الاسئلة يا صاحبي بالمناسبة انا معرفش اسمك