ll .. الحـــق يا هـــشــــام .. ll

[Mohamed.Helmy]

السلام عليكم و رحمة الله و بركاته ..

ندخل فى الموضوع على طول

انا عارف ان اسم التوبيك غريب شوية ^^


خلاص ندخل فى الموضوع


أمبارح كان فى حفــلة للشاعر الموهوب " هشام الجخ "
فى جامعة أسيوط ..

انا و أصحابي كنا جايبين التذاكر تمام قبلها بفترة و رايحين بقى عادي جدا و مبسوطين
لقينا أمة لا اله الا الله .. ^^
قولنا برضه عادي ..
الراجل شاعر و نجم و ليه شعبية برضه
المشكلة بقى فى التنظيم
و قفنا حوالي ساعة الا ربع علشان نديهم التذاكر و ندخل ..
بس كان فى واحد عاوز يدخل او واحد و عمال يزق فى ده و فى ده .
طب يا عم الحاج مينفعش .. طب أقفوا طابور و نشوف مين يدخل و مين ميدخلش و قفلوا الباب علشان ينظموا الناس ..
قام مطلع جزام البنطلونالا هيدخل و يضرب فى أى حد جنبه

المهم فين و فين لما دخلنا بالعافية ..
و قعدنا و القاعة نضيفة و كل واحد قعد فى مكانه و تمام و كان هشام لسه مطلعش هو أتاخر شوية ^^
لان كان لسه فى ناس بره مدخلتش و كانوا قافلين الباب ..
من هنا لهنا الشباب اللى بره خلاص كسروا الباب الخشب و دخلوا
و اللى كان بيضرب بالحزام ده داخل بعصاية .. و الامن بقى معرفش راح فين لغاية دلوقتي
و اللى بينظموا الحفل بس هما اللى مسؤلين ..

و كانت الحفلة هتبوظ
لولا الدكتور اللى واقف ع المسرح .. أنقذ الدنيا ..
قالهم سيبوهم يدخلوا دول ولادنا و شباب الثورة و الناس أتفاعلت معاه و كده ..
بس اللى غاظني أكتر ان الواد البلطجي ده حسبوه من شباب الثورة

بس الحمد لله اول ما الكل دخل قعدوا باحترامهم و محدش عمل أى حاجة تاني و الحفلة بدأت على خير
و هشام كمان اعتذر على التأخر و انه حصل كده بسببه و كده بس الحمد لله الشباب كانوا محترمين و كانت حفلة لطيفة ..
حتى الواد اللى كان بيضرب ده اول ما دخل و قعد اعتذر للناس ..

بس السؤال هنا .. ؟

ليه طيب رفضوا ان الشباب دول يدخلوا و أما الشباب دخلوا بالعافية سابوهم مع انهم مكانوش كتار و كمان قعدوا بأحترامهم ؟

يا تري احنا اتعودنا على ان لولا الواحد يتعامل معانا بالعافية لوللا نحترمه و نديله حقه ؟
مع ان الشباب دي حقها تدخل من الاول و كمان قعدوا بأحترامهم
ولو مكانوش عملوا كده مكانوش هيدخلوا ..

و الحمد لله اليوم عدى على خير ..