|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
31-08-2009, 01:57 PM
|
|||
|
|||
مش عارف أجيلك يارب
مش عارف أجيلك يا رب
أنا مش خليل الله أرتمى جوه قلب النار وأخرج "برد وسلام" وانا مش كليمك ولا عندى العصا أشق بيها البحر واضرب قلب خوفى لجل ما اعبر بالكلام ولا انا نوح أركب سفينة النجاه أهرب بقومى للحياه أنا عبد نفسى تحبنى أنا عبد نفسى تضمنى تبعد شيطانى تهت وتاهت سكتى ف الدرب ضلت خطوتى ووقعت مش عارف أقوم وانت الملك وانت العزيز وانت القريب م الوريد انت الودود وانا كل عمرى بيرتجف من خوفى منك مش عارف أدعى من ذنوبى وانت قلت انك قريب ادعونى استجيب وانا ليل نهارى بادعى واقول يارب انت العظيم تواب رحيم بتتوب على عبدك وتاخده ف رحمتك مشتاق لشجرة ف جنتك مشتاق لطلة ع النعيم إنت الكريم بس أعمالى قليلة والحيلة تاهت من إيديا مش لاقى سكة غير مكانك مش لاقى حد ياخد بايدى وانت سيدى لجل حبيبك النبى ماتسيبنى ليها الدنيا واخدانى إليها بتغرنى بتهزنى بتهدنى والشيطان واقف قصادى خدنى ليك يارب جنبك خدنى ليك أنا قلبى حبك من زمان من يوم ما جيت بس مش عارف أجيلك = محمد على 
|
|
#2
31-08-2009, 02:23 PM
|
|||
|
|||
|
محمد علي الفنان
قول كمان وكمان اشجينا وحسسنا بالقران دا كلامك مش كلام جان في انتظارك مزيدك يا اجمل فنان
__________________
.المرأه إن اخلصت لها الدهر كله ورأت منك يوما سيئا :كأنك لم تخلص لها قط.
|
|
#3
01-09-2009, 10:43 AM
|
|||
|
|||
|
اقتباس:
حبيبى شكراً على زيارتك ويارب يجمعنا ف جنته
|
|
#4
31-08-2009, 03:15 PM
|
||||
|
||||
تحية احترام وتقدير لحضرتك
اللهم أنر قلوبنا وثبتها على الإيمان بنور وجهك العظيم ياأكرم الأكرمين استاذي الفاضل
تسلم ايديك وجعلها الله في ميزان حسناتك وجزاك خيرا ووفقك ودمت مبدعا نغم آخر تعديل بواسطة الأستاذة ام فيصل ، 31-08-2009 الساعة 03:22 PM
|
|
#5
02-09-2009, 12:02 AM
|
|||
|
|||
|
اقتباس:
ادعو الله أن يجازينا خيراً
|
|
#6
31-08-2009, 03:36 PM
|
||||
|
||||
|
الاخ الفاضل / محمد على
قصيدة جميلة جداً تبيبن فيها ضعف الانسان وسيطرت الشيطان علية أسلوب جميل وسلس وفكرة رائعة جدا لا حرمك الله نعمة الاحساس ودمت مبدعاً لنا تقبل مرورى فى رعاية الله .. اللهم ما الهمنا سبل الطريق اليك
__________________
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
حــــــــداد عليكى يا مصــــر ! ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
|
|
#7
02-09-2009, 02:15 PM
|
|||
|
|||
|
اقتباس:
أشكرك يا أخى وجزاك الله خيراًُ
|
|
#8
31-08-2009, 03:43 PM
|
||||
|
||||
|
مش عارف أجيلك .. والله العظيم الطريق إلى الله ما في أسهل منه .. وفعلاً كتير من الأوقات بنغمض عنينا وكأننا مش عارفين مكانه .. كل الحكاية كل الطرق .. الحل الوحيد .. والبسيط .. والأكيد .. بس .. نفتح عيونا .. هنعرف الطريق لله ..
تسلم ايدك يا محمد .. وبارك الله فيك أخي الغالي
|
|
#9
03-09-2009, 09:01 AM
|
|||
|
|||
|
اقتباس:
أشكر مرورك يا صديقى العزيز وشاعرنا الجميل ودايما تسعدنا زيارتك
|
|
#10
31-08-2009, 05:05 PM
|
||||
|
||||
|
السلام عليكم ورحمة الله وبركاتة
ادام الله لك احساسك الرائع ودقة تعبيرك كلماتك جسدت لنا ضعف الانسان امام الشيطان سلمت اناملك الذهبية على ماخطت وابدعت تقبل تحياتى
|
|
#11
04-09-2009, 10:38 PM
|
|||
|
|||
|
اقتباس:
== أشكر مرورك وكل عام وانت بخير
|
|
#12
31-08-2009, 05:53 PM
|
|||
|
|||
|
بجد روعه ما شاء الله عليك
تسلم ايدك عليها بجد يارب يجعله فى ميزان حسناتك
__________________
حياتنا لوحه فنيه...ألوانها القول وأشكالها العمل وإطارها العمر
فإذا انقضت حياتنا اكتملت اللوحه ...وعلي قدر روعتها تكون قيمتها حتى إذا قامت القيامه عرض كل انسان لوحته... فابدع في لوحتك...فمازالت الفرشاه بين يديك..!! 
|
|
#13
31-08-2009, 08:27 PM
|
||||
|
||||
|
جميلة اوي يا استاذ محمد
بجد ماشاء الله مش عافة اسمي اللي فيها ده مناجاه ولا ايه بس مش عارفة دايما رائع يا استاذ
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#14
31-08-2009, 09:45 PM
|
||||
|
||||
|
كان نفسى أول واحد يرد عل قصيدتك يا محمد يا على.. بس نصيبى كدا دايما متأخر ..يبدو أن روحانيات رمضان عاملة معاك شغل .. و كأنك عايز تقول : " أنا فرد واحد م البشر أنا مش نبى من فوق.. وإللى يهز البشر بيهزنى بالذوق ." و نفيت عن نفسك صفات الأنبيا ..
أنا عبد نفسىتحبنى أنا عبدنفسى تضمنى تبعد شيطانى تهت وتاهت سكتى مهما كترت الذنوب و المعاصى ليس هناك ملجأ إلا الله.. و نشوف بقى التعبير الجميل وانا كل عمرى بيرتجف من خوفىمنك العمر كله مش خايف بس لأ و مرعوب و بيرتجف من خشية الله. هنا الشاعر مش طماع .. لا طمعان فى قصر و لا قيراط فى الجنة.. طمعان فى شجرة أو فرع منها .. يارب تنولها مشتاق لشجرة فجنتك مشتاقلطلة ع النعيم إنت الكريم الإعتراف بان الأعمال قليلة... تعبيرات القلق و الحيرو و المتاهة تبدو واضحة فى : بس أعمالى قليلة والحيلة تاهت منإيديا مش لاقىسكة غير مكانك مش لاقى حد ياخد بايدى تأتى 3 أفعال فى المضارع مشبوكة بحرف الباء إللى مكهربها .. بتسلسل من الأقل إلى الأكثر و العكس.. بتغرنى بتهزنى بتهدنى و تنتهى القصيدة بالمناجاة ورفع أكف الضرائع .. لكى نعلن انه " يارب مفيش غيرك هيرحمنا" تحياتى لك أيها الشاعر الجميل... كان نفسى أقول و أطول بس خايف الناس تملنى
|
|
#15
10-09-2009, 01:35 PM
|
|||
|
|||
|
اقتباس:
أشكرك يا عمنا السعيد وياريت نشوف باقى ردك وبراحتك خالص ورمضان كريم محمد على
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 08:06 AM.
