[هانى الشرقاوى]

بصراحة الموضوع أبسط من كده بكتير
اسمحولى أجاوب رغم انى مقاطع المنتدى دوت من زمان ونادر لما برد على موضوع له علاقة بالدين بسبب المشاكل اللى حصلت زمان معايا واتبهدلت بسببها لحد ان عضويتى طارت

الانسان مخير وتقريبا كلنا متأكدين من كده بس الاختلاف بسبب موضوع القضاء والقدر واللوح المحفوظ والحاجات دى .....ومع كده الموضوع سهل جدا
ربنا خلقنا وحملنا أمانة وساب لينا حرية الاختيار حتى فى عبادته (من شاء فليؤمن ومن شاء فليكفر ) بس اسمحولى أضرب مثال
لو مثلا فيه راجل عجوز وعنده ولدين ولد ممتاز وأخلاقه كويسه والتانى شقى شوية أو بمنعى أصح بايظ والراجل ده ادى أولاده دول كل واحد منهم مقدار من المال ....أكيد الراجل ده قبل ما يدى المال ليهم هو عارف كل واحد منهم حيصرفه في ايه هو ده بالظبط موضوع القضاء والقدر ما فارق التشبيه يعنى ربنا خلقنا وترك لنا حرية الاختيار فى كل حاجة بس هو بقدرته عارف من قبل ما يخلقنا كل واحد فينا حيعمل ايه ودونه فى اللوح المحفوظ بحيث ما فيش واحد يخلف اللوح دوت .....
يا رب أكون وصلتها لحضراتكم