|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
|
|
أدوات الموضوع | انواع عرض الموضوع |
|
#1
06-03-2011, 05:16 PM
|
||||
|
||||
قصيدة كلاب الدولة أهداء الى كل مصرى حرلما تكون نايم متغطى وفى نفس الوقت عريان لما تشو
لما تكون نايم متغطى وفى نفس الوقت عريان لما تشوف شحات فى الشارع وتقول عليه غلبان ويكون بيضحك عليك وهو من كلاب الدولة الحيوان لما تكون نازل مظاهرة وسط مناضلين فجأة تلاقى اللى حواليك ناس واطيةوخاينين أصل امن الدولة الواطى قايلهم روحوا اندسوا يا حلوين وتبص تلاقى مظاهرة انفضت وحواليك عشرين لما تحب تكلم صاحبك عالتليفون يقوم يقولك انت متراقب تقول عليه مجنون فجأة تلاقى الباب بيخبط تقوم تفتح على طول تحس بأنك اما بتحلم او انك مسطول تتاخد من على باب الشقة وبنطلونك مبلول وتروح هناك واللى يعوزوه لازم هتقول ولو رفضت وعملت راجل يحولوك مشلول ياخدوك كده ويدخلوك فى باب يحطوك تحت الارض فى سرداب تكونش سرق مدينتى ولا حتى الرحاب وتختارلك قضية يا مخدرات يا سلاح يا ارهاب ولومقبلتش يعذبوك ويطلقوا عليك الكلاب وكل ده بيحصلك من غير أسباب وأوعى فى يوم تفكر تدخل الحمام وأوعى فى يوم تنسى تستأذن قبل ما تنام ولو فكرت تتغدى هما يختارولك فراخ ولا حمام ولو شفت علامة تعجب وقالولك دى علامة استفهام تبقى استفهام ولو قالك انت مجنون تبقى مجنون ومتنطقش اى كلام ولو حبيت تدخل تجارة وهما اختارولك اعلام يبقى اعلام ومتنطقش اى كلام وهما يقولولك تدخل صنايع ولا ثانوى عام ومتنطقش أى كلام وأما تحب فى يوم تتجوز يقولولك رافضين وأوعاك ترفض ولا تبوز ليودوك الصين ولو انت دكتور عادى تشتغل تغسل مواعين المهم البشوات ميكونوش زعلانين والشعب يحب يرضيهم وهما يفضلوا قرفانين ويبصولك بقرف ويقولوا كفاية معيشينكم امنين كأن الحيلة بيتباهى بتحرير فلسطين بس المشكلة أننا كنا طيبين شفتوا ازاى لما استرجلنا خليناهم مسحولين أخيرا بانو ازاى هما جبناء ومجانين أتاريهم كانوا للبلد مالكين وقوتى وقوتك كانوا ناهبين وسارقين قصيدة من تأليفى مدحت محمد حسين the champion
__________________
الثورة مستمرة 
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 09:28 AM.
