السلام عليكم و رحمة الله و بركاته
وعليكم السلام
ازيكم يا جماعة ايه اخباركم ؟
يارب تكونوا بخير
و ايه اخبار الكليات
يارب تكون برده بخير
ادخل بقى فى الموضوع
كلنا لينا حاجات عملناها زمان او من شهر يمكن من اسبوع
لا لا ده انبارح
عملنا حاجات غلط-الغلط حاجة نسبية بتختلف من شخص للتانى-
عملنا حاجات غلط فى حق ديننا أو فى حق نفسنا أو فى حق اهلنا أو فى حق بلدنا
المهم اننا غلطنا
السؤال بقى
لما بنغلط بنعمل ايه؟؟؟؟
هل بنفكر فى الغلط
طيب لو فكرنا بنفكر عشان نلاقى حل و نصلح الغلط ده ؟
و لا بنفكر عشان نعقد نفسنا و خلاص بقى احنا اصلا فاشلين و ........الخ
انا بفكر في الغلط
واقعد اللوم في نفسي واطلع كل العيوب فيا
وده مش وحش على فكرة
احنا لو فكرنا في الحل على طول وحليناه الغلط ده هيتكرر لاننا مش عاقبنا نفسنا
هل احنا كجيل شباب عندنا المرونة اللى تخلينا نتعلم من خطانا او اخطاءنا و نكمل حياتنا و ننجح
و لا
مادام غلطت يبقى انا انسان مش استاهل و انا اصلا فاشل
طيب لما بتعمل حاجة معينة غلط و ترجع تانى صح و تقع تانى فى نفس الغلط
هل بتفقد ثقتك فى نفسك
و لا هتتعلم برده
و كل ما نقع كل ما نتعلم اكتر
المهم نبقى صح
طيب لو غلطت و اللى حواليك كرهوك فى نفسك و فى حياتك و بيحاولو يفقدوك ثقتك فى نفسك
هل هتستجيب لده
بتحصل كتير بس طول مالواحد واثق في نفسه وعارف انه هينجح وانه في الطريق الصح
محدش يقدر يأثر عليه
و لا هتبقى لواحدك ..انت عارف نفسك ..و هتتعلم ..و هتنجح
سؤال برده
هل انت بتطالب الناس انهم يثقو فيك و فى قدراتك ع تجاوز اخطاءك
مع ان انت اصلا مش واثق فى نفسك؟
اي حد مش واثق في نفسه مش هيقدر يواجه الناس عشان يطالبهم انهم يثقو فيه
ازاي وهو مش واثق اصلا انه ممكن يحوز على ثقة الناس
طيب اخر سؤال
هل احنا بنبص لخطانا انه نهاية الصح و لا بداية الصح؟
يداية الصح طبعا
لاننا لو استوعبنا الغلط كويس صعب اننا نقع فيه تاني
اخر حاجة هختم بيها
جملة قراتها عجبتنى اوى
"اذا كنت تسير ع خطة الأمس فانك فى الغد ستصل الى اليوم"
الحدق يفهم
23-10-2008, 04:31 PM
العرض الشجري
