انا مش مكتئب ....انا مبسوط وفرحان ........ما حدش يضحك عليه

[Dr. Hoda Ahmed]

فيروس وماشي في الجو ....
اقوي من كل الفيروسات اللي عرفناها لحد دلوقتي ...
علي الاقل الفيروسات التانيه اخرتها الموت يعني راحه ...
إنما ده ميعرفش راحه
كل هدفه انه يقرف اللي يتصاب به وخلاص ....
يخليه مش طايق حاجه في الدنيا خالص
لا حلو ولا وحش
لا شايف ده ولا ده ....
كل اللي بيشوفه ظلام في ظلام ....
هوه ده فيرس الاكتئاب ...
وهيه دي اعراضه ....
طيب دلوقتي ايه الحل ؟؟؟
انا دلوقتي اصابني الفيرس ده
وقاعد مش طايق نفسي
مش شايف أي حاجه حلوه في الدنيا
ومش شايف غير الحاجه اللي "منكده" عليا
مش شايف كل النعم اللي انا فيها ...
"طبعا لان الفيرس بيكون مسيطر عليا ومش مخليني عارف حاجه خالص ...."
كل اللي هعمله اني هاقول:
"انا مش مكتئب .... انا مبسوط وفرحان ...."
وهفضل اعيد في الجمله دي لحد ما اصدقها !!!!!!!
محدش يضحك عليا .... ومحدش يتريق ... الموضوع بجد ...
انا عارف ان اكيد طبعا فيه ناس كتييير مش بينفع معاها الموضوع ده
موضوع انه يعيش نفسه في خيال
وان فيه ناس هتقول انا كده بضحك علي نفسي
بس المشكله انه مش خيال دي حقيقه فعلا .....
المفروض اني مكتئبش خالص طول مانا عايش في كم النعم دي ...
المشكله اني وقت الاكتئاب بكون ناسي كل حاجه ومفيش قدامي غير الاكتئاب ...
عشان كده لازم افضل افتكر في النعم اللي انا فيها...
انا عايش في بيت كويس .....
احسن من ناس تانيه كتير ....
عايش في اسره ....
مش محروم من اهلي كلهم حوليا ...
حتي لوحد فيهم بيبعد شويه برده مش حرمني من حاجه ....
الحمد لله انا بتعلم واهلي قادرين يصرفوا عليا ...
مش مريض (الامراض اللي بجد واللي اكيد كلكوا بتسمعوا عنها )...
انا بمشي...
وبشوف....
وبسمع و......
وحاجات تانيه كتيييييييييييييييير كل ما هفتكر حاجه هقولها ....
وكل ما هكتئب هبص للنعم دي (اللي اكيد هكون ناسيها وقت الاكتئاب )....
واول ما افتكرها هقول ...
" انا مش مكتئب انا ..... مبسوط وفرحان"
لان ساعتها مش هيكون فيه حجه ليا عشان اكتئب ....
مهما كانت المشكله اللي بمر بيها مش هتكون اصعب من الحرمان من أي نعمه من النعم دي ...
وياريت كلكم تعملوا كده ....
كل واحد وقت ما يكتئب يقول :
"انا مش مكتئب انا مبسوط وفرحان

[stoof]

شكرا على الموضوع ده
وعلى فكرة انت على حق تماما كلنا لما بنكون متضايقين أو مكتئبين مش بنشوف غير الحاجات الوحشة و بننسى الى ربنا أنعم بيه علينا و فيه شاعر قال البيت ده ::
ومن يك ذا فم مريض يجد مرا به الماء الزلالا

يعني العيان بيلاقي الماء العذب الجميل طعمه مر
وده طبيعة البشر ومش العيان بس ده المكتئب المتشائم المتضايق .........................

بس الحل هو إنك تلجأ لربنا و تتوكل عليه في كل حاجة ومهما كان عندك مصيبة لازم تبص على غيرك وتشوف عندهم إيه والله هتحمد ربنا كتييييييير على النعم الي عندك ومش عندهم ............ وعلى فكرة كل واحد منا أكيد عنده مشكلة و بيشوف انها نهايه الكون وده مش صحيح لازم يتحمل ويصبر و أأهم حاجة إنه يكون راضي وربنا هيعوضه أكييييد



شكرا جزيلا أخوكم :: stoof

[samar saad]

بجد انا بوفقك فى الرأى وانا اول واحده جالها اكتئاب بالذات السنة دى وفعلا عملت زى ما بتقولى كده وبقيت عايشة الحمد لله فى منتهى التفاؤل وعلى فكرة احنا مش بنضحك على نفسنا لان احنا فعلا عايشين فى نعمه مش حاسين بيها , ربنا يارب مايرورى حد الاكتئاب لانه بجد اخطر مرض فى الدنيا وان مريت بيه اكتر من 3 سنين

[Dr. Hoda Ahmed]

المشاركة الأصلية كتبت بواسطة stoof

شكرا على الموضوع ده
وعلى فكرة انت على حق تماما كلنا لما بنكون متضايقين أو مكتئبين مش بنشوف غير الحاجات الوحشة و بننسى الى ربنا أنعم بيه علينا و فيه شاعر قال البيت ده ::
ومن يك ذا فم مريض يجد مرا به الماء الزلالا

يعني العيان بيلاقي الماء العذب الجميل طعمه مر
وده طبيعة البشر ومش العيان بس ده المكتئب المتشائم المتضايق .........................

بس الحل هو إنك تلجأ لربنا و تتوكل عليه في كل حاجة ومهما كان عندك مصيبة لازم تبص على غيرك وتشوف عندهم إيه والله هتحمد ربنا كتييييييير على النعم الي عندك ومش عندهم ............ وعلى فكرة كل واحد منا أكيد عنده مشكلة و بيشوف انها نهايه الكون وده مش صحيح لازم يتحمل ويصبر و أأهم حاجة إنه يكون راضي وربنا هيعوضه أكييييد



شكرا جزيلا أخوكم :: Stoof

شكرا بجد على الكلام الجميل ده بجد الحل الوحيد هو الطريق الى الله وربنا ينعم علينا جميعا بالهداية

[Dr. Hoda Ahmed]

المشاركة الأصلية كتبت بواسطة samar saad

بجد انا بوفقك فى الرأى وانا اول واحده جالها اكتئاب بالذات السنة دى وفعلا عملت زى ما بتقولى كده وبقيت عايشة الحمد لله فى منتهى التفاؤل وعلى فكرة احنا مش بنضحك على نفسنا لان احنا فعلا عايشين فى نعمه مش حاسين بيها , ربنا يارب مايرورى حد الاكتئاب لانه بجد اخطر مرض فى الدنيا وان مريت بيه اكتر من 3 سنين

ربنا يبارك فى حضرتك ويبعد عننا جميعا الاكتئاب لان بجد شعور وحش اوى ........بس مش كل حزن يكون اكتئاب .....المهم نفكر فعلا فى نعم ربنا علينا وشكرا على مرورك

[nooneasme1]

جزاكم الله خير اً وانتظر منكم المزيد

[omar adel 2010]

بارك الله فيكم .

[منة2011]

ياريت نقدر ضحك على نفسنا ونقول كدة وهى تتقبل
شكرا على الموضوع الرائع وجزاك الله خيرا

[Dr. Hoda Ahmed]

المشاركة الأصلية كتبت بواسطة nooneasme1

جزاكم الله خير اً وانتظر منكم المزيد

وجزاكم مثله ...........وشكرا على مرورك

[Dr. Hoda Ahmed]

المشاركة الأصلية كتبت بواسطة منة2011

ياريت نقدر ضحك على نفسنا ونقول كدة وهى تتقبل
شكرا على الموضوع الرائع وجزاك الله خيرا

شكرا يا منه على مرورك ..لو كان الضحك هو الحل فالمهم ان بجد ما ننساش النعم اللى احنا فيها ....احنا مش بنضحك على انفسنا .بس بنحاول نهديها وقت الحزن بأى مبرر

[Dr. Hoda Ahmed]

المشاركة الأصلية كتبت بواسطة omar adel 2010

بارك الله فيكم .

شكرا على مرورك

[سؤئة الطيوبة]

على فكرة انا كمان عندي اكتئاب

بس هضحك ع نفسى وهقول انا فرحانة ومبسوطة ههههههههههه

خلاص اتجننت صح

شكرااااااااااااااااااااااااااااا

موضوع تحفة

[Dr. Hoda Ahmed]

شكرا يا قمر احلى حاجة اننا نقول احنا مبسوطين وده احساس حلو اوى

[سؤئة الطيوبة]

انتي القمر محبة كلك ذوق

[Jehad Mohamed]

انا لما زعل ويجيلى اكتئاب وبقعد مع اصحابى بفرح وبنسى همومى

ولكن بردو اخدها كلمه مع نفسى ان لايأس مع الحياة ولا حياة مع الياس

او انظر للحياة بامل بضحك فى وش الناش حتى لو مضايقه

الابتسامة فى وجه اخيك صدقه