اما آن لصوت العقل ان يتكلم !!

[نقاء الروح]

السلام عليكم ورحمة الله وبركاته

لا ادري ما اقول .. فالاوضاع من سيء الى اسوء للاسف
فما حدث فميدان التحرير بالامس شيء غير معقول
مفزع ومدمي للقلوب ..
وأكثر ما احزنني هؤلاء القتلى الذين سقطوا ضحايا لهذا العمل ..

والان ارى ان الكثير مازال مصر على البقاء
لماذا ؟؟
عشان ناس تقتل اكتر ؟
ولا عشان نفضل نقتل فبعض ويحولوها حرب اهلية ؟

خلاص كفاية
الريس مش هيمشي
وحتى لو مشي هيقولوا امريكا ال مشته
امريكا ال عمالة تتكلم وكأن مصر دي من ممتلكاتها
وتوجه خطاب شديد اللهجة و خايفين و قلق وكلنتون قالت وبتقول وهتقول
وكأن بلدهم مش بلدنا

فخلينا نسمع لصوت العقل شوية
سبكو من الريس دلوقتي
مصر لو استمر الوضع كدا هتخرب والله
بعيدا عن وجود او رحيل الريس
اصبح الوضع سيان .. وللان الامور مبهمة
وماحدش عارف بكرة ممكن يحصل ايه ..

لو ماممشيش الشباب هيفضل قاعد والناس المجهولة ال داخلة عرض
هتفضل بردو و الناس هتموت وصدامات وقلق لا حد له

لو مشي هتلاقي تكالب لا نهائي على السلطة
وكل واحد عاوز يستفيد .. والاحزاب هتطلع وتولع الدنيا
ماهو الدنيا بقت فوضى

وانا مش عاوزة اقول اسرائيل او امريكا
عشان ماحدش يقول اننا دايما بنتستر وراء المؤامرة والكلام ده
لكن احتمال ده كبير و وارد
فياريت كفاية ونحقن دماء المصريين

وياريت نفكر الاول فالناس ال ماتت وال اتصابت
وال لسة هتموت .. ممكن يكون اخوك او قريبك

الكلام مش مرتب ولا الافكار
بس خلاص تعبنا وقلبنا اتحرق على ال بيحصل