[شموخ مسلمة]

المشاركة الأصلية كتبت بواسطة ***star***

السلام عليكم/

اول حاجه اشكرك علي الموضوع الأكثر من رائع....

ثانيا احييكي علي المقوله الجامده دي ...بجد دخلت دماغي جداااا....

ثالثا بقي انا ياما غلطت في حياتي....وكل غلطه باخد منها خبرات كتيره بتفيدني مستقبليا...ولما اغلط بعترف بغلطي ادام اي حد...وبحاول اصلحه... ميهمنيش الناس تقول عليا ايه....اهم حاجه اني اكون واثق من نفسي .... هيقولو عليا مجنون او يتكلمو عليا وحش...طيب ماللي يتكلم يتكلم....كلامهم بالنسبالي صفر علي الشمال.... واكره اوي الأنسان اللي يغلط وميعترفش بغلطه او يتكابر...وياما قابلت ناس فيهم الصفه دي...وكنت اما مالاقيش منهم مفر انهم يغيرو من الصفه دي فيهم....بعمل نصيبه فيهم واوقعهم في غلط ادام الناس غصب عنهم....وبأضطر اني اكشف غلطهم ادام الناس وادام نفسهم ...وده طبعا يمكن يغير فيهم بعض الشئ من الصفه دي.....واعز اوي الشخصيات الجريئه ....


اولا واخيرا جزاكي الله كل خير علي الموضوع الجميل

و جزاك كل خير ع ردك الاجمل

المشاركة الأصلية كتبت بواسطة Alias&Buffy

فهمتك

لا و الله كنتى كمان عايزة مش تفهمينى:abdoog8:
ههههههههههه
نورتى يا ناسوم
ردك تحفة

المشاركة الأصلية كتبت بواسطة بنت الاسلام*

جميله اوي الجمله دي فهمتها
تسلم ايديكي ياقمر
موضوع جميل جدا

و تسلمى يا قلبى ع مرورك الاجمل

المشاركة الأصلية كتبت بواسطة احمد فاروق1991

شكرا على الموضوع بس للاسف فى ناس غلطتها الوحيدة انها مش قادرة تبعد عن الغلط

مانقدرش نقول غلطتها الوحيدة انها مش قادرة تسيب غلطها
لانها اصلا غلطت
ممكن نقول اكبر غلطة ليها انها مش قادرة تسيب غلطها
مع انى اختلف معاك
فى ناس بتبقى فعلا مش عايزة تسيب الغلط ده حتى لو بتحاول تقنع نفسها انها عايزة تسيبه
بس برده باى حال من الاحوال لازم الانسان يحاول مع نفسه يسيب غلطاته
لان ربنا مدينا كلنا قدرة اننا نسيب اخطاءنا
بس اللى عايز
و اللى يقرر

نورت الموضوع

المشاركة الأصلية كتبت بواسطة هنا الفقي

السلام عليكم و رحمة الله و بركاته

ازيكم يا جماعة ايه اخباركم ؟

يارب تكونوا بخير

و ايه اخبار الكليات

يارب تكون برده بخير

ادخل بقى فى الموضوع

كلنا لينا حاجات عملناها زمان او من شهر يمكن من اسبوع

لا لا ده انبارح

عملنا حاجات غلط-الغلط حاجة نسبية بتختلف من شخص للتانى-

عملنا حاجات غلط فى حق ديننا أو فى حق نفسنا أو فى حق اهلنا أو فى حق بلدنا

المهم اننا غلطنا

السؤال بقى

لما بنغلط بنعمل ايه؟؟؟؟

هل بنفكر فى الغلط

طيب لو فكرنا بنفكر عشان نلاقى حل و نصلح الغلط ده ؟

و لا بنفكر عشان نعقد نفسنا و خلاص بقى احنا اصلا فاشلين و ........الخ

اوك..........
اولا انا من الناس الي هما مدمني تفكير فكل كبيرة وةصغيرة
فلما بغلط بفكر هل اللي انا عملته ده غلط عشان هو فعلا غلط ف الدين وضد الخلق والقوانين وما الى ذلك ولا هو صح اصلا بس غلط من وجهه نظر المجتمع بس
وعلى اساسها ببدا اخطط باسلوب بسيط جدا اني اصلح الغلط ده

هل احنا كجيل شباب عندنا المرونة اللى تخلينا نتعلم من خطانا او اخطاءنا و نكمل حياتنا و ننجح

و لا
ايوووووووون عندنا

مادام غلطت يبقى انا انسان مش استاهل و انا اصلا فاشل
لادي ولا دي
مادام غلطت يبقى انا انسان
انسان وبس

طيب لما بتعمل حاجة معينة غلط و ترجع تانى صح و تقع تانى فى نفس الغلط

هل بتفقد ثقتك فى نفسك
لا ماهو مش ممكن يعني
اصل ..لا يلدغ المؤمن من جحر مرتين

و لا هتتعلم برده

و كل ما نقع كل ما نتعلم اكتر

المهم نبقى صح

طيب لو غلطت و اللى حواليك كرهوك فى نفسك و فى حياتك و بيحاولو يفقدوك ثقتك فى نفسك

هل هتستجيب لده

و لا هتبقى لواحدك ..انت عارف نفسك ..و هتتعلم ..و هتنجح
مش مهم تتكلم عني وحش او حلو المهم انك طالما بتتكلم عني يبقى انا حد مهم
وعشان انا مهم يبقى لازم اكون محبوب وعشان اكون محبوب لازم اتصرف صح ف كل حاجة
وعشان اتصرف صح ف كل حاجة لازم افكر صح
وعشان افكر صح يبقى لازم اقتدي بالرسول واتعلم منه الصبر والتفاؤل

سؤال برده

هل انت بتطالب الناس انهم يثقو فيك و فى قدراتك ع تجاوز اخطاءك

مع ان انت اصلا مش واثق فى نفسك؟
احيانا بكون مش واثقة ف نفسي لسبب ما لكن من سابق تعاملاتي مع الناس فالكل ولله الحمجد الى حد كبيير بيثقوا فيا

طيب اخر سؤال

هل احنا بنبص لخطانا انه نهاية الصح و لا بداية الصح؟

انه بداية الصح وعشان استمر ف الصح ده لازم استمر ف اني اخطئ ف حجات تانية واتعلم منها واكمل الصح

اخر حاجة هختم بيها

جملة قراتها عجبتنى اوى

"اذا كنت تسير ع خطة الأمس فانك فى الغد ستصل الى اليوم"

الحدق يفهم

تمام يا فندم

ردك بجد ممتاز يا هنا

نورتى الموضوع ياقمر

المشاركة الأصلية كتبت بواسطة dr.saeed

وعليكم السلام ورحمة الله وبركاته
[/font][/color]

المشاركة الأصلية كتبت بواسطة dr.saeed

[/center]

اولا نيجى للكلمة ذات نفسها
فيه حاجات اصلا مش غلط وبنقول عليها غلط
اولا انا فى رأيى اى حاجة مش بتخالف شرع الله ورسوله تبقى مش غلط
وان كانت منافية للعادات
بس بردة انا مع رأى شيخ الاسلام ابن تيمية لما قال قاعدة شرعية ان لو كان حاجة معينة معروفة انها غلط وانها من سمات اهل الباطل ينبى على الفرد اجتنباها
انما الغلط انواعه محدودة وبعد كدة تفصيله كتير
فيه بمعنى اصح الذنوب
لان الله لا يكلف نفسا الا وسعها
وكل ميسر لما خلق له
واى ذنب الواحد بيعمله فى حق ربنا بيكون غلط كبير جدا
لانه معصية للعظيم
تانى حاجة الى هى الغلط فى حق العباد انفسهم
ودة ربنا مش بيغفره غير لما صاحب المظلمة ذات نفسه يعفو عن الى ظلمه او بهته او اغتابه او.....الخ
بس ازاى بنفكر؟
كل غلطة وليها تفكيرها
هاتكلم عن نفسى
لما بغلط اولا بحدد اشمعنة الغلطة دى جات فى الوقت دة
وايه الى مختلف فى شخصيتى الفترة دة عشان اقع فى الغلطة المعينة دى؟
وهل الغلطة دى وقعت فيها بشكل اكبر من مقدورى ولا فعلا انا كنت اقدر اتحكم فى نفسى
لو كانت اكبر من مقدروى تبقى بردة الغلطة دى منى انا
لان انا الى خليت مقدورى فى هذة الحالة اقل من تحمل واجتناب المعاصى او الغلطات بشكل عام
والتفكير مفروض فى رأيى يكون على الاسس التالية
اولا سبب الغلطة
ثانيا ايه الى اتعلمته لما وقعت فى الغلطة دة
ثالثا هل عقلى وقلبى كانوا على قدر غير كافى من المرونة والتعمق والفهم والتوقع عشان اقع فى الغلطة دى ولا شخصيتى خلاص بقت جامدة وغير متقبلة لكل جديد فى الواقع
رابعا هل لو حصل نفس الموقف هاقدر اتعدى الغلطة دى او هعالجها فى طريقى ولا ايه نظام تفكيرى
بس الى لازم افهمه ان الغلطة احملها الجزء الاكبر منها على نفسى
حتى لو كان فيه ظلم لنفسى
لان فى الاخر لو الغلطة كانت منى يبقى الحساب عليا انا
وكل واحد شاركنى فيها له بردة نسبه منها بس الفرد يعطى لكل شىء مقداره عشام مش يقلل من خطأه يقوم واقع فيه تانى
بس اهم حاجة
هل قبل ما اقع فى الغلطة دى كنت حاسب الموقف ومتوقعه ولا كنت مندفع فيه؟
اما الى بيفكر عشان يقول انا فاشل
يبقى تقريبا دى امنيته

كل جيل وله مميزاته وعيوبه
ومن المعروف بتتابع الاجيال بتزيد الخبرة لدى الاشخاص المهتمين بالواقع وبيقل الخير وبيكثر الغلطات وخاصة الغلطات الى بتعم الجميع
بس اغلب الجيل الحالى غير متحمل للمسئولية تماما

لا يلدغ المؤمن من جحر مرتين
لو انا فعلا عقلى دة دايما شغاليبقى المفروض الغلطة دى مش تتكرر مرتين
او تلاتة
ولكن لو وقعت فيها تانى
يبقى حاجة من الاتنين
يا الا انا عديت الموقف عادى خالص
يا الا انا فكرت بشكل قاصر على المشكلة والغلطة دى
طبعا معاكى المهم نبقى صح
بس العذر كدة بيقل مع تكرار الغلطة
اما فقدان الثقة دة انا لاغية تقريبا
واثق فى قلبى ماشى
بس معتقد تمام الاعتقاد ان الله يحول بين المرأ وقلبه كما ذكر فى القران الكريم
وفى نفس الوقت ذكر فى الحديث القدسى ان من وجد خيرا فى اعماله فليحمد الله ومن وجد غير ذلك فلا يلومن الا نفسه
نجمع الاية والحديث القدسى نعرف ايه فكرة الربط بين العقل والقلب وايها السيد والسائد

اصلا مش هاسيب لهم فرصة انهم يكرهونى فى نفسى
لان بردة مؤمن تمام الايمان
ان ما من مؤمن الا وله ذنب
يجتازه الفينة بعد الفينة
بس الى فيها انى ابعد عن المحبطين
واروح للناس الى بتفهم
علماء شيوخ ناس كبيرة فى السن
يمكن والحمد لله دخلت انا رغم صغر سنى فى حل مشاكل منها قبل كدة مشكلة طلاق وكنت بالطبع اصغر من اصغر واحد موجود ساعتها ب15 سنة
لان طالما العقل له طريق وهدف
وكل فترة بيلاقى الهدف يتحقق ورا التانى
مع وجود طبعا بعض الابتلاءات فى الطريق
يبقى الانسان عقله وقلبه ماشيين فى وجه صحيحة بمشيئة الرحمن
وكل دة بيكون من فضل الله
ذلم فضل الله يؤتيه من يشاء
والله ذو الفضل العظيم

انا اتكلمت على موضوع الثقة فوق
بس لازم اعرف حاجة قبل كل دة
ان اعلم الناس بعقلى وقلبى الله
ثم نفسى
واى انسان بيتعامل معايا بيكون من مواقف وتعاملات خاصة شافها منى
ليس الا
ومن الممكن واليسير انى اغيرها فى اى وقت طالما الموقف كترت وتتعارض مع الشخصية المرسومة
يبقى انا عارف نفسى وعارف اسرارها كويس
انما غيرى مش يعرف حتى ايه الى بيدور فيا وانا بكلمه
طبعا كل دة من وجهة نظرى
اى كلام يؤخذ منه ويرد

حسب الغلطة ذات نفسها
وحسب وقتها ومردودها كمان
بس من رحمة ربنا علينا انها غالبا تكون بداية لتصحيح الوضع او لتصحبح الخلل
يعنى ولا اقدر اقول النهاية ولا البداية زى ما ذكر فى السؤال
انما هو تصليح اعوجاج فى خط مستقيم

زى ما بيقولوا
كل عصر وله اذانه
تعامل الشخص فى الاعدادى غير الثانوى غير الجامعة تماما عل سبيل المثال
والله الموفق
ونسيت اسلم عليكم لان دى تقريبا اول مشاركة ليا من شهر كامل
ويارب تكونوا كلكم دايما بخير
فى امان الله

عندك حق و الله يا دكتور
الله يسلمك
نورت الموضوع يا دكتور

[/CENTER]