اما آن لصوت العقل ان يتكلم !!

[نقاء الروح]

المشاركة الأصلية كتبت بواسطة "حبيبة الله"

عندك حق اكتر شئ محزن هم الشباب والنساء والاطفال اللى بيموتوا وبيتصابوا
عارفه بعد الخطاب فى ناس كتير انسحبت من الميدان والناس اللى موجودين كانوا اكيد هيمشوا بالتدريج لكن المظاهرات التى يقال انها مؤيدة للريس هى اللى كان فيها بلطجية وهم اللى قتلوا الناس فى الميدان دلوقتى الناس مش بقوا واثقين فى اى كلام مش عارفه ليه ده بيحصل وفى مصلحة مين بس اكيد اللى حصل ده مش هيعدى على خير لان الناس فى الميدان بيزيدوا دلوقتى
وده معناه ان الضحايا هيزيدوا
انا مش مصدقة ان احنا بنقتل فى بعض
خايفة اوى على مصر حقيقى مش عارفه اعمل ايه حاسه انى فى كابوس مش بينتهى

مش بس الفئة المجهولة ال دخلت على انها مؤيدة لمبارك
حتى المحتجين ..
على العربية وانا بقول العربية عشان ماحدش يقول انها مصرية ومضلله
فيه مراسل قال فيه ناس لما شافوا الناس هتمشي بعد خطاب الريس
راحوا عطوهم فلوس واكل عشان يقعدوا !!
معناه ايه ده ؟؟
وفيه واحد بردوا طلع وقال فيه اجانب بيدوهم وجبات كنتاكي !
وواحد اسرائيلي قبضوا عليه فالسويس بيتمشى !
مش بقول كدا بدافع .. لاء
انا لا مع ولا ضد انا يهمني مصر وبس
لكن الامور ديه كلها غريبة وظهورها دلوقتي حاجة اغرب
فياريت نقف نفكر شوية ..

للاسف الناس شايفة الناس بتموت وعمالة بردوا تروح
مش عارفة يسموه ايه ده !!
ربنا يستر
شكرا ياحبيبة على رايك ومرورك ..